Janhvi Kapoor Jr NTR: బాలీవుడ్ బ్యూటీ జాన్వీ కపూర్ వరుస సినిమాలతో కెరీర్లో దూసుకెళ్తోంది. ఈ నేపథ్యంలో ఆమె నటించిన తాజా చిత్రం 'ఉలఝ్' రిలీజ్కు రెడీ అవుతోంది. ఈ సినిమా ఆగస్టు 2 నుంచి థియేటర్లలో సందడి చేయనుంది. దీంతో జాన్వీ మూవీ ప్రమోషన్స్లో పాల్గొంటుంది. ఇక రీసెంట్గా పలు ఇంటర్వ్యూల్లోనూ జాన్వీ మాట్లాడింది. ఈ క్రమంలోనే ఓ సందర్భంలో గ్లోబల్ స్టార్ జూనియర్ ఎన్టీఆర్ పట్ల తనకు ఉన్న క్రేజ్ చాటుకుంది.
రీసెంట్గా ఓ ఇంటర్వ్యూలో జాన్వీకి ఇంట్రెస్టింగ్ ప్రశ్న ఎదురైంది. 'హృతిక్ రోషన్, విక్కీ కౌశల్ ఇద్దరిలో ఒకరితో డ్యాన్స్ లేదా అమితాబ్ బచ్చన్తో నటించడం. ఏది ఎంపిక చేసుకుంటారు?' అని జాన్వీని అడిగారు. దీంతో జాన్వీ ఒక్క నిమిషం కూడా ఆలోచించకుండా 'నేను ఎన్టీఆర్ సర్తో రీసెంట్గా ఓ పాట పూర్తి చేశాను. ఇక వెంటనే ఆయనతో ఇంకో పాటకు స్టెప్పులేయాలని ఉంది' అని రిప్లై ఇచ్చింది. బాలీవుడ్ స్టార్లను కాకుండా, జూనియర్ ఎన్టీఆర్తో డ్యాన్స్ చేయాలని ఉంది అనడంతో బాలీవుడ్లోనూ తారక్కు ఫుల్ క్రేజ్ వచ్చేసిందని ఫ్యాన్స్ సంతోషం వ్యక్తం చేస్తున్నారు.
'దేవరలో నా పాత్ర'
కాగా, ఎన్టీఆర్ లీడ్ రోల్లో తెరకెక్కుతున్న 'దేవర'లో జాన్వీ హీరోయిన్గా నటిస్తోంది. ఈ సినిమాతో జాన్వీ టాలీవుడ్ ప్రేక్షకులకు పరిచయం కానుంది. అయితే ఇదే ఇంటర్వ్యూలో దేవరలో తన పాత్ర గురించి మాట్లాడింది. 'నా పాత్ర ప్రభావం తొలి భాగంలో కంటే, రెండో భాగంలోనే ఎక్కువగా ఉంటుంది' అని చెప్పింది. కాగా, ఈ సినిమాలో ఓ పల్లెటూరి అమ్మాయిగా కనిపించనుంది.
ఇక దేవర పార్ట్- 1ను స్టార్ డైరెక్టర్ కొరటాల శివ తెరకెక్కిస్తున్నారు. ముఖ్యమైన సన్నివేశాలు సహా దాదాపు 90 శాతం షూటింగ్ పూర్తైనట్లు తెలుస్తోంది. త్వరలోనే అది కూడా కంప్లీట్ చేసి, పోస్ట్ ప్రొడక్షన్ పనులు ప్రారంభించనున్నారు. ఈ సినిమాకు మ్యూజిక్ సంచలనం అనిరుధ్ రవిచంద్రన్ సంగీతం అందిస్తున్నారు. కాగా, సెప్టెంబర్ 27న దేవర వరల్డ్వైడ్ గ్రాండ్గా రిలీజ్ కానుంది.
భారీగా 'దేవర' థియేట్రికల్ బిజినెస్ - షూటింగ్ ఎక్కడి దాకా వచ్చిందంటే?
