'ఇది సార్​ ఇండియన్ సినిమా బ్రాండ్!​'- కల్కి మూవీపై అల్లు అర్జున్ రివ్యూ! - Kalki 2898 AD Allu Arjun Review

Kalki 2898 AD Allu Arjun Review : బాక్సాఫీసు ముందు కలెక్షన్ల వర్షం కురిపిస్తున్న 'కల్కి 2898 AD' సినిమాపై ఐకాన్​ స్టార్ అల్లు అర్జున్ రివ్యూ ఇచ్చారు. కల్కి సినిమా ఓ విజువల్ స్పెక్టకిల్ అంటూ ఆకాశానికెత్తేశారు. ఇంత కాలానికి భారతీయ సంస్కృతి, సంప్రదాయాలతో వచ్చిన సినిమా అంతర్జాతీయ ప్రమాణాలు మ్యాచ్​ చేసిందని అన్నారు.

Kalki 2898 AD Allu Arjun Review : పాన్ఇండియా స్టార్ ప్రభాస్ హీరోగా తెరకెక్కిన 'కల్కి 2898 AD' బాక్సాఫీస్ వద్ద దూసుకెళుతోంది. దేశవ్యాప్తంగా సినీ పరిశ్రమకు చెందిన ప్రముఖులు ఈ సినిమాపై ప్రశంసలు కురిపిస్తున్నారు. ఈ నేపథ్యంలో ఐకాన్​ స్టార్ అల్లు అర్జున్ స్పందించారు. ఈ సినిమా ఓ విజువల స్పెక్టాకల్​ అంటూ ఆకాశానికెత్తేశారు. మన భారతీయ చరిత్రను అంతర్జాతీయ స్థాయి ప్రమాణాలతో ఇలా తీయడం అద్భుతం అంటూ ప్రశంసించారు. కల్కి మూవీలో ప్రతి ఫ్రేమ్ ఒక వండర్‌లా ఉందంటూ ఎక్స్‌లో పోస్ట్ పెట్టారు.

'ఇది సార్ ఇండియన్ సినిమా బ్రాండ్!'
'కల్కి టీమ్‌కు అభినందనలు. ఈ సినిమా ఓ విజువల్ స్పెక్టకిల్. సూపర్ హీరో పాత్రలో మిత్రుడు ప్రభాస్ అదరగొట్టేశారు. అమితాబ్ జీ మీరు నిజంగా మా అందరికీ ఇన్‌స్పిరేషన్. మీ గురించి చెప్పడానికి మాటల్లేవ్. కమల్ హాసన్ సార్, మిమ్మల్ని తరువాతి పార్ట్‌లో చూసేందుకు ఆసక్తిగా ఎదురుచూస్తున్నాను. ఈ సినిమాలో దీపిక పదుకొణె స్టన్నింగ్ పెర్ఫామెన్స్ చేసింది. దిశా పటానీ తెరపై ఆకర్షణీయంగా కనిపించావు. అలాగే ఈ సినిమాలో పనిచేసిన మిగతా నటీనటులకి, టెక్నికల్ టీమ్‌కి మరీ ముఖ్యంగా సినిమాటోగ్రఫీ, ఆర్ట్, కాస్ట్యూమ్స్, ఎడిట్, మేకప్ డిపార్ట్​మెంట్​లో పనిచేసిన వారికి నా అభినందనలు. భారతీయ సినిమా స్థాయిని పెంచేందుకు ఇంత రిస్క్ తీసుకొని చిత్రాన్ని నిర్మించిన వైజయంతీ ఫిలిమ్స్ అధినేత అశ్వినీదత్, స్వప్న దత్, ప్రియాంక దత్‌కు సెల్యూట్. ఫైనల్​గా ప్రేక్షకులతో వావ్ అనిపించిన కెప్టెన్ నాగ్ అశ్విన్‌, నిజంగా ఈ జనరేషన్‌కు ఓ పాత్ బ్రేకింగ్ డైరెక్టర్. చివరకు భారతీయ సంస్కృతి సంప్రదాయాలతో వచ్చిన సినిమా అంతర్జాతీయ స్థాయి ప్రమాణాలతో మ్యాచ్​ చేసింది." అంటూ అల్లు అర్జున్ సుదీర్ఘ పోస్ట్ పెట్టారు.

Kudos to #Kalki2898AD team. Outstanding visual spectacle .

Respect for my dear friend #Prabhas garu for empowering this epic . Entertaining super heroic presence. @SrBachchan Ji, you are truly inspirational... no words 🙏🏽 . Adulation to our @ikamalhaasan sir looking fwd for…

— Allu Arjun (@alluarjun) June 29, 2024

ఇదిలా ఉంటే, జూన్ 27న రిలీజైన ఈ మూవీ సూపర్ సక్సెస్ సాధించింది. దీంతో వచ్చే ఏడాది నాటికి కల్కి సీక్వెల్ తీసుకురావాలని మేకర్స్​ ప్లాన్ చేస్తున్నారట. వరుసగా మూడోరోజు హౌస్​ఫుల్ షోస్​తో రన్ అవుతూ, నయా రికార్డులు సృష్టిస్తోంది. ఈ క్రమంలో కల్కి మరో రికార్డు కొట్టింది. ఈ సినిమాలో గెస్ట్ రోల్స్​లో కనిపించిన రామ్ గోపాల్ వర్మ , రాజమౌళి తప్పించి మిగతా వాళ్లంతా స్టోరీలో భాగంగానే ఉన్నారు. ఇక క్రియేటివ్ డైరెక్టర్ అని ప్రూవ్ చేసుకున్న నాగ్ అశ్విన్ యానిమేషన్‌తో కురుక్షేత్ర యుద్ధ సన్నివేశాలను కళ్లకు కట్టినట్లుగా చూపించగలిగారు. బ్యాక్ గ్రౌండ్ మ్యూజిక్ స్కోరును అందించిన సంతోష్ నారాయణన్ మంచి మార్కులు పడ్డాయి. నిర్మాత అశ్వనీదత్‌ ఈ సినిమాను భారీ బడ్జెట్​తో రూపొందించారు.