Nivin Pauly Sexual Allegations Case : మాలీవుడ్ స్టార్ హీరో నివిన్ పౌలికి తాజాగా ఊరట లభించంది. గతంలో తనను వేధింపులకు గురిచేశారంటూ ఓ యంగ్ హీరోయిన్ చేసిన ఫిర్యాదు వల్ల వార్తలోకెక్కిన ఈ స్టార్ హీరో ఇప్పుడు నిర్దోషిగా నిరూపితమయ్యారు. ఆయనపై నమోదైన కేసును విచారించిన టీమ్ నివిన్కు క్లీన్ చిట్ ఇచ్చింది.
ఆ అమ్మాయిని నివిన్ లైంగికంగా వేధించినట్లు ఎటువంటి స్పష్టమైన ఆధారాలు లభించలేదంటూ ఆ బృందం తెలిపింది. బాధితురాలిపై వేధింపులు జరిగినప్పుడు నివిన్ అక్కడ లేరంటూ డీవైఎస్పీ నేతృత్వంలోని విచారణ బృందం కొత్తమంగళం కోర్టుకు సమర్పించిన తాజాగా నివేదికలో ఈ విషయాన్ని పేర్కొంది. దీంతో నిందితుల జాబితా నుంచి ఆయన పేరును పోలీసులు తొలగించారు. ఇక మిగిలిన వారిపై యధాతథంగా విచారణ కొనసాగుతుందంటూ తెలిపారు.
— Nivin Pauly (@NivinOfficial) November 6, 2024
ఇంతకీ కేసు ఏంటంటే?
తనపై నివిన్ లైంగిక దాడికి దిగారంటూ ఓ యువ నటి గతంలో పోలీస్ స్టేషన్లో ఫిర్యాదు చేసింది. తనకు సినిమాల్లో అవకాశం ఇప్పిస్తానని చెప్పి, గత నవంబరులో ఆమెను దుబాయ్‌ తీసుకెళ్లారని, అక్కడే ఆమెను వారు లైంగికంగా వేధించినట్లు ఆ అమ్మాయి పోలీసులకు ఫిర్యాదు చేసింది. దీంతో ప్రాథమిక విచారణ చేపట్టిన పోలీసులు పోలీసులు నివిన్ సహా మరో ఆరుగురిపై నాన్‌-బెయిలబుల్‌ కేసు నమోదు చేశారు. అయితే నిందితుల్లో ఓ నిర్మాత కూడా ఉండటం గమనార్హం. ఇక ఈ లిస్ట్లో నివిన్ పౌలీ పేరు ఆరో వ్యక్తిగా చేర్చారు. ఈ నేపథ్యంలో అప్పట్లో నివిన్ కూడా ఈ విషయంపై స్పందించారు.
'నేను ఓ అమ్మాయిని లైంగికంగా వేధించానన్న తప్పుడు వార్త నా దృష్టికి వచ్చింది. ఈ విషయం పూర్తిగా అవాస్తవం. ఈ ఆరోపణలు నిరాధారమైనవని నిరూపించడానికి నేను ఎక్కడివరకైనా వెళ్తాను. మిగిలినవన్నీ చట్టబద్ధంగా జరుగుతాయి' అంటూ నివిన్ సోషల్ మీడియా ద్వారా వెల్లడించారు. ఆ సమయంలో నివిన్ అభిమానులందరూ ఆయనకు అండగా నిలిచారు. తనను సపోర్ట్ చేస్తూ సోషల్ మీడియా వేదికగా పోస్ట్లు కూడా షేర్ చేశారు.
