NTR Prasanth Neel Film Heroine : ప్రస్తుతం యంగ్ టైగర్ ఎన్టీఆర్ నటించిన 'దేవర' సినిమా థియేటర్లలో బ్లాక్ బస్టర్ టాక్తో దూసుకెళ్తోంది. బాక్సాఫీస్ ముందు అదిరిపోయే వసూళ్లను అందుకుంటోంది. అయితే ఈ చిత్రం తర్వాత తారక్ ప్రశాంత్ నీల్తో కలిసి ఓ సినిమా చేయనున్నారు. త్వరలోనే ఈ సినిమా సెట్స్పైకి వెళ్లనుంది. పక్కా యాక్షన్ బ్యాక్డ్రాప్తో రానుంది.
తాజాగా అందుతున్న సమచారం ప్రకారం ఈ సినిమాలో ఓ హీరోయిన్ కన్ఫార్మ్ అయినట్లు తెలుస్తోంది. ఆమె కన్నడ ఇండస్ట్రీకి చెందిన బ్యూటీ అని అంటున్నారు. ఆమె మరెవరో కాదు కన్నడతో పాటు తెలుగులోనూ మంచి టాక్ అందుకున్న 'సప్త సాగరాలు దాటి' మూవీ హీరోయిన్ రుక్మిణి వసంత్.
ఇప్పటికే రుక్మిణి వసంత్తో చర్చలు కూడా జరిపారంటూ సోషల్ మీడియాలో ప్రచారం సాగుతోంది. దీనికి ఆమె గ్రీన్ సిగ్నల్ ఇచ్చినట్లు వార్తలు కనిపిస్తున్నాయి. అయితే ఇందులో నిజమెంతో పక్కాగా తెలీదు. దీనిపై ఓ స్పష్టత రావాలంటే అధికారిక ప్రకటన వచ్చే వరకు వేచి ఉండాల్సిందే.
కాగా, ఇప్పటికే సప్త సాగరాలు దాటి చిత్రాన్ని చూసిన తెలుగు ప్రేక్షకులంతా రుక్మిణి అందానికి ఫిదా అయిపోయారు. అలానే తెలుగు దర్శకనిర్మాతలు ఆమెను తెలుగులోకి తీసుకురావడానికి ప్రయత్నిస్తున్నారని ఆ మధ్య ప్రచారం సాగింది.
ఇకపోతే ప్రశాంత్ నీల్ - ఎన్టీఆర్ చేయాల్సిన సినిమాకు మైత్రీ మూవీకర్స్, ఎన్టీఆర్ ఆర్ట్స్ కలిసి నిర్మిస్తున్నాయి. కేజీఎఫ్‌, సలార్‌ సినిమాల భారీ హిట్లతో పుల్ జోష్ మీదున్న ప్రశాంత్ నీల్ ఎన్టీఆర్‌ను ఈ చిత్రంలో ఎలా చూపిస్తారా అని ఆయన ఫ్యాన్స్ ఎంతో ఆసక్తిగా ఎదురు చూస్తున్నారు.
స్టోరీ ఇదే - ఈ సినిమా కథ గురించి ఆ మధ్య ప్రశాంత్ నీల్ మాట్లాడుతూ - "ఈ చిత్రాన్ని అందరూ ఓ యాక్షన్ సినిమాలా భావిస్తారు. కానీ, నేను నా జానర్‌లోకి వెళ్లాలని అనుకోవట్లేదు. వాస్తవానికి ఇది భిన్నమైన భావోద్వేగాలతో కూడిన చిత్రం." అని చెప్పుకొచ్చారు.
'NTR 31' షూటింగ్ అప్డేట్ - ఆ షెడ్యూల్లో తారక్ ఉండరట! - Jr Ntr 31 Shooting Update
