Nag Ashwin Alia Bhatt Movie : 'కల్కి' చిత్రంతో అంతర్జాతీయ స్థాయిలో గుర్తింపు తెచ్చుకున్న దర్శకుడు నాగ్ అశ్విన్ ప్రస్తుతం కల్కి సీక్వెల్ పనుల్లో బిజీగా ఉన్నారు. అయితే కల్కి 2 కాకుండా ఆయన తర్వాతి ప్రాజెక్ట్‌ ఏంటనే విషయంపై సినీ ప్రియుల్లో భారీగా ఆసక్తి నెలకొన్న సంగతి తెలిసిందే.
ఈ క్రమంలోనే నాగ్ అశ్విన్ ఓ బాలీవుడ్ హీరోయిన్తో లేడీ ఓరియంటెడ్‌ సినిమా తెరకెక్కిస్తారని వార్తలు వినిపించాయి. గతంలో నాగ్ అశ్విన్ గతంలో హీరోయిన్ కీర్తి సురేశ్‌తో మహానటి సినిమా చేసి అందరి ప్రశంసలు అందుకున్న సంగతి తెలిసిందే. ఇదే తరహాలో ఇప్పుడు అలియా భట్తో కూడా ఓ చిత్రం చేస్తారని కొన్ని రోజులుగా బాలీవుడ్ మీడియాల్లో కథనాలు కనిపించాయి. ఈ ప్రాజెక్ట్‌ కోసం ఇప్పటికే అలియా భట్తో చర్చలు కూడా జరిపినట్లు అందులో రాసి ఉంది.
తాజాగా ఈ విషయంపై దర్శకుడు నాగ్ అశ్విన్ స్పందించారు. ఓ ఆంగ్ల మీడియాతో మాట్లాడుతూ అలియా భట్తో సినిమా గురించి క్లారిటీ ఇచ్చారు. ఈ వార్తలన్నీ అవాస్తమేనని స్పష్టత ఇచ్చారు. అలాగే తన తర్వాత సినిమా కల్కి 2 అని మాత్రమే చెప్పుకొచ్చారు. ప్రస్తుతం తాను కల్కి 2 సినిమా పనుల్లో మాత్రమే బిజీగా ఉన్నట్లు అన్నారు. దీంతో వైరల్గా మారిన రూమర్స్‌కు తెరపడినట్టైంది.
ఆ దేశంలో రిలీజ్కు సిద్ధమైన కల్కి - నాగ్ అశ్విన్ దర్శకత్వంలో పాన్ ఇండియా స్టార్ ప్రభాస్‌ హీరోగా వచ్చిన కల్కి 2898 ఏడీ ఎంతటి భారీ విజయన్ని సాధించిందో తెలిసిన విషయమే. అయితే ఇప్పుడీ చిత్రం జపాన్ ఆడియెన్స్ను అలరించేందుకు సిద్ధమైంది. జనవరి 3వ తేదీ జపాన్‌లో విడుదల కానుంది. తాజాగా ఈ చిత్రానికి సంబంధించిన టీజర్‌ను రిలీజ్ చేయగా అక్కడ ప్రేక్షకాదరణను దక్కించుకుంది.
Kalki 2898 AD Part 2 Shooting : కల్కి పార్ట్‌ 2 చిత్రీకరణ వచ్చే ఏడాది జనవరి లేదా ఫిబ్రవరిలో ప్రారంభించే అవకాశం కనిపిస్తోంది. షూటింగ్ ప్రారంభమైన తర్వాత రెండో భాగానికి సంబంధించిన మరిన్ని అప్‌డేట్స్‌ ఇస్తామని నిర్మాతలు గతంలో చెప్పుకొచ్చారు. మొదటి భాగం షూటింగ్ సమయంలోనే రెండో పార్ట్‌కు సంబంధించి కొన్ని సీన్స్కు కూడా చిత్రీకరించారు. మరి కొన్ని కీలక సన్నివేశాలతో పాటు వీఎఫ్‌ఎక్స్‌ పనులు పూర్తి చేయాల్సి ఉంది.
ట్రెండింగ్లో 'గేమ్ఛేంజర్' టీజర్ - 24గంటల్లోనే 55 మిలియన్ వ్యూస్!
