Varun Teaj Matka Trailer : మెగా హీరో వరుణ్ తేజ్ లీడ్ రోల్లో తెరకెక్కిన లేటెస్ట్ మూవీ 'మట్కా'. డైరెక్టర్ కరుణకుమార్ ఈ సినిమాకు దర్శకత్వం వహించారు. నవంబర్ 14న ఈ సినిమా థియేటర్లలో గ్రాండ్గా విడుదల కానుంది. ఈ నేపథ్యంలో శనివారం మేకర్స్ హైదరాబాద్లో ట్రైలర్ రిలీజ్ ఈవెంట్ నిర్వహించారు.
అయితే ఈ ఈవెంట్లో వరుణ్కు తన బ్లాక్బస్టర్ మూవీ 'తొలి ప్రేమ' గురించి ఓ ప్రశ్న ఎదురైంది. 'పవన్ కల్యాణ్ తొలి ప్రేమ టైటిల్ వాడారు. మరి మెగాస్టార్ టైటిల్ ఏది వాడాలని అనుకుంటున్నారు?' అన్న ప్రశ్నకు వరుణ్ సమాధానమిచ్చారు. 'ఆ టైటిల్ వాడేటప్పుడు నేను వణికిపోయా. బాబాయ్కి అది కల్ట్ హిట్ సినిమా. దాని పేరు పాడు చేయకూడదని 100సార్లు ఆలోచించాకే ఆ పేరు పెట్టుకున్నాం. సినిమా చూసిన తర్వాత తప్పకుండా హిట్ అవుతుందనిపించాకే ఆ టైటిల్ పెట్టుకున్నాం' అని అన్నారు. 1958లో చిన్నతనంలోనే శరణార్థిగా బర్మా నుంచి వైజాగ్‌కు వచ్చిన హీరో వాసు ఒక్కో మెట్టు ఎక్కుతూ 'మట్కా' కింగ్‌లా ఎలా మారాడు? అనేది సినిమా కథ. ఈ సినిమా కోసం లుక్తోపాటు డబ్బింగ్లోనూ ఎంతో శ్రద్ధ తీసుకున్నామని వరుణ్ అన్నారు. ఇక ఈ 'మట్కా' పై ఎంతో కాన్ఫిడెంట్గా ఉన్నట్లు వరుణ్ చెప్పారు.
40 ఏళ్ల క్రితం జరిగిన ఓ వాస్తవ సంఘటనను ఆధారంగా చేసుకొని తెరకెక్కించినట్లు డైరెక్టర్ కరుణ కుమార్‌ చెప్పారు. ఆ సమయంలో విశాఖపట్నం ఎలా ఉండేది? అక్కడ మనుషులు ఎలా ఉండేవారు? హీరో ప్రస్థానం ఎలా మొదలైంది? అనే విషయాలను సినిమాలో చూపించనున్నారు. 'వరుణ్‌తేజ్‌ని ఏవిధంగా చూడాలని అభిమానులు కోరుకుంటున్నారో ఈ సినిమాలో ఆ విధంగానే చూపించా. టీమ్‌ అంతా ఎంతో శ్రమించి దీనిని తీర్చిదిద్దాం. ఈరోజు నుంచి వరుస అప్డేట్స్ ఇస్తాం' అని దర్శకుడు కరుణకుమార్ తెలిపారు.
కాగా, ఈ సినిమాలో యంగ్ బ్యూటీ మీనాక్షి చౌదరి హీరోయిన్గా నటించింది. నవీన్ చంద్ర కీలక పాత్ర పోషిస్తున్నారు. వైర ఎంటర్టైన్మెంట్ బ్యానర్పై విజేంధర్ రెడ్డి, రజని సంయుక్తంగా నిర్మిస్తున్నారు.
'OG స్టోరీ బాబాయ్ కంటే ముందు నేనే విన్నా - ఇది మీ ఊహకు అందదు' - Varun Tej on OG Movie
