Hrithik Roshan Family Documentary : ఇటీవలే నయనతార డాక్యూమెంటరీతో నెట్ఫ్లిక్స్ పేరు నెట్టింట తెగ మార్మోగిపోగా, ఇప్పుడు మరో స్టార్ హీరో ఫ్యామిలీ గురించి ఇదే ఓటీటీ సంస్థ ఓ స్పెషల్ డాక్యుమెంటరీని రూపొందించనుంది. బీటౌన్ స్టార్ హీరో హృతిక్ రోషన్ కుటుంబం గురించి 'ది రోషన్స్‌' అనే పేరిట ఓ స్పెషల్ డాక్యుమెంటరీ రానున్నట్లు తెలిపింది.
"ఇండియన్ ఫిల్మ్ ఇండస్ట్రీకి రోషన్ ఫ్యామిలీ ఎన్నో సేవలు చేసింది. ఆ కుటుంబంలోని మూడు తరాల వారి గురించి ఈ డాక్యుమెంటరీలో చూపనున్నాం. హృతిక్, ఆయన తండ్రి రాకేశ్‌ రోషన్, తాతయ్య రోషన్ సినీ పరిశ్రమకు అందించిన సేవల గురించి 'ది రోషన్స్‌'లో చూపించనున్నాం. హిందీ చిత్ర పరిశ్రమకు ఎంతో సేవ చేసి, మరుపురాని జ్ఞాపకాలను అందించింది ఈ కుటుంబం. వీరి ప్రయాణంలోని ఒడుదొడుకులు, అద్భుతాలను త్వరలోనే నెట్ఫ్లిక్స్ వేదికగా చూడండి" అని నెట్ఫ్లిక్స్ పేర్కొంది.
A profound journey through legacy and love with the family that brought music, magic, and unforgettable moments to Hindi cinema 🎬
— Netflix India (@NetflixIndia) December 4, 2024
Watch The Roshans, coming soon, only on Netflix. #TheRoshansOnNetflix @iHrithik #RajeshRoshan @RakeshRoshan_N #ShashiRanjan pic.twitter.com/bDRCSqTJfx
2000లో హృతిక్ సినిమా ఇండస్ట్రీలోకి అడుగుపెట్టారు. తన తండ్రి రాకేశ్‌ రోషన్ డైరెక్షన్ల్లో తెరకెక్కిన 'కహో నా ప్యార్‌ హై' సినిమాతో సినీ తెరంగేట్రం చేశారు. తొలి సినిమాతోనే ఈ స్టార్ కిడ్ విజయాన్ని అందుకున్నారు. ఆ ఏడాది ఎక్కువ వసూళ్లు సాధించిన సినిమాగా ఆ చిత్రం నిలిచింది. అంతేకాకుండా ఉత్తమ నటుడిగా పురస్కారాలను అందుకున్నారు. ఆ తర్వాత వరుస సినిమాలతో బీటౌన్ ప్రేక్షకులను అలరించారు. యాక్టింగ్లోనే కాకుండా డ్యాన్స్లోనూ దిట్ట అనిపించుకున్నారు.
ఇక 'ఫైటర్‌'తో ఈ ఏడాది ప్రేక్షకులను అలరించారు. ప్రస్తుతం ఆయన 'వార్ 2' కోసం వర్క్ చేస్తున్నారు. 'బ్రహ్మాస్త్ర' ఫేమ్ డైరెక్టర్ అయాన్‌ ముఖర్జీ ఈ సినిమాను భారీ బడ్జెట్తో తెరకెక్కిస్తున్నారు. సినిమా ప్రస్తుతం షూటింగ్ దశలో ఉంది. 'వార్ 1' లో టైగర్ ష్రాఫ్ కనిపించగా, ఇప్పుడీ సీక్వెల్లో జూనియర్ ఎన్టీఆర్ కీలక పాత్రలో కనిపించనున్నారు. భారీ అంచనాల నడుమ వచ్చే ఏడాది ఈ చిత్రం విడుదలయ్యే అవకాశం ఉంది. తాజాగా ఈ చిత్రానికి సంబంధించిన పలు కీలక సన్నివేశాలను తెరకెక్కించారని సమచారం.
నా తప్పులు సరిదిద్దేందుకు షూటింగ్ స్పాట్లో రజనీ అలా చేసేవారు : హృతిక్ రోషన్
అద్దె ఇళ్లలో సెలబ్రిటీలు - రెంట్కు ఇచ్చేది కూడా సినీ తారలే! - Celebrities Living In Rental Houses
