సెన్సేషన్ క్రియేట్ చేస్తున్న రూ.100 కోట్ల హారర్​ కామెడీ మూవీ - ఓటీటీలోకి ఎప్పుడంటే? - Munjya OTT Release

Horror Comedy Movie Munjya OTT : హారర్ కామెడీ జానర్ సత్తా ఏంటో మరోసారి నిరూపించింది ముంజ్యా మూవీ. అసలు ఏమాత్రం అంచనాలు లేకుండా వచ్చి సంచలన విజయం సాధించింది. ఈ చిత్రం ఓటీటీలోకి ఎప్పుడు వస్తుందంటే?

Horror Comedy Movie Munjya OTT : కొన్ని చిత్రాలు ఎటువంటి అంచనాలు లేకుండా చిన్న సినిమాగా థియేటర్లలోకి వచ్చి సంచలనాలు సృష్టిస్తూ ఉంటాయన్న సంగతి తెలిసిందే. అలా రీసెంట్​గా వచ్చిన చిత్రం ముంజ్యా. 17 రోజుల్లోనే ఈ హారర్ కామెడీ మూవీ రూ.100 కోట్ల క్లబ్​లో చేరడం విశేషం. ఈ విషయాన్ని మూవీటీమ్ అఫీషియల్​గా అనౌన్స్​ చేసింది. "ముంజ్యా నవ్విస్తూ, భయపెడుతూ రూ.100 కోట్లు సంపాదించింది. మీరు లేకుండా ఇది సాధ్యమయ్యేది కాదు. ప్రతిఒక్కరికీ ధన్యవాదాలు" అని ఫ్యాన్స్​కు థ్యాంక్స్ చెబుతూ ఈ పోస్ట్ చేసింది టీమ్​. అలానే కలెక్షన్​ వివరాలను తెలిపింది.

ఈ చిత్రానికి రూ.103 కోట్ల గ్రాస్ కలెక్షన్లను వచ్చినట్లు మూవీటీమ్ తెలిపింది. నెట్ కలెక్షన్లు రూ.87.35 కోట్లు వచ్చాయి. మొదటి రోజు అనూహ్యంగా రూ.4 కోట్ల ఓపెనింగ్​ వసూళ్లను సాధించిన ఈ చిత్రం తొలి వారమే రూ.36.5 కోట్లతో అదరగొట్టింది. అదే జోరును కొనసాగిస్తూ రెండో వారం మరో రూ.32 కోట్లు అందుకోగా, మూడో వారం కూడా మంచి వసూళ్లనే అందుకుంది.

ముంజ్యా మూవీ కథేంటంటే? - ముంజ్యా చిత్రాన్ని మరాఠీ దర్శకుడు ఆదిత్య సర్పోదర్​ తెరకెక్కించారు. చిత్రంలో శర్వరీ వాఘ్, మోనా సింగ్, అభయ్ వర్మ, సత్యరాజ్ లాంటి వాళ్లు నటించారు. మహారాష్ట్రలోని కొంకణ్ ప్రాంతంలో జరిగిన కథగా దీనిని తెరకెక్కించారు. ముంజ్యా అనేది ఓ వింత జీవి. అది బిట్టూ (అభయ్ వర్మ) జీవితంపై ఎలాంటి ప్రభావం చూపించిందనేదే ఈ కథ.

ఇకపోతే ముంజ్యా చిత్రాన్ని ఓటీటీలో చూద్దామని వేచి చూసే ఆడియెన్స్​ కాస్త ఓపిక పట్టాల్సిందే. ఈ మూవీ డిజిటల్ హక్కులను డిస్నీ ప్లస్ హాట్‌స్టార్ సొంతం చేసుకుంది. ప్రస్తుతం బాక్సాఫీస్ దగ్గర మంచి వసూళ్లు వస్తుండటం వల్ల జులై, లేదా ఆగస్ట్​లో వచ్చే సూచనలు కనిపించడం లేదు. అయితే ఈలోగా ముంజ్యా మూవీ దర్శకుడే తెరకెక్కించిన కాకుడా అనే మరో హారర్ మూవీ జీ5 ఓటీటీ వేదికగా జులై 12 నుంచి స్ట్రీమింగ్ కానుంది.