Game Changer Teaser : గ్లోబల్ స్టార్ రామ్చరణ్ లీడ్ రోల్లో నటించిన 'గేమ్ ఛేంజర్' నుంచి రీసెంట్గా 'రా మచ్చ' పాట రిలీజైంది. ఈ పాటకు ప్రేక్షకుల నుంచి మంచి రెస్పాన్స్ వస్తోంది. అయితే ఈ పాట విడుదల సందర్భంగా నిర్మాత దిల్ రాజు డిసెంబర్ వరకు వరుసగా అప్డేట్స్ ఉంటాయని చెప్పి ఫ్యాన్స్లో జోష్ నింపారు.అక్టోబర్లో మరో సాంగ్, టీజర్ రానున్నాయని దిల్రాజు అన్నారు. అటు మ్యూజిక్ డైరెక్టర్ తమన్ కూడా సినిమా గురించి ఎప్పటికప్పుడు అప్డేట్స్ ఇస్తూ అంచనాలు పెంచేస్తున్నారు.
ఈ నేపథ్యంలో తమన్, ఓ అభిమాని ట్వీట్కు రిప్లై ఇస్తూ మరో అదిరిపోయే అప్డేట్ ఇచ్చారు. ఈ సినిమా టీజర్ 'దసరా' పండగ సందర్భంగా విడుదల కానుందని హింట్ ఇచ్చారు. 'తమన్ అన్నా టీజర్ ఎప్పుడు అన్నా. బీజీఎమ్ అదరగొట్టి ఉంటావ్ మాకు నమ్మకం ఉంది' అని ఓ ఫ్యాన్ తమన్ను ట్యాక్ చేస్తూ ట్వీట్ చేశారు. దీనికి 'దసరా 2024' అని ఆయన రిప్లై ఇచ్చారు. దీంతో టీజర్ మరో 10 రోజుల్లో (అక్టోబర్ 12) రానున్నట్లు క్లారిటీ వచ్చేసింది. ఇక తాజా అప్డేట్తో ఫ్యాన్స్ కూడా థ్రిల్ అవుతున్నారు.
Dussehra 2024 !! #GameChanger teaser ▶️🌪️💥🚁❤️ https://t.co/elwXpzbyb1
— thaman S (@MusicThaman) October 1, 2024
కంటిన్యూగా ప్రమోషన్స్
అనంత్ శ్రీరామ్తో ఇటీవల జరిగిన చిట్చాట్లో నిర్మాత దిల్రాజు పలు ఇంట్రెస్టింగ్ విషయాలు షేర్ చేశారు. ఎట్టిపరిస్థితుల్లోనూ సినిమాను 2024 క్రిస్మస్కు థియేటర్లలో తీసుకురావడానికి ప్రయత్నిస్తున్నట్లు పేర్కొన్నారు. అందుకు తగ్గట్లుగానే పోస్ట్ ప్రొడక్షన్ పనులు కూడా శరవేగంగా జరుగుతున్నట్లు దిల్రాజు తెలిపారు. ఇకపై అక్టోబర్, నవంబర్, డిసెంబర్ మూడు నెలల్లో వరసగా మూవీ ప్రమోషన్స్ చేస్తామని ఆయన అన్నారు.
కాగా, సీనియర్ డైరెక్టర్ శంకర్ అత్యంత ప్రతిష్ఠాత్మకంగా ఈ సినిమా తెరకెక్కించారు. బాలీవుడ్ బ్యూటీ కియారా అడ్వాణీ హీరోయిన్గా నటించింది. సీనియర్ నటులు యస్ జే సూర్య, అంజలీ తదితరులు ఆయా పాత్రల్లో కనిపించనున్నారు. మ్యూజిక్ సంచలనం తమన్ సంగీతం అందించారు. శ్రీ వేంకటేశ్వర బ్యానర్పై దిల్రాజు భారీ బడ్జెట్తో తెలుగు, తమిళం, హిందీ భాషల్లో నిర్మించారు. ఈ సినిమా డిసెంబర్ ఆఖరి వారంలో రిలీజ్ అయ్యే ఛాన్స్ ఉంది.
గేమ్ఛేంజర్ సాలిడ్ అప్డేట్- టీజర్ రిలీజ్ ఎప్పుడో చెప్పేశారుగా! - Game Changer Update
'గేమ్ఛేంజర్' కొత్త పోస్టర్ రిలీజ్- ఈసారి అప్డేట్ ఏంటంటే? - Game Changer Update
