Meera Jasmine Swag Movie : మల్లు బ్యూటీ మీరా జాస్మిన్కు టాలీవుడ్లో ఎంత క్రేజ్ ఉందో ప్రత్యేకంగా చెప్పనక్కర్లేదు. హీరోయిన్గా ప్రేక్షకులను మెప్పించిన ఈ నటి సపోర్టింగ్ రోల్స్లోనూ తనదైన శైలిలో నటించి ఆకట్టుకుంది. అయితే 2013 తర్వాత ఆమె క్రమక్రమంగా తెలుగు ఇండస్ట్రీకి దూరమైంది. కానీ తమిళ, మలయాళ సినిమాల్లో యాక్టివ్గా ఉంటూ పలు హిట్స్ను తన ఖాతాలో వేసుకుంది.
ఇదిలా ఉండగా, 'విమానం' సినిమాతో టాలీవుడ్లోకి రీఎంట్రీ ఇచ్చి అభిమానులకు సడెన్ సర్ప్రైజ్ ఇచ్చింది. చేసింది గెస్ట్ రోలే అయినా కూడా తన నటనతో మంచి మార్కులు సంపాదించింది. ఆ తర్వాత తెలుగులో మరే సినిమాకు గ్రీన్ సిగ్నల్ ఇవ్వలేదు. అయితే ప్రముఖ నిర్మాణ సంస్థ పీపుల్స్ మీడియా ఫ్యాక్టరీ తాజాగా మీరా జాస్మిన్ అభిమానులకు ఓ స్వీట్ సర్ప్రైజ్ ఇచ్చింది.
ఇటీవలే ఆ సంస్థ శ్రీ విష్ణు హీరోగా 'స్వాగ్' అనే ఎంటర్టైనింగ్ మూవీని రూపొందిస్తున్న సంగతి తెలిసిందే. ఇప్పటికే ఈ మూవీ నుంచి వచ్చిన టైటిల్ గ్లింప్స్తో పాటు హీరో, హీరోయిన్ ఇంట్రో కూడా మూవీ లవర్స్ను తెగ ఆకట్టుకుంది. ఇందులో భాగంగానే నేడు (జూన్ 2) మీరా జాస్మిన్ రోల్ను కన్ఫార్మ్ చేస్తూ ఓ స్పెషల్ పోస్టర్ను విడుదల చేసింది. "#SWAG ప్రపంచం మన హృదయాలను ఏలిన రాణిని మీ ముందుకు తీసుకువస్తోంది. #మీరా జాస్మిన్ ఆన్ బోర్డ్." అంటూ ఆమెకు వెల్కమ్ చెప్పింది. అందులో ఆమె మహారాణి లుక్లో కనిపించి అదరగొట్టింది. ప్రస్తుతం ఆ ఫొటో నెట్టింట తెగ ట్రెండ్ అవుతోంది.
ఇక మీరా 'స్వాగ్' సినిమాతో పాటు 'ది టెస్ట్' అనే తమిళ సినిమాలోనూ నటిస్తోంది. స్పోర్ట్స్ డ్రామాగా తెరకెక్కుతోన్న ఈ చిత్రంలో త్రిష, నయన్తార, సిద్ధార్థ్, ఆర్ మాధవన్ తదితరులు కీలక పాత్ర పోషిస్తున్నారు. ప్రస్తుతం ఈ చిత్రం రిలీజ్కు సిద్ధంగా ఉంది. తమిళంతో పాటు తెలుగు, హిందీ, కన్నడ, మలయాళం ఇలా పలు భాషల్లో దీన్ని విడుదల చేసేందుకు మేకర్స్ ప్లాన్ చేస్తున్నారు.
