Mrunal Thakur Tamil Films: బుల్లితెర నుంచి వెండితెరపైకి అడుగుపెట్టింది సీతారామం ఫేమ్ మృణాల్ ఠాకూర్. తొలుత మరాఠీ చిత్రాల్లో నటించి ఆ తర్వాత హిందీ చిత్రాల్లో యాక్ట్ చేసే అవకాశాలను దక్కించుకుంది. ఆ తర్వాత టాలీవుడ్ వైపు టర్న్ తీసుకుంది. అలా తెలుగులో 'సీతారామం' సినిమా ఆఫర్ దక్కించుకున్న ఈ భామ, తొలి సినిమాతోనే హిట్ అందుకుంది. ఈ సినిమాలో తన నటనతో ప్రేక్షకుల హృదయాలను గెలుచుకుంది.
తాజాగా నేచురల్ స్టార్ నానీ 'హాయ్ నాన్న' సినిమాలో నటించి మరో సక్సెస్ను తన ఖాతాలో వేసుకుందీ అమ్మడు. ఇక ప్రస్తుతం తెలుగులో స్టార్ హీరో విజయ్ దేవరకొండ 'ఫ్యామిలీ స్టార్' మూవీలో నటిస్తోంది. త్వరలో విడుదల కానున్న ఈ సినిమాపై కూడా భారీ అంచనాలే ఉన్నాయి. దీంతో అటు కోలీవుడ్లో స్టార్ హీరోల సరసన మృణాల్ వరుస ఆఫర్లు దక్కించుకుంటోందట.
మృణాల్పై కోలీవుడ్ కన్ను! ఇదిలా ఉంటే మృణాల్ తాజాగా టాక్ ఆఫ్ ది ఇండస్ట్రీగా మారిపోయింది. సీరియల్స్, మరాఠీ, హిందీ, తెలుగు సినిమాల్లో నటించి మంచి పేరు తెచ్చుకున్న ఈ ముద్దుగుమ్మతో సినిమాలు చేసేందుకు కోలీవుడ్ ఫిల్మ్మేకర్స్ తెగ ఇంట్రెస్ట్ చూపిస్తున్నారట. ఇందులో భాగంగానే తాజాగా తమిళ సినిమాల్లోనూ నటించే ఛాన్స్లు పట్టేస్తుంది. ఏఆర్ మురుగదాస్- హీరో శివకార్తికేయన్ కాంబోలో రానున్న సినిమాలో హీరోయిన్గా మృణాల్ ఫిక్స్ అయినట్లు ఇన్సైడ్ టాక్.
కమల్ హాసన్ బ్యానర్లో మృణాల్? తాజాగా హీరో కమల్ హాసన్కు చెందిన రాజ్‌కుమార్ ఫిల్మ్ ఇంటర్నేషనల్ పతాకంపై నిర్మించనున్న చిత్రంలో కూడా ఒక హీరోయిన్గా మృణాల్ను అనుకుంటున్నారట. భారీ యాక్షన్ ఎంటర్‌టైనర్గా తెరకెక్కనున్న ఈ సినిమాలో శింబు హీరోగా నటిస్తున్నారు. ఇందులో మరో హీరోయిన్గా కీర్తీ సురేశ్ నటించనున్నట్లు తెలుస్తోంది. మరోవైపు నటుడు అజిత్‌ ప్రస్తుతం 'విదాముయార్చి' చిత్రంలో నటిస్తోంది. ఈ మూవీ షూటింగ్ కంప్లీట్ అవ్వగానే దర్శకుడు ఆదిక్‌ రవిచంద్రన్‌తో కలిసి ఓ సినిమా చేయబోతున్నారు. అయితే ఈ సినిమాలో కూడా హీరోయిన్గా మృణాల్ ఠాకూర్ను ఎంపిక చేసే విషయంపై చర్చలు జరుగుతున్నట్లు తెలుస్తోంది. ఇలా కోలీవుడ్లో వరుస ఆఫర్స్ను దక్కించుకుంటూ మృణాల్ తన కెరీర్ గ్రాఫ్ను పెంచుకునే పనిలో ఉంది.
- " class="align-text-top noRightClick twitterSection" data="">
'ఈగల్' ట్విట్టర్ రివ్యూ- సక్సెస్ ట్రాక్లోకి రవితేజ!- సినిమా టాక్ ఏంటంటే?
కెరీర్ స్వింగ్లో ఉండగా ఇండస్ట్రీ నుంచి బ్యాన్- ఆ హీరోయిన్ ఇప్పుడేం చేస్తోందంటే?
