NBK109 Teaser : నందమూరి నటసింహం బాలకృష్ణ గురించి ఎంత చెప్పినా తక్కువే. ఆరు పదుల వయసులోనూ కుర్ర హీరోలకు దీటుగా సినిమాలు చేస్తూ వరుస సక్సెస్లను అందుకుంటున్నారు. గత ఏడాది వీరసింహారెడ్డి, భగవంత్ కేసరి చిత్రాలతో రూ.100కోట్లకుపైగా భారీ బ్లాక్ బస్టర్లను అందుకున్న ఆయన ప్రస్తుతం బాబీ దర్శకత్వంలో NBK109 అనే సినిమా చేస్తున్నారు. శరవేగంగా షూటింగ్ జరుపుకుంటోందీ చిత్రం. ఈ సినిమాపై ఇప్పటికే భారీ అంచనాలు నెలకొన్నాయి.
మెగాస్టార్ చిరంజీవికి వాల్తేరు వీరయ్య లాంటి బిగ్ మాస్ హిట్ అందించిన దర్శకుడు బాబీ ఈసారి బాలయ్యతో కలిసి అంతకుమించిన బ్లాక్ బస్టర్ హిట్ అందుకునేందుకు రెడీ అవుతున్నారు. అయితే ఈ NBK109 ప్రాజెక్ట్ నుంచి మోషన్ పోస్టర్ తప్ప మరే ఇతర అప్డేట్స్ బయటకురాలేదు. కానీ త్వరలోనే చిత్రీకరణను పూర్తి చేసి వరుస అప్డేట్స్ ఇచ్చేందుకు మేకర్స్ సిద్ధమవుతున్నారని తెలిసింది.
అయితే తాజాగా ఈ NBK109 విడుదల తేదీ గురించి ఓ ఆసక్తికరమైన వార్త సోషల్ మీడియాలో చక్కర్లు కొట్టడం ప్రారంభమైంది. ఈ సినిమాను జులైలో విడుదల చేసేందుకు మూవీటీమ్ ప్లాన్ చేస్తోందని తెలిసింది. వాస్తవానికి ఈ చిత్రాన్ని దసరా బరిలో నిలపాలని మేకర్స్ అనుకున్నారని ఆ మధ్య వార్తలు వచ్చాయి. కానీ ఆ సమయంలో ఎన్టీఆర్ దేవర చిత్రంతో పాటు మరో రెండు సినిమాల వరకు రిలీజ్ కాబోతున్నాయి. అంతకన్నా ముందే ఆగస్ట్లో ఐకాన్ స్టార్ అల్లు అర్జున్ పాన్ ఇండియా చిత్రం పుష్ప 2, సెప్టెంబర్లో పవర్ స్టార్ పవన్ కళ్యాణ్ OG చిత్రాలు రాబోతున్నాయి. దీంతో జులై 19 లేదా 26 తేదీల్లో NBK109 విడుదలకు ప్లాన్ చేస్తున్నట్లు సమాచారం అందింది. త్వరలోనే ఈ రిలీజ్ డేట్ను అధికారికంగా ప్రకటించనున్నారట. అలానే ఈ మహా శివరాత్రి సందర్భంగా NBK109 నుంచి ఫ్యాన్స్కు డబుల్ ట్రీట్ ఇవ్వబోతున్నట్లు తెలిసింది. టైటిల్ పోస్టర్తో పాటు టీజర్ను విడుదల చేయబోతున్నట్లు సమాచారం అందింది. టీజర్లోనే సినిమా విడుదల తేదీని కూడా అనౌన్స్ చేసే అవకాశం ఉందని అంటున్నారు.
- " class="align-text-top noRightClick twitterSection" data="">
బాయ్ ఫ్రెండ్తో సీక్రెట్ మ్యారేజ్- హీరోయిన్ తాప్సీ వారికి ఇచ్చి పడేసింది!
ప్రైవేట్ జెట్, కాస్ట్లీ కార్లు - సౌత్లో రిచెస్ట్ హీరోయిన్ ఎవరంటే ?
