పవన్‌ ఫ్యాన్స్ గెట్ రెడీ - 'ఓజి' సర్​ప్రైజ్​ ఆ రోజే

పవన్‌ కల్యాణ్‌ నుంచి రానున్న 'ఓజి' సినిమా ఫస్ట్ సింగిల్ అప్డేట్ డీటెయిల్స్​.

Pawan Kalyan OG Movie First Single : పవర్ స్టార్ పవన్‌ కల్యాణ్‌ నుంచి రానున్న చిత్రాల్లో 'ఓజి' కూడా ఒకటి. దర్శకుడు సుజిత్‌ ప్రతిష్టాత్మకంగా తెరకెక్కిస్తున్నారు. ఈ పవర్​ ఫుల్​ గ్యాంగ్​స్టర్​ యాక్షన్ మూవీని పాన్‌ ఇండియా చిత్రంగా డీవీవీ దానయ్య నిర్మిస్తున్నారు. ప్రియాంక అరుల్‌ మోహన్‌ కథానాయికగా నటిస్తుండగా, ఇమ్రాన్‌ హష్మీ ప్రతినాయక పాత్ర పోషిస్తున్నారు.

OG Movie Shooting Update : ప్రస్తుతం ఈ సినిమా చిత్రీకరణ ముగింపు దశలో ఉంది. ఈ నేపథ్యంలోనే సినిమాలోని తొలి గీతాన్ని వినిపించేందుకు చిత్ర బృందం సన్నాహాలు చేసుకుంటున్నట్లు తెలిసింది. కొత్త ఏడాది సందర్భంగా జనవరి 1న ఈ సాంగ్​ను విడుదల చేస్తారని సమాచారం. వాస్తవానికి సెప్టెంబరు 2న పవన్‌ కల్యాణ్ పుట్టినరోజు సందర్భంగానే ఈ ఫస్ట్ సాంగ్​ను రిలీజ్ చేయాలని భావించినప్పటికీ అప్పుడు కుదరలేదు. ఎందుకంటే అప్పటికీ ఏపీలో ఉన్న వరదల పరిస్థితుల్ని దృష్టిలో పెట్టుకుని విడుదల చేయలేదు.

ఇప్పుడా సాంగ్​నే కొత్త ఏడాది రోజున విడుదల చేయనున్నట్లు సమాచారం అందింది. ఈ గ్యాంగ్‌స్టర్‌ డ్రామాలో పవన్‌ కల్యాణ్ ఓజాస్‌ గంభీర అనే పవర్​ ఫుల్​ పాత్రలో కనిపించనున్నారు. ఆయన్ని ఢీకొట్టే ప్రతినాయకుడిగానే ఇమ్రాన్‌ నటిస్తున్నారు. వచ్చే ఏడాది వేసవికి ప్రేక్షకుల ముందుకొచ్చే అవకాశముంది. సినిమాకు తమన్‌ సంగీత దర్శకుడిగా వ్యవహరిస్తున్నారు. చిత్రంలో కోలీవుడ్‌ స్టార్ హీరో శింబు కూడా ఓ పాట పాడారు.

Pawan Kalyan Upcoming Movies : ఇకపోతే రాజకీయాల్లో ఫుల్​ బిజీ అయిన పవన్‌ కల్యాణ్‌ హరి హర వీరమల్లు, ఉస్తాద్‌ భగత్‌ సింగ్‌ చిత్రాలు కూడా పూర్తి చేయాల్సి ఉంది. హరి హర వీరమల్లు షూటింగ్ రీసెంట్​గానే పవన్ లేకుండా ప్రారంభమైంది. కానీ భగత్ సింగ్ మాత్రం షురూ కాలేదు. తాత్కాలికంగా నిలిచిపోయింది. కాగా, పవన్ ఆంధ్రప్రదేశ్‌ ఉప ముఖ్య మంత్రిగా బాధ్యతలు నిర్వర్తిస్తూనే, మధ్యలో సినిమాలకు సమయం కేటాయిస్తున్నారు. అప్పుడప్పుడు షూటింగ్​లలో పాల్గొంటున్నారు.