Alluarjun VS Keerthi Suresh : సౌత్ ఇండియా స్టార్ హీరోయిన్ కీర్తి సురేశ్ గురించి ప్రత్యేకంగా సినీ ప్రియులకు ప్రత్యేకంగా పరిచయం చేయాల్సిన అవసరం లేదు. నేను శైలజతో సినిమా టాలీవుడ్ ఇండ‌స్ట్రీలోకి అడుగుపెట్టిన ఈ ముద్దుగుమ్మ తక్కువ కాలంలోనే స్టార్ స్టేటస్ ఇమేజ్ను క్రియేట్ చేసుకుంది. మహానటితో ఇండియావైడ్గా పాపులర్ అయి నేషనల్ అవార్డ్ను దక్కించుకుంది.
అయితే ఆ మధ్య వరుస ఫ్లాప్లను మూటగట్టుకున్న ఈ ముద్దుగుమ్మ ఆ తర్వాత రూట్ మార్చి గ్లామర్ డోస్తో హిట్లను అందుకుంది. అలానే డీ గ్లామర్ రోల్తో వచ్చిన దసరాతోనూ గతేడాది భారీ సక్సెస్ను ఖాతాలో వేసుకుంది. ప్రస్తుతం వరుస సినిమాలు చేస్తూ బాలీవుడ్ ఛాన్స్లను అందుకుంటోంది. ప్రస్తుతం తమిళంలో రఘు తాతా అనే సినిమా చేస్తోంది. సుమన్‌కుమార్‌ దర్శకత్వం వ‌హిస్తున్నారు. రీసెంట్గా ఈ మూవీ నుంచి టీజ‌ర్ విడుద‌ల అవ్వగా మంచి రెస్పాన్స్ దక్కించుకుంది.
ఇప్పుడు మేకర్స్ ఈ సినిమా విడుద‌ల తేదీని అఫీషియల్గా అనౌన్స్ చేశారు. స్వాతంత్ర దినోత్సవం సందర్భంగా ఆగ‌ష్టు 15న రిలీజ్ చేయ‌నున్న‌ట్లు ప్ర‌క‌టించారు. అయితే అదే రోజు తెలుగుతో పాటు పాన్ ఇండియా రేంజ్లో అల్లు అర్జున్ పుష్ప 2 కూడా ప్రేక్షకుల ముందుకు రానుంది. దీంతో ఆగ‌ష్ట్ 15న ఈ రెండు చిత్రాలు బాక్సాఫీస్ ముందు పోటీ పడనున్నాయనమాట. వాస్తవానికి కమల్హాసన్ ఇండియన్ 2 కూడా ఆగస్ట్ 15న రావాలని మొదట ఆశించింది. కానీ పుష్ప 2 ఉండటం వల్లే వెనక్కి తగ్గిందని ఆ మధ్య ప్రచారం సాగింది. కానీ ఇప్పుడేమో కీర్తిసురేశ్ అల్లు అర్జున్కు పోటీగా వస్తోంది.
కాగా, రఘు తాతా టీజ‌ర్ చూస్తే ఇందులో NCC క్యాడెట్ శిక్షణ పొందుతున్న కీర్తి సురేశ్ పాత్రతో ప్రచార చిత్రం మొదలవుతుంది. అయితే NCC మాస్ట‌ర్ హిందీలో శిక్షణ ఇస్తుంటే నాకు హిందీ రాదు తమిళంలో చెప్పండి సార్ అంటూ కీర్తి సురేశ్ చెప్పడం చూస్తుంటే తమిళ ప్రజలపై హిందీని రుద్దడం చుట్టూ కథ సాగుతుందని అర్థమవుతోంది. సలార్తో భారీ సక్సెస్ అందుకున్న హోంబలే ఫిల్మ్స్ బ్యానర్ ఈ చిత్రాన్ని నిర్మిస్తోంది. రవీంద్ర విజయ్, ఎంఎస్ భాస్కర్, రాజీవ్, దేవదర్శిని తదితరులు ఇతర కీలక పాత్రలు పోషిస్తున్నారు.షాన్ రోల్డన్ సంగీతం సమకూరుస్తున్నారు.
సినిమాల్లో సల్మాన్ లిప్ కిస్ చేసిన ఒకే ఒక్క స్టార్ హీరోయిన్ ఎవరంటే? - SALMAN KHAN
