NBK 109 Urvashi Rautela Birthday Celebrations : ప్రస్తుతం టాలీవుడ్ సీనియర్ హీరోల్లో మెగాస్టార్ చిరంజీవి, కింగ్ నాాగార్జున, విక్టరీ వెంకటేశ్తో పోలిస్తే ప్రస్తుతానికి నందమూరి నటసింహం బాలకృష్ణనే హ్యాట్రిక్ హిట్స్తో హైస్పీడ్లో ఉన్నారు. అఖండ, వీర సింహారెడ్డి, భగవంత్ కేసరితో వరుస బ్లాక్ బస్టర్ను అందుకున్న ఆయన ఇప్పుడు NBK 109 చిత్రం చేస్తున్నారు. వాల్తేరు వీరయ్యతో గ్రాండ్ హిట్ అందుకున్న దర్శకుడు బాబీ ఈ చిత్రాన్ని తెరకెక్కిస్తున్నారు. పవర్‌ఫుల్‌ యాక్షన్‌ బ్యాక్డ్రాప్తో రూపొందుతున్న ఈ చిత్రం ప్రస్తుతం రెగ్యులర్‌ షూటింగ్ను జరుపుకుంటోంది.
తాజాగా మూవీటీమ్ సినిమాలో నటిస్తున్న బాలీవుడ్ భామ ఊర్వశి రౌతేలాకు ఓ స్పెషల్ సర్ప్రైజ్ ఇచ్చింది. ఈ ముద్దుగుమ్మ పుట్టిన రోజు వేడుకలను గ్రాండ్గా నిర్వహించింది. సెట్స్లో కేక్ కట్ చేసి తినిపించుకుంటూ అందరూ సరదాగా గడిపారు. దీనికి సంబంధించిన వీడియోను ఊర్వశి పోస్ట్ చేసి తన పుట్టినరోజు వేడుకలను జరిపిన చిత్రబృందానికి హృదయపూర్వక ధన్యవాదాలు తెలిపింది. ఈ వీడియోలో దర్శకుడు బాబీ కూడా కనిపించి సందడి చేశారు. ఆయన్ను కేక్ తినమంటే సిగ్గుపడుతూ కొంచెం కొంచెం తింటూ కనిపించారు. ప్రస్తుతం ఈ సెలబ్రేషన్స్ వీడియో సోషల్ మీడియాలో వైరల్ అవుతోంది. అందరూ ఊర్వశి రౌతేలాకు బర్త్డే విషెస్ తెలుపుతున్నారు.
అయితే ఈ పుట్టినరోజు వేడుకల్లో బాలయ్య బాబు కనపడలేదు. బహుశ ఏపీలో ఎన్నికలు సమీపిస్తున్న నేపథ్యంలో దానికి సంబంధించిన పనుల్లో బిజీగా ఉండొచ్చని అంతా అనుకుంటున్నారు. షూటింగ్స్కు కాస్త లాంగ్ బ్రేక్ ఇచ్చినట్లు తెలుస్తోంది. దీంతో బాలయ్య లేని సన్నివేశాలను బాబీ టీీమ్ చిత్రీకరిస్తోందని సమాచారం అందింది. ఇకపోతే ఈ చిత్రానికి తమన్ సంగీతం అందిస్తున్నారు. ఇంకా ఈ చిత్రం మలయాళ స్టార్ హీరో దుల్కర్‌ సల్మాన్‌ ఓ కీలక పాత్రలో కనిపించనున్నట్లు వార్తలు కూడా వస్తున్నాయి. సితార ఎంటర్‌టైనర్‌మెంట్‌ బ్యానర్పై సూర్య దేవరనాగవంశీ, సాయి సౌజన్య చిత్రాన్ని భారీ బడ్జెట్తో నిర్మిస్తున్నారు. ఇప్పటికే బ్లడ్‌ బాత్‌కు బ్రాండ్ నేమ్‌.. వయలెన్స్‌కు విజిటింగ్‌ కార్డ్‌ అనే క్యాప్షన్‌తో విడుదలైన పోస్టర్ కూడా అభిమానులను ఆకట్టుకుంది.
అదీ సార్ ఐకాన్ స్టార్ బ్రాండ్ - వామ్మో బన్నీ ధరించిన స్వెట్ షర్ట్ ధర అంతా?
మృణాల్ ఠాకూర్కు సూపర్ ఆఫర్ - ఆ ఇద్దరు స్టార్ హీరోల్లో ఒకరితో!
