Niharika Konidela Latest Movie : 'ఒక మనసు' సినిమాతో టాలీవుడ్ ఎంట్రీ ఇచ్చింది మెగా డాటర్ నిహారిక. ఇందుంలో నాగశౌర్య సరసన కనిపించిన నిహా, తొలి ప్రయత్నంలోనే మంచి మార్కులు కొట్టేసింది. ఆ తర్వాత టాలీవుడ్లో వరుస ఆఫర్లతో బిజీ అయిపోయింది. అయితే ఆ తర్వాత పలు సినిమాలు చేసినప్పటికీ ఆశించిన స్థాయిలో హిట్ టాక్ అందుకోలేదు. దీంతో మూవీస్కు దూరమైన నిహా, ఆ తర్వాత 'పింక్ ఎలిఫాంట్' అనే నిర్మాణ సంస్థను స్థాపించి దాని ద్వారా పలు వెబ్ కంటెంట్ను తెరకిక్కిస్తోంది. అలా ఆమె నిర్మించిన 'డెడ్ పిక్సెల్' అనే వెబ్ సిరీస్తో ఓటీటీలోకి రీఎంట్రీ ఇచ్చింది. అయితే ఇప్పటి వరకు తన సినీ రీఎంట్రీ పై క్లారిటీ ఇవ్వని మెగా డాటర్, తాజాగా ఇప్పుడు వెండితెరపై మరోసారి హీరోయిన్గా కనిపించనుంది. ఇప్పటికే మంచు మనోజ్తో 'వాట్ ద ఫిష్' అనే సినిమాలో కీ రోల్ ప్లే చేస్తున్న సంగతి తెలిసిందే.
ఈ సినిమాతో పాటు మరో ప్రాజెక్టుపై సైన్ చేసింది మెగా డాటర్. దీనికి సంబంధించిన పోస్టర్ను ఇన్‌స్టా వేదికగ ఆ మూవీ టీమ్ షేర్ చేసింది. అయితే ఆ పోస్టర్ను చూస్తుంటే ఆమె మరోసారి కోలీవుడ్లోకి ఎంట్రీ ఇవ్వనున్నట్లు తెలుస్తోంది. 'ఆర్డీఎక్స్' ఫేమ్ మాలీవుడ్ నటుడు షేన్ నిగమ్‌కు జంటగా కనిపించనుంది. 'మద్రాస్‌కారన్‌' అనే టైటిల్‌తో ఈ చిత్రాన్ని ఎస్‌ఆర్‌ ప్రొడక్షన్స్‌ పతాకంపై నిర్మిస్తున్నారు. ఇది షేన్ నిగమ్ తమిళ డెబ్యూ సినిమా కావడం విశేషం.
Niharika Movies List : కెరీర్ ప్రారంభంలో ఈటీవీలో ప్రసారమయ్యే డ్యాన్స్ షో 'ఢీ జూనియర్స్'లో యాంకర్గా వ్యవహరించి సత్తా చాటుకుంది. ఆ తర్వాత పలు వెబ్సిరీస్ల్లోనూ మెరిసింది. నటనపై ఉన్న ఇష్టంతో ఇప్పటి వరకు ఐదు సినిమాల్లో నటించింది. ఒక మనసు' 'హ్యాపీ వెడ్డింగ్', 'సూర్యకాంతం' లాంటి సినిమాల్లో నటించినప్పటికీ అవన్నీ బాక్సాఫీస్ వద్ద నిరాశే మిగిల్చాయి. ఇటు హీరోయిన్గా చేస్తూనే, నిర్మాతగా మారింది నిహారిక.
