Chiranjeevi Aswani Dutt : మెగాస్టార్ చిరంజీవి కెరీర్లో బ్లాక్ బస్టర్ అయిన చిత్రాల్లో ఇంద్ర, జగదేక వీరుడు అతిలోక సుందరి కూడా ఉన్నాయి. అయితే ఈ రెండు సినిమాలను వైజయంతీ మూవీస్ బ్యానర‌లో అశ్వినీ దత్ నిర్మించారు. అయితే ఈ మూవీస్కు సీక్వెల్స్ తెరకెక్కించాలని చాలా రోజులుగా ఫ్యాన్స్ డిమాండ్ చేస్తున్నారు. తాజాగా దీనిపై అశ్వినీ దత్ స్పందించారు. అభిమానులకు అదిరిపోయే వార్తను చెప్పారు.
మెగాస్టార్ చిరంజీవి 69వ పుట్టినరోజు సందర్భంగా ఇంద్ర సినిమాను రీరిలీజ్ చేసిన సంగతి తెలిసిందే. 2002లో విడుదలైన ఈ చిత్రం ఇండస్ట్రీ హిట్ సాధించింది. ఇప్పుడు రీ రిలీజ్లోనూ బాక్సాఫీస్ దగ్గర మంచి వసూళ్లను అందుకుంటోంది. ఈ సందర్భంగా ఇంద్ర చిత్ర బృందాన్ని తన ఇంటికి పిలిచి సన్మానించారు మెగాస్టార్ చిరంజీవి. ఈ వేడుకలో నిర్మాత అశ్వినీ దత్, దర్శకుడు బి.గోపాల్తో పాటు రచయితలు పరుచూరి బ్రదర్స్, మ్యూజిక్ డైరెక్టర్ మణిశర్మ, చిన్ని కృష్ణ పాల్గొన్నారు.
వీరందరికీ చిరు శాలువాలను కప్పి సన్మానించారు. అలానే అశ్వినీ దత్కు ప్రత్యేకంగా పాంచజన్యాన్ని బహుమతిగా ఇచ్చారు. వైజయంతీ మూవీస్ బ్యానర్ లోగోపై సీనియర్ ఎన్టీఆర్ కృష్ణుడి వేషధారణలో ఈ పాంచజన్యాన్ని పూరిస్తూ కనిపిస్తారు. అందుకే ఈ పాంచజన్యాన్ని బహుమతిగా ఇచ్చానని చిరు చెప్పారు.
Indra, Jagadeka veerudu athiloka sundari Sequel : ఇక ఈ సన్మాన కార్యక్రమం పుర్తైన తర్వాత మీడియాతో ముచ్చటించిన నిర్మాత అశ్వినీ దత్ అభిమానులకు గుడ్ న్యూస్ చెప్పారు. ఇంద్ర, జగదేక వీరుడు అతిలోక సుందరి సినిమాలకు సీక్వెల్స్ తీసుకొచ్చేందుకు తాను ప్రయత్నిస్తున్నట్లు చెప్పుకొచ్చారు. ఈ రెండు సీక్వెల్స్ కోసం అభిమానులు ఎంతో కాలంగా ఆసక్తిగా ఎదురు చూస్తున్నారని, వీటికి సంబంధించి మరిన్ని వివరాలను త్వరలోనే తెలియజేస్తామని వెల్లడించారు.
చరణ్, జాన్వీ కలిసి నటించాలని - వాస్తవానికి జగదేక వీరుడు అతిలోక సుందరి మూవీ సీక్వెల్ గురించి ఆ మధ్య చిరంజీవి కూడా మాట్లాడారు. మొదటి భాగంలో చిరు - శ్రీదేవి కలిసి నటించగా, సీక్వెల్లో రామ్ చరణ్, జాన్వీ కపూర్ నటించాలని తాను ఆశిస్తున్నట్లు మెగాస్టార్ తెలిపారు.
Indra Rerelease Collections - ఇంద్ర సినిమా ఇప్పుడు రీ రిలీజ్లోనూ మంచి వసూళ్లను అందుకుంటున్నట్లు తెలుస్తోంది. రాయలసీమ ఫ్యాక్షనిజం బ్యాక్‌డ్రాప్లో తెరకెక్కిన ఈ సినిమాను మళ్లీ ప్రేక్షకులు బ్రహ్మరథం పట్టారు. మొదటి రోజు ఈ చిత్రానికి మూడు కోట్ల ఐదు లక్షలకుపైగా కలెక్షన్స్ వచ్చినట్లు సమాచారం.
OTTలో ఫ్రీగా చిరంజీవి బ్లాక్ బస్టర్ మూవీ - ఆఫర్ రెండు రోజులు మాత్ర‌మే - OTT Chiranjeevi Movie
