రూ.2 వేల కోట్ల ఆస్తి - ఆ ఇంటి వార‌సురాలితో రాజ్​ తరుణ్​ పెళ్లి​​! - Tiragabadara Saami Review

Raj tarun Tiragabadara Saami Movie Review : గతవారం పురుషోత్తముడు చిత్రంతో ప్రేక్షకులను అలరించిన రాజ్‌ తరుణ్ ఈ శుక్రవారం తిరగబడరసామీతో ఆడియెన్స్​ ముందుకు వచ్చారు. అసలే ప్రస్తుతం టాలీవుడ్​లో రాజ్‌ తరుణ్‌ పర్సనల్​ లైఫ్​ కాంట్రవర్సీ హాట్‌ టాపిక్​గా మారిన సంగతి తెలిసిందే. ఇలాంటి క్లిష్ట పరిస్థితుల్లో వచ్చిన ఈ చిత్రం ఆయనకు విజయాన్ని అందించిందా?

Raj tarun Tiragabadara Saami Movie Review : గతవారం పురుషోత్తముడు చిత్రంతో ప్రేక్షకులను అలరించిన రాజ్‌ తరుణ్ ఈ శుక్రవారం తిరగబడరసామీతో ఆడియెన్స్​ ముందుకు వచ్చారు. అసలే ప్రస్తుతం టాలీవుడ్​లో రాజ్‌ తరుణ్‌ పర్సనల్​ లైఫ్​ కాంట్రవర్సీ హాట్‌ టాపిక్​గా మారిన సంగతి తెలిసిందే. ఇలాంటి క్లిష్ట పరిస్థితుల్లో వచ్చిన ఈ చిత్రం ఆయనకు విజయాన్ని అందించిందా?

క‌థేంటంటే ? - చిన్నప్పుడే అమ్మానాన్న‌ల‌కు దూరమైన గిరి(రాజ్‌ త‌రుణ్‌) అనాథ‌లా పెరుగుతాడు. దీంతో త‌న‌లా కుటుంబాలకు దూర‌మైన వాళ్ల‌ను తిరిగి వాళ్ల త‌ల్లిదండ్రుల‌కు అప్ప‌గించ‌డ‌మే లక్ష్యంగా ముందుకెళ్తుంటాడు. అలా అత‌ను తన సామాజిక కార్యక్రమాల ద్వారా కాస్త పాపులర్ అవుతాడు. ఈ క్రమంలోనే గిరిని చూసిన శైల‌జ (మాల్వి మ‌ల్హోత్రా) అతడితో ప్రేమలో పడుతుంది. పెళ్లి కూడా చేసుకుంటారు. ఇంత‌లో కొండారెడ్డి (మ‌క‌రంద్ దేశ్‌పాండే) గ్యాంగ్​ శైల‌జ కోసం వెతుకుతుంటుంది. ఈ క్రమంలోనే త‌న భార్య శైల‌జ రూ.2 వేల కోట్ల ఆస్తికి వార‌సురాలని తెలిసిన గిరి ఏం చేశాడు? అసలు శైల‌జకీ, కొండారెడ్డికీ ఉన్న సంబంధం ఏమిటి? త‌న భార్య‌ను కాపాడుకోవ‌డానికి గిరి ఏం చేశాడు? అన్నదే కథ.

ఎలా ఉందంటే ? - మూస‌ధోర‌ణిలో సాగే కథ ఇది. ఊహ‌కు అందే క‌థ‌, క‌థ‌నాలతో సాగుతూ ఆస‌క్తిని రేకెత్తించ‌దు. ప్రేక్ష‌కుడి మ‌న‌సును తాకేలా ఎమోషన్స్​, కాసేపు కామెడీ అయినా కూడా కనిపించలేదు. కథ మొత్తం సాదాసీదాగా సాగిపోతుంది. ఇంటర్వెల్ సీన్​ ఊహించినట్టుగానే సాగుతుంది. ఇంటర్వెల్ తర్వాత కొన్ని సీన్స్​ ప‌ర్వాలేద‌నిపించినా, ఆ త‌ర్వాత మ‌ళ్లీ మామూలే. ఫైనల్​గా చెప్పాలంటే కాలం చెల్లిన క‌థ, పాత్ర‌లు, స‌న్నివేశాల‌తో తెరకెక్కించారనే చెప్పాలి.

ఎవ‌రెలా చేశారంటే ? - రాజ్‌త‌రుణ్, మాల్వి మ‌ల్హోత్రా తన పాత్రలకు న్యాయం చేశారు. ఫస్టాఫ్​లో ప‌క్కింటి కుర్రాడిగా, సెకండాఫ్​లో యాక్ష‌న్ హీరోగా కనిపించాడు. క్లైమాక్స్​లో అతడి సీన్స్​ ఆక‌ట్టుకుంటాయి. మాల్వి కూడా ఫైట్లు బానే చేసింది. మ‌న్నారా చోప్రా నెగటివ్​ షేడ్స్​ ఉన్న పాత్ర‌లో కనిపించింది. స్పెషల్ సాంగ్​లోనూ సంద‌డి చేసింది. మ‌క‌రంద్ దేశ్‌పాండే విల‌నిజం అంతగా పండ‌లేదు. ర‌ఘుబాబు మినహా థ‌ర్టీ ఇయ‌ర్స్ పృథ్వీ, తాగుబోతు ర‌మేశ్‌, గీతాసింగ్‌, ప్ర‌గ‌తి, రాజా ర‌వీంద్ర పెద్దగా ఎవరీ పాత్రలు ప్రభావం చూపలేదు. ర‌చ‌న‌లో బ‌లం కనిపించలేదు. ద‌ర్శ‌కుడు కాలం చెల్లిన క‌థ‌తో తీశాడు. నిర్మాణం సినిమా స్థాయికి త‌గ్గ‌ట్టుగానే ఉంది. ఒక్కముక్కలో చెప్పాలంటే తిర‌గ‌బ‌డ‌రా సామీ ఓ అరిగిపోయిన కథే సామీ.

• గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!