Mahesh Babu Rajamouli Movie : సూపర్ స్టార్ మహేశ్ బాబు దర్శకధీరుడు రాజమౌళి కాంబోలో రూపొందబోయే భారీ బడ్జెట్ సినిమాకు సంబంధించి రోజుకో ఆసక్తికరమైన వార్త బయటకు వస్తూ అభిమానుల్లో భారీ అంచనాలను పెంచుతున్న సంగతి తెలిసిందే. అయితే దీనిపై మూవీటీమ్ కానీ మహేశ్ బాబు కానీ స్పందించట్లేదు. అయితే ఈ చిత్రంలో మునపెన్నడూ చూడని సరికొత్త లుక్‌లో మహేశ్ కనిపిస్తారని ఇప్పటికే టాక్ గట్టిగా వినిపిస్తోంది. అందుకు తగ్గట్టుగానే మహేశ్ గడ్డం, లాంగ్ హెయిర్ పెంచుతున్నారు. తన శరీరాకృతిపై ప్రత్యేక శిక్షణ తీసుకుంటున్నారు. అందుకు అవసరమైన కసరత్తులు కూడా చేస్తున్నారు.
ఈ క్రమంలోనే తాజాగా ఈ చిత్రానికి సంబంధించి మరో సూపర్ న్యూస్ వచ్చింది. అదేంటంటే మహేశ్ లుక్‌కు సంబంధించి స్కెచ్‌లు పూర్తయ్యాయని తెలిసింది. మొత్తం ఎనిమిది లుక్స్‌ను జక్కన్న టీమ్‌ రెడీ చేసిందని అంటున్నారు. అటు స్టోరీకి, మహేశ్ ఆహార్యానికి తగ్గట్టుగా ఆ లుక్స్‌లో మహేశ్‌ను టెస్ట్‌ ఫొటో షూట్ చేస్తారట. ఆ తర్వాత ఫైనల్‌ లుక్‌ను ఖరారు చేయనున్నారని సమాచారం అందింది. ఇది తెలుసుకుంటున్న జక్కన్న, సూపర్ స్టార్ ఫ్యాన్స్ తెగ సంతోషపడిపోతున్నారు.
రీసెంట్గా చాలా కాలం తర్వాత జక్కన్న కూడా ఈ సినిమా గురించి ఓ ఇంటర్వ్యూలో మాట్లాడారు. "మహేశ్ బాబుతో సినిమా చేస్తున్నాను. త్వరలోనే దీని షూటింగ్‌ ప్రారంభం కానుంది. ఈ ప్రాజెక్ట్‌ టైటిల్‌ ఇంకా ఫిక్స్ కాలేదు" అని చెప్పుకొచ్చారు. అలానే మహేశ్ కూడా తాజాగా ఓ ఇంటర్వ్యూలో పాల్గొని మూవీ గురించి మాట్లాడారు. "రాజమౌళి సర్‌తో చేసే చిత్రానికి సంబంధించిన ప్రీ ప్రొడక్షన్‌ వర్క్స్ చాలా బాగా జరుగుతున్నాయి. త్వరలోనే ఆయనతో జర్నీని మొదలుపెట్టేందుకు ఎంతో ఆసక్తిగా ఉన్నాను" అని చెప్పారు.
ఇకపోతే ఇండియన్‌ సినిమానే చూడని సరికొత్త ప్రపంచాన్ని తన కొడుకు దర్శకధీరుడు ఆవిష్కరించబోతున్నారని ఈ మధ్యే రచయిత విజయేంద్రప్రసాద్‌ చెప్పిన సంగతి తెలిసిందే. అమెజాన్‌ ఫారెస్ట్ నేపథ్యంలో ఈ కథ సాగుతోందని, ఇందులో పలువురు ఫారెన్ యాక్టర్స్ నటించబోతున్నట్లు తెలిపారు. ఈ మూవీ అత్యంత భారీ టెక్నాలజీతో దాదాపు రూ.1000కోట్ల బడ్జెట్తో తెరకెక్కబోతుందని గట్టిగా ప్రచారం సాగుతోంది. ఈ భారీ ప్రాజెక్ట్‌కు మహారాజ్‌(Mahesh Babu Rajamouli Movie title Maharaj) అనే టైటిల్‌ను పరిశీలిస్తున్నారని తెలిసింది.
మహేశ్ నటించిన ఆ రెండు చిత్రాలు నమ్రతకు అస్సలు నచ్చవట!
ఆ స్టార్ హీరోతో సినిమా చేసేందుకు నో చెప్పిన రాజమౌళి! - ఎందుకంటే?
