Janhvi Kapoor RC 16 : బాలీవుడ్ బ్యూటీ జాన్వీ కపూర్ ప్రస్తుతం ఇటు టాలీవుడ్తో పాటు అటు బాలీవుడ్లోనూ వరుస ఆఫర్లతో బిజీ బిజీగా ఉంది. 'దేవర' సినిమా షూటింగ్లో పాల్గొంటూనే తెలుగుతో పాటు ఇతర భాషల సినిమాలకు సైన్ చేస్తూ సందడి చేస్తోంది. ఈ నేపథ్యంలో ఇటీవలే ఈ అమ్మడిపై వచ్చిన ఓ రూమర్ గురించి తాజాగా ఓ ఇంటర్వ్యూలో క్లారిటీ ఇచ్చింది.
ప్రస్తుతం 'దేవర' సినిమాలో కీలక పాత్రలో పోషిస్తున్న జాన్వీ, త్వరలో రామ్ చరణ్ బుచ్చిబాబు కాంబినేషన్లో తెరకెక్కుతున్న' ఆర్సీ 16'లోనూ మెరవనుందంటూ సోషల్ మీడియలో ఇటీవలే పలు వార్తలు ట్రెండ్ అయ్యాయి. అందులో దాదాపు ఆమె రోల్ ఖాయమంటూ పలువురు కామెంట్ కూడా చేశారు. అయితే ఇదే విషయం గురించి ఆ ఇంటర్వ్యూలో యాంకర్ జాన్వీని అడగ్గా దానికి ఈ చిన్నది ఇలా సమాధానమిచ్చింది.
"రీసెంట్గా మా నాన్న (బోనీ కపూర్) నా తదుపరి సినిమాల అప్డేట్స్‌ గురించి పలు విషయాలను మీడియాతో పంచుకున్నారు. అయితే ఆయన నన్ను సంప్రదించకుండానే ఈ విషయంపై అటువంటి స్టేట్‌మెంట్‌ ఇచ్చారు. ఆయన చెప్పిన సినిమాల గురించి నేను ఇప్పట్లో మాట్లాడలేను. ప్రస్తుతానికి మాత్రం నేను తెలుగులో 'దేవర', అలాగే హిందీలో 'మిస్టర్‌ అండ్‌ మిసెస్‌ మహి', 'ఉలఝ్‌' సినిమాలకు మాత్రమే వర్క్ చేస్తున్నాను." అంటూ ఫ్యాన్స్కు షాకిచ్చింది.
'దేవరలో మరాఠి బ్యూటీ'
మరోవైపు 'దేవర'తో ఓ మరాఠీ నటి కూడా తెలుగు ప్రేక్షకులకు పరిచయం కానున్నట్లు ప్రచారం సాగుతోంది. మరాఠీ బ్యూటీ శ్రుతి మరాటే ఈ సినిమాలో సెకండ్ హీరోయిన్గా నటించనుందట. 'దేవర'లో హీరో ఎన్టీఆర్ డ్యుయల్ రోల్ చేయనున్నారట. అందులో ఒక రోల్కు జాన్వీ హీరోయిన్గా నటించగా, రెండో పాత్రకోసం శ్రుతి మరాటే జతకట్టనుందని టాక్. కానీ, ఈ విషయంపై అఫీషియల్ క్లారిటీ ఇవ్వాల్సి ఉంది. మరోవైపు ఈ విషయాన్ని ఎన్టీఆర్ ఫ్యాన్ పేజ్లో షేర్ చేశారు. ఈ పోస్ట్కు నటి శ్రుతి కూడ స్పందించడం వల్ల ఇది నిజమేనని అంటున్నారు. ఇక మూవీ టీమ్ దీనిపై క్లారిటీ ఇస్తే కానీ అసలు విషయం తెలియదంటూ ఫ్యాన్స్ అభిప్రాయపడుతున్నారు.
'వాళ్లతో ఎప్పటికీ డేటింగ్‌ చేయను - అది చెబితే నా చెల్లి నవ్వుతుంది'
''దేవర' సెట్లోకి వెళితే సొంతింటికి వచ్చినట్లు అనిపిస్తోంది- కారణం అదేనేమో!'
