NKR21 Vijayashanthi Birthday Glimpse : టాలీవుడ్ స్క్రీన్పై లేడీ ఓరియెంటెడ్ చిత్రాలతో విజయాలు అందుకున్న నటి విజయశాంతి. హీరోలకు దీటుగా యాక్షన్ ఎపిసోడ్స్లో నటించి సంచలనం సృష్టించారు. లేడీ అమితాబ్, లేడీ సూపర్ స్టార్గా పేరు సంపాదించుకున్నారు. అయితే ఆమె నటించిన పలు హిట్ చిత్రాల్లో కర్త్యవం కూడా ఒకటి. తెలుగు తెరపై ఒక చరిత్ర సృష్టించిన ఈ చిత్రంలో పోలీస్ ఆఫీసర్ వైజయంతిగా నటించి విజయశాంతి సూపర్ స్టార్ అయ్యారు. అప్పటి వరకు పోలీసు పాత్రలో ఇతర ఏ నటి కూడా అంత పవర్ ఫుల్గా నటించలేదు. కానీ విజయశాంతి మాత్రం నటించి సెన్సేషన్ క్రియేట్ చేశారు. ఆ సినిమా అప్పట్లో ప్రేక్షకులపై చాలా ప్రభావం చూపించింది. ఎందరికో స్ఫూర్తిని కూడా ఇచ్చింది.
అయితే ఇప్పుడు చాలా ఏళ్ల తర్వాత మళ్ళీ విజయశాంతి పోలీస్ ఆఫీసర్ వైజయంతిగా కనపడనున్నారు. అది నంద‌మూరి క‌ల్యాణ్‌రామ్ చిత్రం కోసం. డెవిల్ సక్సెస్‌ తర్వాత నంద‌మూరి క‌ల్యాణ్‌రామ్ ప్ర‌ధాన పాత్రలో న‌టిస్తున్న లేటెస్ట్ మూవీ NKR21. యాక్షన్ జానర్‌లో రానున్న ఈ చిత్రంతో ప్రదీప్ చిలుకూరి దర్శకుడిగా పరిచయమవుతున్నారు. అయితే నేడు(జూన్ 24) విజయశాంతి పుట్టినరోజు సంద‌ర్భంగా మూవీ నుంచి రాములమ్మ ఫ‌స్ట్ లుక్‌తో పాటు స్పెష‌ల్ అండ్ పవర్ఫుల్ గ్లింప్స్ రిలీజ్ చేశారు మేకర్స్.
"వైజయంతి ఐపీఎ. తను పట్టుకుంటే పోలీసు తుపాకీకి ధైర్యం వస్తుంది. వేసుకుంటే యూనిఫామ్కు పౌరుషం వస్తుంది. తనే ఒక యుద్ధం. నేనే తన సైన్యం" అంటూ విజయ శాంతిని ఉద్దేశిస్తూ కల్యాణ్ రామ్ చెప్పే డైలాగ్ గూస్ బంప్స్ తెప్పిస్తోంది. ఇందులో విజయ శాంతి యాక్షన్ మోడ్లోనూ కనిపించింది. బ్యాక్గ్రౌండ్ మ్యూజిక్ కూడా అదిరిపోయింది. కాగా, సినిమాను అశోక క్రియేషన్స్ నిర్మిస్తోంది. అశోక్‌ వర్ధన్‌ ముప్ప, సునిల్ బలుసు, ఎన్టీఆర్‌ ఆర్ట్స్‌తో కలిసి ఈ చిత్రాన్ని నిర్మిస్తున్నారు. ఇప్ప‌టికే ఈ మూవీ నుంచి విడుదలైన కల్యాణ్ రామ్ ఫ‌స్ట్ లుక్ కూడా ప్రేక్ష‌కుల‌ను ఆక‌ట్టుకుంది.
ఈ వారం థియేటర్లలో ఒక్కటే సినిమా - కానీ OTTలో మాత్రం బోలెడు! - This Week Theatre OTT Releases
దీపికను ఆటపట్టించిన ప్రభాస్ - ఈ ఫన్నీ వీడియో చూశారా? - Kalki 2898 AD Movie
