Kalki 2898 Ad Release Date: పాన్ఇండియా స్టార్ ప్రభాస్- నాగ్ అశ్విన్ కాంబోలో తెరకెక్కుతున్న సినిమా 'కల్కీ 2898 AD'. అత్యంత భారీ బడ్జెట్తో రూపొందుతున్న ఈ మూవీ ముందుగా అనుకున్న షెడ్యూల్ ప్రకారం 2024 మే 9 రావాల్సి ఉంది. అయితే ఈ సినిమా విడుదల పలు కారణాల వల్ల వాయిదా పడడనుందని కొద్దిరోజులుగా ప్రచారం సాగుతోంది. గతనెల మహా శివరాత్రి సందర్భంగా రిలీజ్ చేసి పోస్టర్లో రిలీజ్ డేట్ లేకపోవడం వల్ల ఈ వార్తలకు బలం చేకూరింది.
ఈ నేపథ్యంలో సోషల్ మీడియాలో ఎవరికి తోచిన డేట్ను వారు అనౌన్స్ చేసుకుంటూ సర్క్యూలేట్ చేశారు. అయితే వీటన్నింటికీ మూవీటీమ్ చెక్ పెట్టనున్నట్లు తెలుస్తోంది. అయితే కల్కి మూవీటీమ్ గురువారం (ఏప్రిల్ 18) డిస్ట్రిబ్యూటర్ల (Movie Distributors)తో సమావేశం కానుందట. ఈ మీటింగ్లోనే రిలీజ్ డేట్పై ఓ నిర్ణయానికి రానున్నట్లు తెలుస్తోంది. ఈ క్రమంలో సినిమా రిలీజ్పై ఓ క్లారిటీ రానుంది. ఒకవేళ మూవీ పోస్ట్పోన్ అయితే కొత్త డేట్ను కూడా ఒకట్రెండు రోజుల్లో అనౌన్స్ చేసే ఛాన్స్ ఉంది.
ఇక ఈ సినిమాను డైరెక్టర్ నాగ్ అశ్విన్ మైథలాజికల్ సైన్స్ఫిక్షన్ జానర్లో తెరకెక్కిస్తున్నారు. టైటిల్‌ను చూస్తే ఇది 2898 సంవత్సరంలో జరిగే కథ అని అర్థమవుతుంది. రామాయణం, మహాభారతం వంటి ఇతిహాసాలను ఆధారంగా చేసుకుని ఆరు వేల సంవత్సరాల క్రితం మొదలైన కథకు 2898లో ముగింపు పలుకుతూ సినిమా సిద్ధం చేశారట. టైమ్ ట్రావెల్ నేపథ్యంలో నడిచే ఈ కథను ప్రేక్షకులు బాగా ఆదరిస్తారనే విశ్వాసాన్ని వ్యక్తం చేస్తున్నారు డైరెక్టర్ నాగ్ అశ్విన్.
బాలీవుడ్ బ్యూటీ దీపికా పదుకొణె, దీశా పటానీ సినిమాలో లీడ్ రోల్స్లో నటిస్తున్నారు. వీరితోపాటు యూనివర్సల్ స్టార్ కమల్ హాసన్, బిగ్ బీ అమితాబ్ బచ్చన్, రాజేంద్ర ప్రసాద్, పశుపతి తదితరులు ఆయా పాత్రలు పోషించనున్నారు. ఇక వైజయంతి మూవీస్ బ్యానర్పై తెరకెక్కుతునన్న ఈ సినిమాకు సంతోష్ నారాయణన్ సంగీతం అందిస్తున్నారు.
- " class="align-text-top noRightClick twitterSection" data="">
'కల్కి'పై హాలీవుడ్ స్టార్ డైరెక్టర్ కామెంట్స్ - ఆ స్థాయిలో లేరంటూ! - Prabhas Kalki 2898 AD
