Nagarjuna Airport Video : స్టార్ హీరో నాగార్జునకు సంబంధించిన ఓ వీడియో ఇటీవలే వైరల్ అయిన సంగతి తెలిసిందే. 'కుబేర' మూవీ టీమ్తో పాటు ఆయన ఎయిర్పోర్ట్లో వస్తున్న సమయంలో నాగ్ బాడీగార్డ్స్ అత్యుత్సాహం చూపించారు. నాగార్జునను కలిసేందుకు ఆయన వద్దకు వచ్చిన ఓ వ్యక్తిని లాగి తోసేశారు. ఈ విషయాన్ని నాగ్ గమనించకపోగా, వెనకనే వస్తున్న హీరో ధనుశ్, అలాగే మూవీ టీమ్ చూసింది.
కానీ నాగ్ అతడ్ని గమనించని విషయం ఓ మీడియా ఛానల్ రికార్డ్ చేసిన వీడియోలో బయటపడింది. దీంతో సోషల్ మీడియా వేదికగా నాగార్జునను అందరూ ట్రోల్ చేశారు. ఆయన కావాలనే ఇలా చేశారంటూ కామెంట్లు పెట్టడం మొదలెట్టారు.
ఇక ఇదే విషయమై స్పందించిన నాగ్, తాను ఆ వ్యక్తి తన వద్దకు రావడాన్ని గమనించలేదని, ఇలా జరిగినందుకు క్షమాపణ కోరుకుంటున్నాని సోషల్ మీడియా వేదికగా వెల్లడించారు. అంతే కాకుండా ఇంకోసారి ఇలాంటి ఘటనలు జరగకుండా చూసుకుంటానని చెప్పారు. అయితే మరికొద్ది మంది నెటిజన్లు మాత్రం నాగ్ ఆ వ్యక్తిని నేరుగా కలిసి సారీ చెప్పాలని కోరారు.
ఈ నేపథ్యంలో తాజాగా ఆ విమానాశ్రయానికి వెల్లిన నాగ్ అక్కడున్న ఆ వ్యక్తిని పిలిపించి మాట్లాడారు. దగ్గరకు తీసుకుని ఆప్యాయంగా ముచ్చటించారు. అప్పుడు జరిగిన దాంట్లో మీ తప్పేం లేదంటూ సర్ది చెప్పారు. నాగ్ ఇలా తనను పిలిచి మాట్లాడటం పట్ల ఆ వ్యక్తి కూడా సంతోషం వ్యక్తం చేశారు. ఇప్పుడు ఈ వీడియో కూడా నెట్టింట ట్రెండ్ అవ్వగా, అభిమానులు నాగ్ చేసిన పనికి హ్యాట్సాఫ్ చెప్తున్నారు. మరికొందరేమో అప్పుడు అలా చేసి ఇప్పుడు ఇలా మాట్లాడుతున్నారే అంటూ కామెంట్లు పెడుతున్నారు.
ఇక నాగార్జున ప్రస్తుతం 'కుబేర' సినిమా షూటింగ్లో బిజీగా ఉన్నారు. శేఖర్‌ కమ్ముల డైరెక్షన్లో తెరకెక్కుతోన్న ఈ చిత్రంలో ధనుశ్ కీలకపాత్ర పోషిస్తున్నారు. ఇప్పటికే ఈ సినిమాలో నాగార్జున ఫస్ట్‌లుక్‌ రిలీజ్‌ చేయగా, దానికి సోషల్ మీడియాలో మంచి రెస్పాన్స్ వచ్చింది. సరికొత్త కాన్సెప్ట్‌తో రానున్న ఈ సినిమాలో రష్మిక హీరోయిన్గా కనిపించనున్నారు. స్టార్ మ్యూజిక్ డైరెక్టర్ దేవీశ్రీ ప్రసాద్ ఈ చిత్రానికి బాణీలు అందిస్తున్నారు.
అభిమానికి క్షమాపణలు చెప్పిన నాగార్జున - ఇంతకీ ఏం జరిగిందంటే?
చెత్తలో 10 గంటలు మాస్క్ లేకుండా - కుబేర కోసం ధనుశ్ భారీ రిస్క్! - Kubera Dhanush
