Kalki 2898 AD Deepika Padukone 1000 Crore Collections : బాలీవుడ్ బ్యూటీ దీపికా పదుకొనే గురించి ప్రత్యేకంగా చెప్పనక్కర్లేదు. తన అందం, ఫిట్నెట్, యాక్టింగ్తో వరుస అవకాశాలను అందుకుంటూ కెరీర్లో ముందుకెళ్లింది. ఈ క్రమంలోనే స్టార్ హీరోల సినిమాల్లోనూ అవకాశాలు దక్కించుకుని స్టార్ హీరోయిన్గా ఎదిగింది. హీరో రణ్వీర్ సింగ్తో పెళ్లి జరిగాకా కూడా సినీ కెరీర్ను కొనసాగించింది. అయితే ఇప్పుడీ ముద్దుగుమ్మ ఇండియన్ ఫిల్మ్ ఇండస్ట్రీలో ఓ అరుదైన మార్క్ను టచ్ చేసింది. ఏడాది కాలంలో మూడు రూ.1000 కోట్ల గ్రాస్ వసూళ్ల సినిమాలతో హ్యాట్రిక్ విజయాలను ఖాతాలో వేసుకుంది.
రీసెంట్గా దీపిక నటించిన 'కల్కి 2898 AD' చిత్రంతో దీపికా పదుకొణె టాలీవుడ్కు ఎంట్రీ ఇచ్చిన సంగతి తెలిసిందే. పాన్ ఇండియా రెబల్ స్టార్ ప్రభాస్, బిగ్ బీ అమితాబ్, దర్శకుడు నాగ్ అశ్విన్ కాంబినేషన్లో తెరకెక్కిన ఈ సైన్స్ ఫిక్షన్ చిత్రంలో సుమతి పాత్రలో నటించింది దీపిక. కల్కిని కడుపులో మోసిన యువతిగా మంచి నటన కనబరిచింది. ఈ సినిమా ప్రపంచవ్యాప్తంగా 15 రోజుల్లోనే రూ.1000 కోట్ల క్లబ్లోకి అడుగుపెట్టింది. ఇంకా వసూళ్లను అందుకుంటూ దూసుకెళ్తోంది.
ఇకపోతే గతేడాది ప్రారంభంలో దీపికా పదుకొణె 'పఠాన్' చిత్రంతో ప్రేక్షకుల్ని అలరించింది. బాలీవుడ్ బాద్ షా షారుఖ్ ఖాన్తో కలిసి యాక్షన్ చేసింది. సిద్దార్థ్ ఆనంద్ దర్శకత్వం వహించిన ఈ స్పై యాక్షన్ థ్రిల్లర్ బాక్సాఫీస్ ముందు దాదాపు రూ.1,050 కోట్లు వసూలు చేసింది.
ఇక అట్లీ దర్శకత్వంలో తెరకెక్కిన 'జవాన్'లోనూ కనిపించింది. ఫ్లాష్ బ్యాక్ ఎపిసోడ్లో షారుక్ భార్యగా కనిపించి ఆకట్టుకుంది. బాక్సాఫీస్ ముందు ఈ చిత్రం రూ.1,148 కోట్ల వరకు కలెక్ట్ చేసింది. ఇలా దీపిక ఏడాది వ్యవధిలో మూడు రూ.1000 కోట్ల గ్రాస్ వసూళ్ల సినిమాల్లో భాగమైన తొలి నటిగా నిలిచింది. గతంలో ఆమె నటించిన హాలీవుడ్ చిత్రం 'త్రిపుల్ ఎక్స్' కూడా రూ.1000 కోట్లకు పైనే వసూలు చేసింది. ఇక హీరోలలో ప్రభాస్, షారుఖ్ ఖాన్ మాత్రమే చెరో రెండు సార్లు వెయ్యి కోట్లకు పైగా వసూళ్లను సాాధించారు.
'చిరు సాంగ్స్ అంటే విరాట్కు చాలా ఇష్టం - ఆయన గురించి అడుగుతుంటాడు' - Virat Kohli Chiranjeevi Songs
OTTలోకి 9 మంది స్టార్ హీరోలు కలిసి నటించిన సిరీస్!- స్ట్రీమింగ్ ఎందులో అంటే? - Manorathangal OTT
