Pawan Kalyan OG Release Date : అటు పవన్ ఫ్యాన్స్తో పాటు ఇటు మూవీ లవర్స్ ఎంతగానో ఎదురుచూస్తున్న 'ఓజీ' మూవీ రిలీజ్ డేట్ రానే వచ్చింది. తాజాగా ఈ సినిమా రిలీజ్ డేట్ను మేకర్స్ రివీల్ చేశారు. వరల్డ్ వైడ్గా ఈ చిత్రం 2024 సెప్టెంబర్ 24న విడుదల కానున్నట్లు ప్రకటించారు. పవన్ స్టైలిష్ లుక్లో ఉన్న ఓ స్పెషల్ పోస్టర్ ద్వారా ఆ విషయాన్ని ఫ్యాన్స్కు తెలియజేశారు.
Pawan Kalyan OG Cast : ఇక 'ఓజీ' సినిమా విషయానికి వస్తే ముంబయి బ్యాక్‌డ్రాప్‌లో రూపందుతున్న ఈ సినిమాలో పవన్ కల్యాణ్ ఓ గ్యాంగ్‌స్టర్గా కనిపించనున్నారు. ఇందులో పవన్ సరసన గ్యాంగ్లీడ్ ఫేమ్ కోలీవుడ్ నటి ప్రియాంక అరుల్ మోహన్ నటిస్తున్నారు. బాలీవుడ్‌ స్టార్ హీరో ఇమ్రాన్‌ హష్మి ఈ సినిమాలో విలన్ రోల్లో మెరవనున్నారు. వీరితో పాటు అర్జున్‌ దాస్‌, వెంకట్, శ్రియారెడ్డి, సీనియర్ నటుడు వెంకట్ తదితరులు కీలక పాత్రలు పోషిస్తున్నారు.
Pawan Kalyan OG Title : ఈ సినిమాకు ఓ పవర్ఫుల్ టైటిల్ను ఫిక్స్ చేసినట్లు తెలుస్తోంది. తొలుత ఈ మూవీ వర్కింగ్ టైటిల్ అయిన 'ఓజీ'ని అందరూ 'ఒరిజినల్‌ గ్యాంగ్‌స్టర్' అని అనుకున్నారు. కానీ దాని అర్థం 'ఓజాస్ గంభీర' అని తెలిసింది. దీంతో దీన్నే టైటిల్గా ఫిక్స్ చేస్తే బాగుంటుందని మేకర్స్ అనుకున్నారట, కానీ ఈ సినిమాకు మరింత సాలిడ్ టైటిల్ను మూవీ టీమ్ డిసైడైందని సమాచారం.
అయితే తాజాగా ఈ చిత్ర నిర్మాణ సంస్థ డీవీవీ ఎంటర్టైన్మెంట్స్ కొత్తగా 'హంగ్రీ చీతా' అనే టైటిల్ను రిజిస్టర్ చేయించిందట. దీంతో ఈ టైటిల్ గురించి చర్చలు మొదలయ్యాయి. మరోవైపు ఓజీ మేకర్స్ మాత్రం ఈ సినిమాకు 'They Call Him OG' అనే టైటిల్నే ఫిక్స్ చేసినట్టు తెలుస్తోంది. దీంతో ఫ్యాన్స్ కన్ఫ్యూజన్లో ఉన్నారు. ఈ రెండింట్లో మేకర్స్ దేన్ని ఫిక్స్ చేస్తారన్న విషయం గురించి డిస్కషన్ పెట్టారు. అయితే మేకర్స్ క్లారిటీ ఇస్తేకానీ అసలు విషయం తెలియదు.
- " class="align-text-top noRightClick twitterSection" data="">
