Kalki 2898 AD BGM: పాన్ఇండియా స్టార్ హీరో ప్రభాస్ సైన్స్ ఫిక్షన్ ఫిల్మ్ 'కల్కి 2898' AD మరోసారి సోషల్ మీడియాలో ట్రెండింగ్గా మారింది. సంగీత దర్శకుడు సంతోష్ నారాయణన్ ప్రభాస్ ఫ్యాన్స్కు కల్కిలో గ్రాండ్ ట్రీట్ ఇవ్వనున్నారు. ఇటీవల రిలీజైన గ్లింప్స్లో బ్యాక్ గ్రౌండ్ స్కోర్ (BGM)తో సినిమాపై అంచనాలు పెంచిన సంతోష్ నారాయణన్, తాజాగా పవర్ఫుల్ థీమ్ మ్యూజిక్ కంపోజ్ చేశారు. శనివారం చెన్నైలో జరిగిన ఓ మ్యూజిక్ కాన్సర్ట్ (Music Concert)లో ఈ థీమ్ ప్లే చేశారు.
ఇది విన్న ఫ్యాన్స్ థీమ్ మ్యూజిక్ హాలీవుడ్ రేంజ్లో ఉందంటున్నారు. ప్రస్తుతం ఈ కాన్సర్ట్ వీడియో సోషల్ మీడియాలో వైరల్గా మారింది. అయితే ఈ థీమ్ అండ్ బీజీఎమ్ కోసం మ్యూజిక్ డైరెక్టర్ సంతోష్ నారాయణన్ స్పెషల్ టీమ్ ఏర్పాటు చేసుకున్నట్లు తెలిసింది. కాగా, సంతోష్ రీసెంట్గా విక్టరి వెంకటేశ్ సైంధవ్ సినిమాకు మ్యూజిక్ అందిచారు. ఇక గతంలో కబాలి, జిగర్తండా, దసర, కాలా, మాస్టర్, గురు తదితర సినిమాలకు మ్యూజిక్ డైరెక్టర్గా పనిచేశారు.
ఇక సినిమా విషయానికొస్తే, దర్శకుడు నాగ్ అశ్విన్ ఈ మూవీ సైన్స్ ఫిక్షన్ జానర్లో తెరకెక్కిస్తున్నారు. అలాగే సినిమాలో ఎంతోమంది ఇతర భాషలకు చెందిన అగ్ర నటీనటులను భాగస్వామ్యం చేస్తున్నారు. బాలీవుడ్ స్టార్స్ బిగ్ బీ అమితాబ్ బచ్చన్, దీపిక పదుకొణె, దిశాపటానీ, కమల్ హాసన్ కీలక పాత్రల్లో నటిస్తున్నారు. ఇక ఈ సినిమాలో డైరెక్టర్ అశ్విన్ కోమియో రోల్ ప్లాన్ చేస్తున్నారట. నేచురల్ స్టార్ నానితో పాటు యంగ్ టైగర్ జూనియర్ ఎన్టీఆర్ను క్లైమాక్స్లో ఓ సీన్లో చూపించనున్నట్లు ప్రచారం సాగుతోంది.
ఒక్క సినిమాలో ఇంతమంది స్టార్ నటులను భాగస్వామ్యం చేయడం చూసి నాగ్ అశ్విన్ అంచనాలకు మించి గట్టిగా ప్లాన్ చేస్తున్నారని అంటున్నారు. సినిమాకు వరల్డ్వైడ్ క్రేజ్ దక్కేలా ప్రమోషన్స్ చేయనున్నారు. అందులో భాగంగానే ఇదివరకు కామిక్ కాన్ ఈవెంట్లో మూవీటీమ్ పాల్గొంది. గ్లింప్స్కూడా అక్కడే రిలీజ్ చేశారు. ఇక పోస్ట్ ప్రొడక్షన్ పనులు జరుపుకుంటున్న ఈ మూవీ వేసవిలో ప్రేక్షకుల ముందుకు రానుంది.
- " class="align-text-top noRightClick twitterSection" data="">
ప్రభాస్ 'కల్కి'లో మరో ఇద్దరు టాలీవుడ్ హీరోలు - స్క్రీన్ను షేక్ చేసే రోల్స్లో!
ఆ సెంటిమెంట్ డేట్కే ప్రభాస్ 'కల్కి' - చిరు సినిమా రోజే థియేటర్లలోకి
