Nani Upcoming Movies : నేచురల్ స్టార్ నాని ప్రస్తుతం వరుస హిట్స్తో దూసుకెళ్తున్నారు. ఆయన నటించిన 'హాయ్ నాన్న', 'సరిపోదా శనివారం' బ్లాక్ బస్టర్లు కావడం వల్ల ఇప్పుడు నాని ఫ్యాన్స్ దృష్టంతా ఆయన అప్కమింగ్ మూవీస్పై పడింది. రానున్న సినిమాతో ఆయన హ్యాట్రిక్ కొట్టి రికార్డుకెక్కాలని ఆశిస్తున్నారు.
అయితే ఇప్పుడు నాని లైనప్లో 'హిట్ 3', 'ఓజీ' ఫేమ్ సుజీత్ మూవీ, అలాగే 'దసరా' డైరెక్టర్ శ్రీకాంత్ ఓదెల సినిమాలు ఉన్నాయి. ఇందులో 'హిట్ 3' నుంచి మాత్రం తాజాగా ఓ స్పెషల్ పోస్టర్ విడుదలై అభిమానులను ఆకట్టుకుంది. ఆ సినిమా కూడా 2025 మే 1న థియేటర్లలోకి వచ్చేందుకు ఫిక్స్ అయ్యింది. మిగిలిన రెండు సినిమాలు మాత్రం ఎటువంటి అప్డేట్స్ లేకుండానే సైలెంట్గానే ఉన్నాయి. దీంతో అభిమానుల్లో నాని నెక్స్ట్ ప్రాజెక్ట్ గురించి మరింత ఆసక్తి పెరిగింది.
ఈ క్రమంలోనే సోషల్ మీడియాలో ఓ ఆసక్తికరమైన రూమర్ తెగ ట్రెండ్ అవుతోంది. అదేంటంటే నాని త్వరలో తన అప్కమింగ్ మూవీస్ లిస్ట్లోకి ఓ స్టార్ డైరెక్టర్ సినిమాను చేర్చనున్నారట. ఆయనెవరో కాదు టాలీవుడ్ డైరెక్టర్ శేఖర్ కమ్ముల. ఈయన తాజాగా నానికి ఓ స్టోరీ వినిపించగా, అది హీరోకి తెగ నచ్చిందట. దీంతో ఈ ఇద్దరూ కలిసి ఆ ప్రాజెక్ట్పై పనిచేయనున్నట్లు తెలుస్తోంది. అయితే ప్రస్తుతం నానితో పాటు శేఖర్ కమ్ముల కూడా బిజీగా ఉండటం వల్ల ఈ చిత్రం ప్రీ ప్రొడక్షన్ పనులు పూర్తి చేసుకుని 2025లో సెట్స్పైకి వెళ్లనున్నట్లు సమాచారం.
ఇదిలా ఉండగా, ఈ సినిమాలోని ఫీమేల్ లీడ్ కోసం నేచురల్ బ్యూటీ సాయి పల్లవిని ఎంచుకోనున్నట్లు తెలుస్తోంది. ఇప్పటికే శేఖర్ కమ్ముల ఆమెతో కూడా ఈ విషయమై సంప్రదింపులు జరిపినట్లు సమాచారం. ఇదిగనక నిజమైతే ఈ సూపర్ పెయిర్ కూడా హ్యాట్రిక్గా స్క్రీన్పై కనిపిస్తారు. ఇప్పటికే ఈ జంట 'MCA', 'శ్యామ్ సింగరాయ్' సినిమాల్లో నటించిన సంగతి తెలిసిందే.
'సర్కార్ టేక్స్ ఛార్జ్' - 'హిట్ 3'లో నాని పవర్ఫుల్ ఇంట్రో! - Nani Hit 3 Movie
15రోజులు మాకు నిద్ర లేదు: సక్సెస్మీట్లో నాని - Saripodhaa Sanivaaram
