'మంజుమ్మెల్ బాయ్స్'​@ రూ.176 కోట్లు- తెలుగులోకి మాలీవుడ్ ఆల్​టైమ్​ రికార్డ్​ మూవీ- రిలీజ్ ఎప్పుడంటే?

Manjummel Boys Telugu Release Date: మాలీవుడ్​లో 'మంజుమ్మెల్ బాయ్స్' చిన్న సినిమాగా రిలీజై భారీ విజయాన్ని దక్కించుకుంది. అయితే ఈ సినిమా తెలుగు వెర్షన్ అందుబాటులోకి తెచ్చేందుకు ప్రయత్నాలు జరుగుతున్నట్లు తెలుస్తోంది. ​

Manjummel Boys Telugu Release Date: ఇతర భాషల్లో బ్లాక్​బస్టర్​ విజయం అందుకున్న సినిమాలను తెలుగులోకి సీక్వెల్​ చేయడం టాలీవుడ్​లో సాధారణం అయ్యింది. రీసెంట్​గా తెలుగు ప్రేక్షకులను అలరించిన మలయాళ 'ప్రేమలు' సినిమా అలాంటిదే. ఇప్పుడు ఇదే బాటలో ఇంకో మాలీవుడ్​ సినిమా తెలుగులోకి డబ్బింగ్ కానున్నట్లు తెలుస్తోంది. చిన్న చిత్రంగా విడుదలైన 'మంజుమ్మెల్ బాయ్స్'​ సెన్సేషన్​ క్రియేట్ చేస్తూ ఇప్పటివరకు రూ.176 కోట్లు వసూల్ చేసింది. ఈ క్రమంలో బాక్సాఫీస్​ వద్ద అత్యధిక వసూళ్లు సాధించిన మలయాళ సినిమాగా 'మంజుమ్మెల్ బాయ్స్'​ రికార్డు సృష్టించింది. అయితే ఇంతటి ఘన విజయం సాధించిన ఈ సినిమా త్వరలోనే తెలుగులోకి రానున్నట్లు తెలుస్తోంది.

ప్రముఖ ప్రొడక్షన్ హౌజ్ మైత్రి మూవీమేకర్స్ ఈ సినిమా తెలుగు రైట్స్​ దక్కించుకొని అందుబాటులోకి తీసుకు రానుందని సోషల్ మీడియాలో ప్రచారం సాగుతోంది. ఈ సినిమాను తెలుగులోకి డబ్ చేసి మార్చి 29న గ్రాండ్​గా రిలీజ్ చేయాలని మేకర్స్ భావిస్తున్నట్లు సమాచారం. మరి ఈ విషయంపై ఎలాంటి క్లారిటీ లేదు. కానీ, ఈ సినిమా తెలుగు డబ్బింగ్ కోసం మాత్రం టాలీవుడ్ ఆడియెన్స్​ ఎదురుచూస్తున్నారు.

డైరెక్టర్ చిదంబరం ఈ మూవీని రూ.20 కోట్ల బడ్జెట్​లో తెరకెక్కించారట. ఫిబ్రవరి 22న థియేటర్లలో రిలీజైన ఈ సినిమాకు భారీ స్పందన లభించింది. ఇక సర్వైవల్ థ్రిల్లర్​గా రూపొందిన ఈ మూవీలో సౌబిన్‌ షాహిర్‌, శ్రీనాథ్‌ భసి, బాలు వర్గీస్​, గణపతి, సీనియర్ నటుడు లాల్‌, అరుణ్​ కురియన్, ఖలిడ్​ రెహ్మాన్, అభిరామ్ రాధాకృష్ణన్​, ​దీపక్‌ పరంబోల్‌, షెబిన్​ బెన్సన్​, లాంటి స్టార్స్ కీలక పాత్ర పోషించారు.

సినిమా కథేంటంటే: 2006లో తమిళనాడులోని కొడైకెనాల్​ గుణ గుహల్లో జరిగిన ఓ రియల్ ఇన్సిడెంట్​ను బేస్ చేసుకుని డైరెక్టర్ ఈ సినిమాను తెరక్కెక్కించారు. టూర్​లో భాగంగా కొంత మంది స్నేహితులు గుణ గుహల్లోకి వెళ్లగా, అక్కడున్న ఓ లోయలో ఒక వ్యక్తి ప్రమాదవశాత్తు పడిపోతాడు. దీంతో అతడ్ని కాపాడటం కోసం మిగతా స్నేహితులు ఏం చేశారనేదే మిగతా కథ. ఆ సమయంలో వారు ఎదుర్కొన్న ఆటుపోట్లను ఎంతో రియాలిస్టిక్​గా చూపించారు డైరెక్టర్. పోలీసులు సైతం చేతులెత్తినప్పటికీ అలుపు ఎరగకుండా పోరాడి తమ స్నేహితుడిని ఎలా కాపాడుకున్నారు అనే విషయాలు ఈ సినిమాలో హైలైట్​గా నిలిచాయి.

• " class="align-text-top noRightClick twitterSection" data="">