Kamal Haasan Indian 2 : సౌత్తో పాటు నార్త్లోనూ మంచి క్రేజ్ సంపాదించుకున్న సినిమాల్లో 'ఇండియన్' ఒకటి. లోకనాయకుడు కమల్హాసన్, డైరెక్టర్ శంకర్ కాంబినేషన్లో 1996లో వచ్చిన ఈ చిత్రం బాక్సాఫీస్ వద్ద సూపర్ సెన్సేషన్ క్రియేట్ చేసింది. అంతే కాకుండా కమల్ కెరీర్లో బిగ్గెస్ట్ హిట్గా నిలిచింది. ఆ సమయంలోనే అత్యధిక బడ్జెట్లో తెరకెక్కిన ఈ చిత్రం వసూళ్లు కూడా అందుకు తగ్గట్లుగానే సాధించింది. సుమారు 28 ఏళ్ల తర్వాత ఇప్పుడీ చిత్రానికి సీక్వెల్ రానుంది. మరికొద్ది గంటల్లో థియేటర్లలో సందడి చేయనున్న ఈ సినిమాపై అభిమానుల్లో భారీ అంచనాలే ఉన్నాయి.
అయితే 'ఇండియన్' చూసిన తర్వాత కమల్ తప్ప సేనాపతి పాత్రకు మరొ హీరో న్యాయం చేయలేరని చాలా మంది అభిప్రాయపడ్డారు. తండ్రీగానే కాకుండా కొడుకుగానూ తన యాక్టింగ్తో అదరగొట్టారు కమల్. దీంతో ఇండియన్ 2 లోనూ సేనపతి పాత్రను మరింత కొత్తగా చూపించేందుకు మేకర్స్ తగినన్ని జాగ్రత్తలు తీసుకున్నారు. అయితే వాస్తవానికి ఈ సినిమాలో కమల్ నటించాల్సిందే కాదట. ఆయన స్థానంలో మరోక స్టార్ హీరోను దృష్టిలో ఉంచుకుని శంకర్ ఈ కథ రాశారట. ఇంతకీ ఆయన ఎవరంటే?
డైరెక్టర్ శంకర్ ఈ సినిమా కథను కోలీవుడ్ సూపర్ స్టార్ రజినీకాంత్‌ను దృష్టిలో ఉంచుకుని రాశారట. అయితే స్టోరీని పట్టాలెక్కించే సమయంలో రజినీ అందుబాటులో లేకపోవడం వల్ల మూవీ టీమ్ కమల్‌ను సంప్రదించారట. అయితే కమల్ కూడా నో చెప్తే శంకర్ మరో ఇద్దరు హీరోలను అప్రోచ్ అవ్వాలనుకున్నారట. వారెవరో కాదు టాలీవుడ్ స్టార్ హీరోలైన రాజశేఖర్, వెంకటేశ్.
తాజాగా ఈ విషయాన్ని ఒకప్పటి శంకర్ అసిస్టెంట్, ప్రస్తుత డైరెక్టర్ వసంత బాలన్ ఓ ఇంటర్వ్యూలో వెల్లడించారు. కమల్ ఓకే చెప్పకుంటే రాజశేఖర్‌కు సేనాపతి పాత్ర, అలాగే కొడుకు ప్లేస్లో వెంకటేశ్ను చూపించాలని శంకర్ అనుకున్నారట. అయితే స్టోరీ విన్న తర్వాత తండ్రీకొడుకులిద్దరి పాత్రలు నచ్చి వాటిని తనే చేస్తానంటూ కమల్ అన్నారట. దీంతో శంకర్ ఆ ఐడియాకు ఓకే చెప్పారట.
డైరెక్టర్ శంకర్ బిగ్ సర్ప్రైజ్- 'ఇండియన్ 3' ట్రైలర్ రిలీజ్ అక్కడే!
