Kamal Haasan Bharateeyudu 2 Movie : సాధారణంగా బడా స్టార్స్ ఉన్న సినిమాల్లో వాళ్లకు స్క్రీన్ టైమ్ ఎక్కువ ఇవ్వాలని అభిమానులు ఆశిస్తుంటారు. ఇక డైరెక్టర్లు కూడా ఫ్యాన్స్ను నిరాశపరచకుండా కథకు తగ్గట్లుగా హీరోను ఎక్కువ టైమ్ చూపించేందుకు ప్రాధాన్యత ఇస్తుంటారు. కానీ కోలీవుడ్ స్టార్ డైరెక్టర్ లోకేశ్ కనగరాజ్ మాత్రం అందుకు భిన్నంగా ఓ ఎక్స్పెరిమెంట్ చేసి సక్సెస్ అయ్యారు.
లోకనాయకుడు కమల్ హాసన్, లోకేశ్ కనగరాజ్ కాంబోలో తెరకెక్కిన బ్లాక్బస్టర్ మూవీ 'విక్రమ్'. భారీ అంచనాల మధ్య వచ్చిన ఈ మూవీ సూపర్ హిట్ టాక్ అందుకోవడమే కాకుండా లోకేశ్ సినిమాటిక్ యూనివర్స్కు మరింత క్రేజ్ పెరిగింది. అంతే కాకుండా కమల్తో పాటు ఫహాద్ ఫాజిల్, సూర్య, విజయ్ సేతుపతి యాక్టింగ్కు ఫ్యాన్స్ నుంచి ఓ రేంజ్లో రెస్పాన్స్ వచ్చింది.
అయితే ఇందులో కమల్ పాత్ర కేవలం 47 నిమిషాలే ఉంటుందని స్వయంగా ఆయనే చెప్పేదాక, కొంతమంది ఫ్యాన్స్ పసిగట్టే దాకా ప్రేక్షకులు ఈ విషయాన్ని ప్రేక్షకులు కనిపెట్టలేకపోయారు. లోకేశ్ చేసిన స్క్రీన్ ప్లే మేజికే ఇందుకు కారణం. కమల్ కంటే ఫహాదే ఎక్కువ నిడివిలో కనిపించాడు కానీ అందరి దృష్టిని మాత్రం కమల్ ఆకర్షించారు.
ఇప్పుడు భారతీయుడు 2 విషయంలోనూ అదే రిపీట్ అవ్వనుందని సమాచారం. ఈ సినిమాలో కీలక పాత్ర పోషించిన సిద్దార్థ్ తాజాగా దీనికి సంబంధించిన ఓ హింట్ ఇచ్చి ఈ చిత్రంపై మరింత అంతనాలు పెంచారు.
సిద్ధార్థ్ చెప్పినదాని ప్రకారం ప్రకారం సేనాపతి (కమల్ హాసన్) విదేశాల్లో ఉన్న సమయంలో భారత్లో అవినీతి రాజకీయాల పట్ల ఒక యువకుడు (సిద్ధార్థ్) పోరాటం చేస్తున్నాడని తెలుసుకుంటారు. అయితే అతడి ప్రాణాలకి హాని ఉంది అని తెలుసుకున్న సేనాపతి, తనని రక్షించేందుకు తిరిగి భారత్కు వస్తారట. అలా ఈ సినిమాలో సిద్ధార్థ్దే ఎక్కువ స్క్రీన్ టైమ్ ఉంటుందని సమాచారం.
మరోవైపు విక్రమ్ కన్నా ఈ సినిమాలో సేనాపతికి తక్కువ టైమ్ ఉందో లేదో తెలీదు కానీ డైరెక్టర్ శంకర్ మాత్రం కమల్ ఇంట్రోను చాలా ఆలస్యంగా చూపించనున్నట్లు సమచారం. దీని బట్టి చూస్తుంటే ఇందూలోనూ కమల్ తన నటనతో మరోసారి అదరగొట్టనున్నారని తెలుస్తోంది.
'భారతీయుడు -2' రిలీజ్ డేట్ కన్ఫార్మ్- 'మరి గేమ్ఛేంజర్ సంగతేంటి'? - Bharateeyudu 2 release
