NKR 21 Fist Of Flame Video : నందమూరి కళ్యాణ్ రామ్ గురించి ప్రత్యేకంగా చెప్పనక్కర్లేదు. ఫలితాలతో సంబంధం లేకుండా వరుసగా సినిమాలు చేస్తూ కెరీర్లో ముందుకెళ్తున్నారు. అలా ఆ మధ్య బింబిసార, డెవిల్ చిత్రాలతో తన కెరీర్లోనే భారీ విజయాలను అందుకున్న సంగతి తెలిసిందే. ఓ వైపు హీరోగా సినిమాలు చేస్తూనే మరోవైపు నిర్మాతగానూ రాణిస్తున్నారు. ఈ క్రమంలోనే గత ఏడాది దసరా సమయంలో తన 21వ సినిమా కూడా అనౌన్స్ చేశారు. అశోక క్రియేషన్స్, ఎన్టీఆర్ ఆర్ట్స్ బ్యానర్స్పై ప్రదీప్ చిలుకూరి దర్శకత్వంలో ఈ సినిమా చేస్తున్నట్లు తెలిపారు.
చిత్రంలో సయీ మంజ్రేకర్ హీరోయిన్గా నటిస్తుండగా విజయశాంతి ఓ ముఖ్య పాత్ర చేస్తోందని తెలిపారు. అయితే తాజాగా నేడు సీనియర్ ఎన్టీఆర్ 101వ వర్థంతి సందర్భంగా ఈ మూవీ నుంచి అదిరిపోయే అప్డేట్ ఇచ్చారు మేకర్స్. Fist Of Flame పేరిట మేకింగ్ వీడియోను రిలీజ్ చేశారు. షూటింగ్ శరవేగంగా జరుగుతుందని తెలిపారు. కళ్యాణ్ రామ్ చిత్రంలో చాలా పవర్ ఫుల్గా కనిపించబోతున్నారని ఈ గ్లింప్స్ చూస్తే తెలుస్తోంది. మొదట క్లీన్గా ఉన్న కళ్యాణ్ రామ్ చేయి ఆ తర్వాత పిడికిలిగా మారి రక్తంతో తడవడాన్ని హైలైట్ చేశారు. విజువల్స్ ఎంతో గ్రాండ్‌గా ఉన్నాయి. బ్యాగ్రౌండ్ స్కోర్ కూడా అద్భుతంగా ఉంది. మొత్తంగా ఈ NKR21 Fist Of Flame వీడియో ఆకట్టుకునే విధంగా ఉంది. చిత్రంపై హైప్ను కాస్త పెంచింది.
దీంతో నందమూరి అభిమానులు హర్షం వ్యక్తం చేస్తూ ఈ వీడియోను సోషల్ మీడియాలో తెగ వైరల్ చేస్తున్నారు. మూవీతో బాక్సాఫీస్ వద్ద బ్లాక్ బస్టర్ పంచ్ కొడతామని విశ్వాసం వ్యక్తం చేస్తున్నారు. సరిలేరు నీకెవ్వరు తర్వాత సీనియర్ నటి విజయశాంతి నటిస్తున్న సినిమా ఇది. ఇంకా ఈ సినిమాలో సోహెల్ ఖాన్, సాయి మంజ్రేకర్, శ్రీకాంత్ కీలక పాత్రలు చేస్తున్నారు. కాంతార ఫేమ్ మ్యూజిక్ డైరెక్టర్ అజనీష్ లోక్ నాథ్ సంగీతం అందిస్తున్నారు. చూడాలి మరి ఈ మూవీ ఎలాంటి రిజల్ట్ను అందుకుంటుందో.
ఈ రికార్డ్ ఎన్టీఆర్‌కే సాధ్యం? - అంతమంది దర్శకులతో పనిచేశారా? - NTR 101 Birth Anniversary
ఆ వ్యాధితో బాధ‌ప‌డుతున్న 'పుష్ప' విలన్ - అందుకే అలా అయిపోయారట! - Fahadh Faasil
