Mrunal Thakur Kollywood Offers : ఓవర్ నైట్లో స్టార్ స్టేటస్ అందుకున్న వారు ప్రస్తుతం ఇండస్ట్రీలో చాలా మందే ఉన్నారు. అలాంటి వారిలో మృణాల్ ఠాకూర్ కూడా ఒకరు. బాలీవుడ్ నుంచి వచ్చిన ఈ డార్క్ చాక్లెట్ ముద్దుగుమ్మ టాలీవుడ్లో ఒకే ఒక్క చిత్రంతో ప్రేక్షకుల మదిలో చిరస్థాయిలో స్థానం సంపాదించుకుంది. హను రాఘవపూడి దర్శకత్వంలో విడుదలైన సీతారామం చిత్రంతో తెలుగు ప్రేక్షకులను విపరీతంగా ఆకట్టుకుంది. సీతామహాలక్ష్మీగా అద్భుతంగా నటించిన ఈ భామ ఆ తర్వాత హాయ్ నాన్న చిత్రంతో మరో సక్సెస్ను ఖాతాలో వేసుకుంది. రౌడీ హీరో విజయ్ దేవరకొండతో ఫ్యామిలీ స్టార్ అనే సినిమా చేస్తోంది.
అలా ఆచితూచి మరీ కథలను ఎంచుకుంటూ ముందుకెళ్తున్న ఈ భామ బాలీవుడ్లోనూ బానే సినిమాలు చేస్తోంది. అయితే ఇప్పుడు టాలీవుడ్లోనే కాకుండా కోలీవుడ్లోనూ జోరు చూపించేందుకు రెడీ అవుతున్నట్లు తెలుస్తోంది. ఇప్పుడీ ఈ చిన్నదికి మరో రెండు పెద్ద సినిమాల్లో అవకాశాలు వచ్చాయని తెలుస్తోంది. కోలీవుడ్ స్టార్ హీరోలు అజిత్, శింబు సరసన నటించే ఛాన్స్ అందుకుందని అంటున్నారు. ప్రస్తుతం చర్చలు జరుగుతున్నాయట.
అజిత్ హీరోగా ప్రస్తుతం నటిస్తున్న సినిమా విడాముయర్చి. లైకా పిక్చర్స్‌ బ్యానర్ నిర్మిస్తున్నారు. మగిల్‌ తిరుమేణి దర్శకత్వం వహిస్తున్నారు. త్రిష హీరోయిన్గా నటిస్తోంది. ప్రస్తుతం ఈ సినిమా షూటింగ్ చివరి దశకు చేరుకుంది. దీని తర్వాత అజిత్ - మార్క్‌ ఆంటోని చిత్రం ఫేమ్‌ ఆదిక్‌ రవిచంద్రన్తో ఓ సినిమా చేయబోతున్నారని తెలిసింది. దీన్ని ప్రముఖ తెలుగు చిత్ర నిర్మాణ సంస్థ మైత్రీ మూవీస్‌ నిర్మించనున్నట్లు సమాచారం అందింది.
ఇందులోనే అజిత్ సరసన మృణాల్ ఠాకూర్ నటించనుందనే ప్రచారం జోరుగా సాగుతోంది. అలానే మరో తమిళ హీరో శివ కార్తికేయన్‌ - ఏఆర్‌ మురుగదాస్‌ కాంబోలో రూపొందుతున్న సినిమాలోనూ మృణాల్ ఠాకూర్కు అవకాశం వచ్చిందని అన్నారు. అయితే ఇది ఇంకా కన్ఫామ్ కాలేదంట. ఇంక శింబు హీరోగా కమల హాసన్‌ నిర్మిస్తున్న సినిమాలోనూ మృణాల్ ఠాకూర్ పేరే గట్టిగా వినిపిస్తోంది.
మరి ఈ అమ్మడు అజిత్‌కు ఓకే చెబుతుందా లేదా శింబుకు సై అంటుందా? లేదా ఇద్దరితో కలిసి జత కడుతుందా అనే తెలియాలంటే ఇంకొన్ని రోజులు వేచి ఉండాల్సిందే. ఇకపోతే అజిత్ మూవీటీమ్ మరో ఛాయిస్ కూడా చూస్తోందట. మృణాల్ ఠాకూర్ మిస్ అయితే బాలీవుడ్ బ్యూటీ దిశా పటానీని తీసుకోవాలని అనుకుంటుందట. ప్రస్తుతం అన్నీ చర్చల దశలో ఉన్నాయట. ఇప్పటికే ఈ నాజూకు ముద్దుగుమ్మ సూర్య కంగువ చిత్రంలో నటిస్తున్న సంగతి తెలిసిందే.
బాక్సాఫీస్ వద్ద రూ. 400 కోట్ల లాస్ అయినా ఆ హీరోతో రూ. 600 కోట్ల మూవీ
