Keerthi Suresh First Bollywood Movie Remuneration : మహానటి కీర్తి సురేశ్ గురించి ప్రత్యేకంగా చెప్పనక్కర్లేదు. ఈ మలయాళీ ముద్దుగుమ్మ మొదటి నుంచి గ్లామర్ పాత్రలు కాకుండా సింపుల్ రోల్స్ చేస్తూ ఆకట్టుకునేందుకు ప్రయత్నాలు చేసింది. ఈ క్రమంలోనే మహానటి సినిమాతో ఇండియా వైడ్గా గుర్తింపు తెచ్చుకున్న ఈ భామ అప్పటి నుంచి కేవలం నటనకు ఆస్కారం ఉన్న సినిమాలు చేస్తూ హోమ్లీ హీరోయిన్గా అలరించింది.
అలానే లేడీ ఒరియెంటెడ్ మూవీస్, నటనకు ప్రాధాన్యత ఉన్న పాత్రలు, డీ గ్లామర్ రోల్స్ చేస్తూ మెప్పించే ప్రయత్నం చేసింది. కానీ ఇది ఆమెకు అంతగా వర్కౌట్ కాలేదు. దీంతో మహేశ్ బాబు సర్కారు వారి పాట చిత్రంతో కాస్త గ్లామర్ డోస్ పెంచి మెస్మరైజ్ చేయడం మొదలుపెట్టింది ఈ కేరళ కుట్టి.
సోషల్ మీడియాలో హాట్ షోలతో రెచ్చిపోతోంది. అల్ట్రా గ్లామరస్ లుక్స్తో ఆమె పోస్ట్ చేసే ఎక్స్ పోజింగ్ పిక్స్ యూత్కు నిద్ర పట్టకుండా చేస్తున్నాయి. చివరిగా తెలుగులో మెగాస్టార్ భోళాశంకర్ చిత్రంతో ప్రేక్షకులను పలకరించింది. అయితే ఇప్పటివరకు సౌత్ ఇండస్ట్రీలో నటించిన ఈమె ఇక బాలీవుడ్లో తన అదృష్టాన్ని పరీక్షించుకునేందుకు రెడీ అవుతోంది. తేరీ రీమేక్గా తెరకెక్కుతోన్న బేబీ జాన్ చిత్రంతో హిందీలోకి అడుగుపెట్టింది. ప్రస్తుతం ఈ సినిమా షూటింగ్ శరవేగంగా జరుపుకుంటోంది. కలీస్ దర్శకత్వం వహిస్తున్నారు. ఈ చిత్రం 31న థియేటర్లలో గ్రాండ్ రిలీజ్ కానుంది.
అయితే ఈ సినిమాకు గానూ కీర్తి సురేశ్ తీసుకుబోయే రెమ్యునరేషన్ వివరాలు తెలిశాయి. ప్రస్తుతం అవి నెట్టింట్లో చక్కర్లు కొడుతున్నాయి. ఈ మూవీ కోసం ఆమె ఏకంగా రూ. 4 కోట్ల రూపాయలు రెమ్యునరేషన్ ఛార్జ్ చేస్తున్నట్లు బయట కథనాలు వస్తున్నాయి. టాలీవుడ్లో ఈ బ్యూటీ సాధారణంగా ఒక్కో చిత్రానికి కోటి నుంచి రూ.2 కోట్ల వరకు పారితోషికం తీసుకునేదట. ఇప్పుడు బాలీవుడ్లోకి ఎంట్రీ ఇవ్వగానే తనకున్న కాస్త క్రేజ్ కారణంగా రెమ్యునరేషన్ డబుల్ చేసిందట.
కాగా, కీర్తి సురేశ్ రీసెంట్గా ఓటీటీలో సైరన్ చిత్రంతో ప్రేక్షకుల ముందుకు వచ్చింది. ఇందులో పోలీస్ ఆఫీసర్ రోల్లో కనిపించింది. ప్రస్తుతం కోలీవుడ్‌లో రఘుతాత, రివాల్వర్ రీటా, కన్నివెడి వంటి చిత్రాల్లో నటిస్తూ బిజీగా ఉంది.
ఓటీటీలో ప్రతిష్టాత్మక ఆస్కార్ అవార్డ్స్ వేడుక - లైవ్ స్ట్రీమింగ్ ఎందులో అంటే?
ఓటీటీలోకి బాలయ్య బ్యూటీ హనీ రోజ్ రియల్ స్టోరీ మూవీ! - స్ట్రీమింగ్ ఎక్కడంటే?
