ట్రెండింగ్​లో 'రియా'- ఫుల్ మీమ్స్ కూడా- ఆమె ఎవరంటే?

'రియా' ఈ పేరు ప్రస్తుతం సోషల్ మీడియాలో ఫుల్ ట్రెండింగ్​లో ఉంది. రియా ఎవరు? అంటూ మీమ్స్​ క్రియేట్ చేస్తున్నారు. దీనిపై ఆ రియా తాజాగా స్పందించింది.

Mathu Vadalara Who Is Riya : 'రియా' ప్రస్తుతం సోషల్ మీడియాలో ఎక్కువగా వినిపిస్తున్న పేరు. 'రియా ఎక్కడ?' అనే హ్యాష్​ట్యాగ్ ప్రస్తుతం తెగ ట్రెండ్ అవుతోంది. చాలా మంది నెటిజన్లు రియా ఎక్కడ? అనే హ్యాష్‌ట్యాగ్‌తో రీల్స్‌ చేసి పోస్ట్‌ చేస్తున్నారు. అయితే అది రీసెంట్ బ్లాక్​బస్టర్ 'మత్తు వదలర 2' సినిమాలోని ఓ పాత్ర పేరు. సినిమాలో ఓ సన్నివేశంలో ఈ రెండు పాత్రల మధ్యలోని ఈ డైలాగ్ తాజాగా సోషల్ మీడియా ద్వారా మరింత మంది ప్రేక్షకులకు రీచ్‌ అవుతోంది.

ఈ సినిమాలో చాలా కామెడీ సీన్లు ఉన్నాయి. అన్నింటికీ మించి మూవీలో సత్య, అజయ్‌ మధ్య జరిగే ఓ సన్నివేశం ప్రస్తుతం ట్రెండ్‌ అవుతోంది. ఇందులో రియా అనే అమ్మాయి కోసం సత్య, అజయ్‌ని ప్రశ్నిస్తాడు.ఇందులో సత్య ప్రశ్నలు, అందుకు అజయ్‌ చెప్పే సమాధానాలు కడుపుబ్బా నవ్విస్తాయి. ఈ సీన్‌ ఆధారంగా చాలా మంది రియా ఎక్కడ? అనే ట్యాగ్‌తో రీల్స్‌ చేసి పోస్ట్‌ చేస్తున్నారు.

Riya ekkada? 🤣🤣 pic.twitter.com/fOaa4JLHAQ

— Deputy CM Thammudu 😎 (@tweetsof_mani) October 17, 2024

స్పందిచిన నటి
అయితే ఈ సోషల్ మీడియా మీమ్స్​కు సినిమాలో రియా పాత్ర పోషించిన నటి ఈషా యాదవ్ స్పందించింది. ఆమె కూడా ఈ మీమ్స్​ను ఫుల్ ఎంజాయ్ చేస్తోంది. 'రియా ఇదిగో' అంటూ సినిమాలోని ఓ ఫొటోను తన ఇన్​స్టాగ్రామ్​ అకౌంట్​లో షేర్ చేసింది.

ట్రైలర్​తోనే అంచనాలు
ట్రైలర్​తోనే ఈ సినిమా అందరి దృష్టిని ఆకర్షించింది. డైరెక్టర్‌ రితేశ్‌ రానా ఈ విషయంలో తెలివిగా వ్యవహరించి సక్సెస్‌ అయ్యాడు. సోషల్‌ మీడియా పాపులర్‌ మీమ్స్‌, వాటి రిఫరెన్స్​లు టీజర్‌, ట్రైలర్‌లో చూపించి హైప్‌ క్రియేట్‌ చేశాడు. ట్రైలర్‌లోని కామెడీ సీన్లు ప్రేక్షకులను ఎక్కువగా ఆకర్షించాయి.

సెప్టెంబర్​ 13న థియేటర్లలో రిలీజైన ఈ సినిమా మంచి విజయం సాధించింది. గతవారం ఈ సినిమా ఓటీటీలోకి ఎంట్రీ ఇచ్చింది. థియేటర్లలో మాదిరిగానే ఓటీటీలోనూ ఈ సినిమాకు మంచి రెస్పాన్స్ వస్తోంది. సత్య కామెడీ, హీరో శ్రీసింహా పెర్ఫార్మెన్స్‌కి ప్రేక్షకులు ఫిదా అవుతున్నారు. ఎక్కువ మందికి ఈ సినిమాకి కనెక్ట్‌ కావడం వల్ల మీమ్స్‌ పుట్టుకొచ్చాయి. ఇప్పుడు సోషల్‌ మీడియాలో అందూ రియా ఎక్కడ? అని ట్రెండ్ చేస్తున్నారు. దీనికి నెటిజన్ల సమాధానాలు ఇంకా ఫన్నీగా ఉంటున్నాయి. కాగా, ఈ సినిమాలో శ్రీసింహ, సత్యతోపాటు ఫరియా అబ్దుల్లా, వెన్నెల కిషోర్‌ కీలక పాత్ర పోషించారు.