Pawan kalyan OG : పవర్ స్టార్ పవన్‌కల్యాణ్‌- సుజీత్ కాంబోలో తెరకెక్కుతున్న సినిమా 'ఓజీ' (OG). ఈ సినిమాను డీవీవీ ఎంటర్‌టైన్‌మెంట్‌ సంస్థ అత్యంత ప్రతిష్ఠాత్మకంగా నిర్మిస్తోంది. అయితే సినిమా నుంచి ఒక్క టీజర్ మినహా ఇప్పటివరకూ ఎలాంటి అప్డేట్స్ లేవు. దీంతో కొంతకాలంగా పవన్ ఫ్యాన్స్ అప్డేట్స్ కావాలంటూ సోషల్ మీడియాలో మేకర్స్ను ట్యాగ్ చేస్తూ పోస్ట్లు పెడుతున్నారు. ఈ నేపథ్యంలోనే ఓ అభిమాని- మేకర్స్ మధ్య సరదా సంభాషణ జరిగింది. ప్రస్తుతం అది సోషల్ మీడియాలో వైరల్గా మారింది. మరి అది ఏ పోస్ట్ అంటే?
ఓజీ అప్డేట్ కావాలంటూ ఓ అభిమాని 'ఓజీ అప్డేట్ ఇచ్చి చావు' అని పోస్ట్ పెట్టాడు. దీనిపై నిర్మాణ సంస్థ స్పందించింది. 'అప్డేట్లు ఇవ్వకుండా చావనులే. ఉన్నప్పుడు ఇస్తా. ప్రస్తుతానికి సీజ్ ది షిప్' అని ఫన్నీగా రిప్లై ఇచ్చింది. ప్రస్తుతం ఇది సోషల్ మీడియాలో ఫుల్ వైరలైంది. అయితే ఇటీవల ఆంధ్రప్రదేశ్ కాకినాడ పోర్టులో పవన్‌కల్యాణ్‌ అన్న 'సీజ్ ది షిప్' పదం సోషల్ మీడియాలో బాగా వైరల్ అయ్యింది. దీంతో ఈ మాటలను కూడా ఓజీ సినిమాలో ఉపయోగించాలని డైరెక్టర్ సుజీత్ను ఫ్యాన్స్ కోరుతున్నారు.
Update icchi savuuu ra OG dhi pic.twitter.com/mzlAiYANHN
— The Kalyan Fans (@iamjanasenani) November 30, 2024
ప్రస్తుతం ఈ సినిమా చిత్రీకరణ ముగింపు దశలో ఉంది. ఈ నేపథ్యంలోనే సినిమాలోని తొలి పాట వినిపించేందుకు చిత్ర బృందం సన్నాహాలు చేసుకుంటున్నట్లు తెలిసింది. కొత్త ఏడాది సందర్భంగా జనవరి 1న ఈ సాంగ్ను విడుదల చేస్తారని సమాచారం. వాస్తవానికి సెప్టెంబరు 2న పవన్ కల్యాణ్ పుట్టినరోజు సందర్భంగానే ఈ ఫస్ట్ సాంగ్ను రిలీజ్ చేయాలని భావించినప్పటికీ అప్పుడు కుదరలేదు.
కాగా, ఈ సినిమా గ్యాంగ్‌స్టర్‌ యాక్షన్ నేపథ్యంలో తెరకెక్కుతోంది. ఇందులో పవన్ కల్యాణ్ ఓజాస్‌ గంభీర అనే పవర్ ఫుల్ పాత్రలో కనిపించనున్నారు. ఆయన్ని ఢీకొట్టే ప్రతినాయకుడిగానే బాలీవుడ్ స్టార్ ఇమ్రాన్‌ నటిస్తున్నారు. బ్యూటీ ప్రియాంకా మోహన్‌ హీరోయిన్గా నటిస్తుండగా, శ్రియా రెడ్డి కీలక పాత్ర పోషిస్తోంది. డీవీవీ ఎంటర్‌టైన్‌మెంట్‌ పతాకంపై డీవీవీ దానయ్య దీనిని నిర్మిస్తున్నారు. 2025 ఏడాది వేసవికి ప్రేక్షకుల ముందుకొచ్చే అవకాశముంది.
పవన్ కల్యాణ్ X ప్రకాశ్ రాజ్ - 'OG'లో ఇద్దరి మధ్య ఫైట్ సీన్?
