Rajinikanth KS Ravikumar : సూపర్ స్టార్ రజనీ కాంత్‌పై కోలీవుడు స్టార్ డైరెక్టర్ కె.ఎస్‌.రవికుమార్‌ ఆరోపణలు చేశారు. తమ కాంబోలో వచ్చిన లింగ ఫ్లాప్ ఎందుకు అయిందో వివరించారు. ఆ సినిమా ఎడిటింగ్‌లో రజనీ కాంత్ జోక్యం చేసుకున్నారని పేర్కొన్నారు. ఓ యూట్యూబ్‌ ఛానల్‌కు ఇచ్చిన ఇంటర్వ్యూలో రవి కుమార్‌ ఈ ఆరోపణలు చేస్తూ, సినిమా పరాజయం గురించి చెప్పుకొచ్చారు.
"లింగ్ ఎడిటింగ్‌ విషయంలో సూపర్ స్టార్ రజనీ కాంత్ జోక్యం చేసుకున్నారు. సీజేఐ (కంప్యూటర్‌ గ్రాఫిక్స్‌) చేసేందుకు నాకు ఏ మాత్రం కూడా సమయం ఇవ్వలేదు. సెకండాఫ్‌ మొత్తాన్ని పూర్తిగా మార్చేశారు. అనుష్కతో ఉండాల్సిన ఒక సాంగ్, క్లైమాక్స్‌లో వచ్చే ట్విస్ట్‌ను తీసేశారు. ఆర్టిఫిషియల్గా ఉండే బెలూన్‌ జంపింగ్‌ సీన్‌ కూడా ఆయనే జోడించారు. మొత్తంగా లింగ చిత్రాన్ని గందరగోళం చేసేశారు" అని రవి కుమార్‌ కీలక కామెంట్స్ చేశారు. ప్రస్తుతం ఈ కామెంట్స్ సోషల్ మీడియాలో వైరల్గా మారాయి.
కాగా, దర్శకుడు కె.ఎస్‌.రవి కుమార్‌కు కోలీవుడ్‌లో మంచి దర్శకుడిగా గుర్తింపు ఉంది. రజనీ కాంత్‌తో కలిసి ఆయన గతంలో ముత్తు, నరసింహ వంటి సూపర్ హిట్ చిత్రాలను తెరకెక్కించి భారీ విజయాన్ని సాధించారు. అనంతరం వీరి కాంబినేషన్లో 2014లో లింగ సినిమా వచ్చింది. భారీ బడ్జెట్‌లో రూపొందిన ఈ యాక్షన్‌ కామెడీ చిత్రంలో రజనీ కాంత్ ద్విపాత్రాభినయంలో కనిపించి మెప్పించారు. సోనాక్షి సిన్హా, అనుష్క హీరోయిన్లుగా నటించారు.
భారీ అంచనాలతో విడుదలైన ఈ మూవీ బాక్సాఫీస్‌ వద్ద రూ.150 కోట్లకు పైగా గ్రాస్‌ కలెక్షన్లను అందుకుంది. మంచి వసూళ్లనే అందుకున్నప్పటికీ డిజాస్టర్ టాక్ను అందుకుంది. ఈ మూవీ రిజల్ట్ గురించి 2016లో రవి కుమార్‌ ఓ ఇంటర్వ్యూలో మాట్లాడుతూ - వరల్డ్ వైడ్గా ఈ చిత్రం రూ.150 కోట్లకు పైగా కలెక్షన్లను అందుకుంది. అది అంత ఈజీ కాదు. కలెక్షన్ల పరంగా మా చిత్రం సూపర్ హిట్" అని చెప్పుకొచ్చారు.
Rajinikanth Vettaiayan Movie : ప్రస్తుతం రజనీ కాంత్ 'వేట్టయాన్‌', 'కూలీ' చిత్రాల్లో నటిస్తున్న సంగతి తెలిసిందే. 'వెేట్టయాన్‌' అక్టోబర్‌ 10న విడుదల కానుంది. ఇందులో రజనీ పవర్‌ ఫుల్ ఎన్‌కౌంటర్ ఆఫీసర్గా కనిపించనున్నారు. రానా దగ్గుబాటి, అమితాబ్ బచ్చన్, ఫహాద్ ఫాజిల్, మంజు వారియర్, రితికా సింగ్ తదితరులు ఇతర కీలక పాత్రలు పోషిస్తున్నారు. టి.జ్ఞాన్వేల్ దర్శకత్వం వహించారు.
Rajinikanth Coolie Movie : 'కూలి' సినిమ విషయానికొస్తే - ఇందులో నాగార్జున, శ్రుతిహాసన్‌, సౌబిన్‌ షాహిర్‌ సత్యరాజ్‌, ఉపేంద్ర తదితరులు కీలక పాత్రలు పోషిస్తున్నారు. బంగారం స్మగ్లింగ్‌ నేపథ్యంతో సాగే యాక్షన్‌ థ్రిల్లర్‌ ఇది.
రజనీకాంత్ హెల్త్ అప్డేట్- ఆసుపత్రి నుంచి తలైవా డిశ్చార్జి - Rajinikanth Health Update
రజనీకాంత్ 'వేట్టాయన్'పై కోర్టులో కేసు - ఎందుకంటే? - Vettaiyan Movie Court Case
