మహేశ్ బాబు రామ్​పోతినేని సినిమా - లేటెస్ట్ అప్డేట్ ఇదే

మహేశ్ బాబు రామ్ ​పోతినేని కాంబోలో రానున్న సినిమా షూటింగ్ డీటెయిల్స్​ ఇవే!

Mahesh Babu Ram Pothineni Movie Shooting : టాలీవుడ్ హీరో రామ్ పోతినేని ఈ మధ్య సరైన హిట్ పడలేదు. ది వారియర్​, స్కంద, డబుల్ ఇస్మార్ట్ అంటూ వరుసగా డిజాస్టర్లు ఖాతాలో పడుతున్నాయి. చివరిగా భారీ అంచనాలతో ప్రేక్షకుల ముందుకు వచ్చిన డబుల్ ఇస్మార్ట్ బాక్సాఫీస్​ ముందు మరీ దారుణంగా నిరాశ పరిచింది. కలెక్షన్స్ కూడా చాలా తక్కువగా వచ్చాయి. ఇక ఓటీటీలో రిలీజ్ అయ్యాక పూరి ఏంటి మరి ఇంత దారుణంగా, లాజిక్​లెస్​గా సినిమా తీశాడంటూ చాలా మంది విమర్శించారు.

అయితే ప్రస్తుతం రామ్ పోతినేని తన తర్వాతి సినిమాను పి. మహేశ్​ బాబు దర్శకత్వంలో చేస్తున్నట్లు ఈ మధ్యే అఫీషియల్​గా అనౌన్స్​ చేశారు. దర్శకుడు మహేశ్​ బాబు చివరగా నవీన్ పోలిశెట్టి, అనుష్క శెట్టి హీరో హీరోయిన్లుగా మిస్​ శెట్టి మిస్టర్ పోలిశెట్టి అనే సినిమా చేసి విజయాన్ని అందుకున్నారు. ఇప్పుడీ ఈయనతోనే ఉస్తాద్​ రామ్ తన 22వ సినిమాను చేస్తున్నారు.

Ram Potineni Mythri Movie Makers తాజాగా ఈ సినిమాకు సంబంధించిన తాజా అప్డేట్ వచ్చింది. నవంబర్ చివరి వారంలో లేదా డిసెంబర్ మొదటి వారంలో ఈ మూవీ షూటింగ్ ప్రారంభం అయ్యే అవకాశం కనిపిస్తోంది. ఈ చిత్రం ఓ ఎమోషనల్ డ్రామా అని టాక్ వినిపిస్తోంది. రామ్ చేయబోయే పాత్ర యూనిక్​గా, ప్రేక్షకులకు బాగా కనెక్ట్ అయ్యేలా ఉంటుందని చెబుతున్నారు. ప్రముఖ టాలీవుడ్ నిర్మాణ సంస్థ మైత్రీ మూవీ మేకర్స్ బ్యానర్‌పై యెర్నేని, వై రవి శంకర్ ఈ చిత్రాన్ని నిర్మించనున్నారు.

ఈ చిత్రంతోనైనా ఉస్తాద్​ రామ్ పోతినేని ఎలాగైనా గట్టి హిట్టు సాధించాలని పట్టుదలతో ఉన్నారు. మరి మహేశ్‌ బాబు ఎనర్జిటిక్‌ స్టార్​ రామ్‌ను ఎలా చూపించబోతున్నారన్నది ప్రస్తుతం సినీ ప్రియుల్లో ఆసక్తిగా ఉంది. అలాగే తనకు బాగా కలిసొచ్చిన లవ్ స్టోరీస్​ను కూడా రామ్ పోతినేని వింటున్నారని వినికిడి. చూడాలి మరి ఈ తాజా ప్రచారంలో నిజమెంతో.