Kalki 2898 Day 1 Collection: రెబల్స్టార్ ప్రభాస్ భారీ బడ్జెట్ సినిమా 'కల్కి' జూన్ 27న రిలీజై థియేటర్లలో సందడి చేస్తోంది. సూపర్ హిట్ టాక్తో హౌస్ఫుల్ షోస్తో రన్ అవుతోంది. ఈ క్రమంలో రిలీజైన తొలిరోజే కల్కి భారీ స్థాయిలో వసూళ్లు సాధించింది. వరల్డ్వైడ్ డే-1 రూ.191.50 కోట్ల కలెక్షన్ చేసినట్లు మూవీ టీమ్ అఫీషియల్గా అనౌన్స్ చేసింది. ఈ మేరకు ఓ పోస్టర్ రిలీజ్ చేసింది. దీంతో 'కల్కి' ఇండియన్ సినిమాలో మూడో బిగ్గెస్ట్ ఓపెనర్గా నిలిచి చరిత్ర సృష్టించినట్లైంది. ఈ లిస్ట్లో రాజమౌళి తెరకెక్కించిన ఆర్ఆర్ఆర్ రూ.223.5, బాహుబలి- 2 రూ.214.5 టాప్లో ఉన్నాయి.
ఓవర్సీస్లోనూ కల్కి దూకుడు
నార్త్‌ అమెరికాలోనూ కల్కి ఆల్‌ టైమ్‌ రికార్డును క్రియేట్ చేసింది. నార్త్‌ అమెరికాలో ప్రీ సేల్‌ బుకింగ్స్‌లోనే పలు చిత్రాల రికార్డులను అధిగమించిన కల్కి టాప్లో నిలిచింది. ప్రీమియర్స్‌ కలెక్షన్స్‌లోనే 3.8 మిలియన్‌ డాలర్లతో అత్యధిక వసూళ్లు సాధించిన ఇండియన్ మూవీగా రికార్డును సొంతం చేసుకున్న ఈ చిత్రం ఇప్పుడు ప్రీమియర్స్‌, మొదటిరోజు కలెక్షన్స్‌ అన్నీ కలిపి అమెరికాలో మొత్తంగా 5 మిలియన్‌ డాలర్లను వసూలు చేసింది. అలాగే అత్యంత వేగంగా 5 మిలియన్లు వసూలు చేసిన సినిమాగానూ రికార్డును నెలకొల్పింది.
