Heroine Esha Deol Divorce : ఫిల్మ్ ఇండిస్ట్రీలో డివొర్స్ అంశం ఈ మధ్య ఎక్కువగా వినిపిస్తోన్న సంగతి తెలిసిందే. తాజాగా మరో స్టార్ హీరోయిన్ తన భర్త నుంచి విడాకులు తీసుకుంది. ప్రముఖ నటి, రాజకీయ నాయకురాలు హేమమాలిని పెద్ద కూతురు ఈషా దేఓల్(హీరోయిన్) తన భర్త నుంచి విడిపోయింది. తన 12 ఏళ్ల వైవాహిక జీవితానికి స్వస్తి చెబుతూ ఈ విషయాన్ని ఆఫీషియల్‌గా ప్రకటించింది. పరస్పరం అంగీకారంతోనే విడిపోయినట్లు తెలిపింది. "పరస్పరం అంగీకారంతోనే భరత్‌ - నేను విడిపోయాం. అయితే పిల్లలు మాత్రం మాకు చాలా ముఖ్యం. భార్యభర్తలుగా విడిపోయినప్పటికీ తల్లిదండ్రులుగా వారికి ఎలాంటి ఇబ్బంది రానివ్వకుండా చూసుకుంటాం" అని చెప్పుకొచ్చింది. కానీ డివొర్స్కు గల అసలు కారణాన్ని చెప్పలేదు ఈషా. దీంతో ఒక్కసారిగా ఆమె అభిమానులంతా షాక్ అవుతున్నారు. ప్రస్తుతం ఈ విషయం బీటౌన్లో హాట్ టాపిక్గా మారింది. అందరూ దీని గురించే మాట్లాడుకుంటున్నారు.
అప్పుడే లాస్ట్ పోస్ట్ : స్టార్ హీరోయిన్‌గా క్రేజ్ ఉన్న సమయంలోనే 2012లో భరత్‌ తక్తానీని పెళ్లాడింది ఈషా దేఓల్. ఆ తర్వాత యాక్టింగ్కు బ్రేక్‌ ఇచ్చింది. ఇద్దరు పిల్లలకు తల్లైంది. గతేడాది వరకు భర్తతో అన్యోన్యంగా కనిపించింది. గత సంవత్సరంలో తమ పెళ్లి రోజు భర్తతో సన్నిహితంగా ఉన్న ఫొటోనూ కూడా షేర్ చేసింది. కానీ అదే లాస్ట్ పోస్ట్. ఆ తర్వాత ఏమైందో గానీ తన పోస్ట్ చేసే ఫొటోల్లో పిల్లలు, తను మాత్రమే కనిపించేది. దీంతో వారి మధ్య మనస్పర్థలు తలెత్తినట్లు గుసగుసలు మొదలయ్యాయి. ఈ క్రమంలోనే తాజాగా ఆమె డివోర్స్ అంటూ షాక్ ఇచ్చింది.
కాగా, బాలీవుడ్‌ స్టార్ కపుల్‌ ధర్మేంద్ర-హేమమాలిని పెద్ద కుతురు ఈషా దేఓల్. తల్లిదండ్రుల నటవారసత్వాన్ని పుణికిపుచ్చుకుని అతి చిన్న వయసులోనే ఈమె ఇండస్రీలోకి అడుగుపెట్టింది. అన్ని భాషల్లో కలిపి 30కి పైగా చిత్రాల్లో నటించి మెప్పించింది. మణిరత్నం దర్శకత్వంలో వచ్చిన 'యువ' సినిమాలో సూర్య సరసన నటించి సౌత్లో ఫ్యాన్ ఫాలోయింగ్ను పెంచుకుంది.
గ్యారేజీలో నివాసం - 200 రూపాయల సంపాదన - ఇప్పుడు బీటౌన్ సూపర్ స్టార్
