Naga Chaitanya Sobhita Marriage: స్టార్ హీరో అక్కినేని నాగచైతన్య- నటి శోభితా ధూళిపాళ్ల నిశ్చితార్థం గురువారం హైదరాబాద్లో సన్నిహితుల సమక్షంలో గ్రాండ్గా జరిగింది. అయితే తన నిశ్చితార్థం గురించి హీరో అక్కినేని నాగార్జున తాజాగా ఓ వెబ్‌సైట్‌తో మాట్లాడారు. నిశ్చితార్థం విషయంలో తామంతా సంతోషంగా ఉన్నట్లు చెప్పారు. ఈ సందర్భంగా వాళ్ల పైళ్లిపై కూడా నాగ్ మాట్లాడారు. ఇంతకీ చైతన్య- శోభితా పెళ్లి ఎప్పుడండే?
విడాకుల అనంతరం చైతన్య ఎంతో బాధపడ్డారని అన్నారు. ఎవరితోనూ ఆ బాధను షేర్ చేసుకోలేదని తెలిపారు. తన కుమారుడు మళ్లీ సంతోషంగా ఉండటం చూస్తుంటే ఎంతో ఆనందంగా ఉందని చెప్పారు. ఈ సందర్భంగా వాళ్ల పైళ్లిపై కూడా నాగ్ మాట్లాడారు. అయితే పెళ్లికి కాస్త సమయం తీసుకుంటామని నాగార్జున ఈ సందర్భంగా నాగార్జున వెల్లడించారు.
ఈ నిశ్చితార్థం అతి తక్కువ మంది కుటుంబసభ్యులు పాల్గొని కొత్త జంటను ఆశీర్వదించారు. ఈ వేడుకకు సంబంధించిన ఫొటోలను నాగార్జున సోషల్‌మీడియాలో షేర్ చేశారు. 'నా తనయుడు నాగచైతన్య, శోభితా ధూళిపాళ్ల నిశ్చితార్థం గురువారం ఉదయం 9.42 గంటలకు జరిగింది. ఈ విషయాన్ని మీ అందరితో పంచుకోవడం సంతోషంగా ఉంది. మా కుటుంబంలోకి ఆమెను సంతోషంగా ఆహ్వానిస్తున్నాం. నూతన జంటకు నా అభినందనలు. వీరి జీవితం సంతోషం, ప్రేమతో నిండాలని కోరుకుంటున్నా 8.8.8 (08-08-2024) అనంతమైన ప్రేమకు నాంది' అని నాగార్జున పేర్కొన్నారు. దీనిపై పలువురు నెటిజన్లు స్పందించారు. కొత్త జంటకు శుభాకాంక్షలు తెలిపారు.
చైతన్యకు గతంలో నటి సమంతతో పెళ్లైన విషయం తెలిసిందే. వ్యక్తిగత కారణాల వల్ల వారిద్దరూ విడిపోయారు. చై-శోభిత ఎంతోకాలం నుంచి స్నేహితులుగా ఉన్నారు. శోభిత ధూళిపాళ్ల 2013లో ఫెమినా మిస్‌ ఇండియా టైటిల్‌ విన్నర్‌గా నిలిచారు. 2016లో సినీ రంగంలోకి ప్రవేశించారు. ‘గూఢచారి’తో ఆమె తెలుగు తెరకు పరిచయమయ్యారు. 'మేజర్‌', 'పొన్నియిన్‌ సెల్వన్‌', 'మంకీ మ్యాన్‌' వంటి ప్రాజెక్టుల్లో వర్క్‌ చేశారు. మరోవైపు, నాగచైతన్య 'తండేల్‌'తో బిజీగా ఉన్నారు. చందూ మొండేటి దర్శకత్వంలో ఈ చిత్రం రూపొందుతోంది.
మొదటి భార్యకు విడాకులు ఇచ్చి - మళ్లీ ప్రేమలో పడ్డ హీరోలు వీరే! - Nagachaitanya Sobhitha Dhulipala
జంగిల్ సఫారీ టు లండన్ గేట్ వే - శోభితతో చై ప్రేమ చిగురించిందిలా! - Naga Chaitanya Sobhita Love Story
