Happy Birthday Sai pallavi Thandel Movie : సాయి పల్లవి ఈ ముద్దుగుమ్మకు సెపరేట్ ఫ్యాన్ బేస్ ఉంటుంది. నేచురాలిటికీ కేరాఫ్ అడ్రెస్. సహజమైన నటనతో ప్రేక్షకుల్ని కట్టిపడేస్తుంది. అయితే నేడు ఈ భామ పుట్టినరోజు సందర్భంగా బర్త్ డే విషెస్ తెలుపుతూ తండేల్ టీమ్ ఓ స్పెషల్ వీడియోను రిలీజ్ చేసింది. ఈ వీడియో అభిమానులను తెగ ఆకట్టుకుంటోంది.
ఈ వీడియోలో ప్రేమమ్, ఫిదా, విరాటపర్వం, శ్యామ్ సింగరాయ్, మారి 2 సహా సాయి పల్లవి నటించిన పలు చిత్రాలలోని పాత్రలను చూపిస్తూ చివరిగా తండేల్ చిత్రంలోని బుజ్జి తల్లి పాత్రను చూపించారు. తండేల్ షూటింగ్ సమయంలో సాయిపల్లవిపై చిత్రీకరించిన సన్నివేశాలను చూపించారు. అలాగే బుజ్జి తల్లి చిత్రీకరణ సమయంలో చుట్టూ ఉన్న వారితో ఎలా ఉంటుందో కూడా చూపించారు.
కాగా, ఈ చిత్రంలో సాయిపల్లవి బుజ్జితల్లిగా సందడి చేయనుంది. హీరో నాగచైతన్య జాలరి పాత్రలో కనిపించనుండగా సాయిపల్లవి ఆయనతో కలిసి అల్లరి చేయనుంది. ఇప్పటికే పుట్టినరోజు సందర్భంగా సాగర తీరాన కూర్చుని నవ్వుతూ ఫోన్‌లో మాట్లాడుతున్న సాయి పల్లవి లుక్ను విడుదల చేయగా ఫ్యాన్స్ను బాగా ఆకట్టుకుంది.
ల‌వ్ స్టోరీ త‌ర్వాత నాగచైతన్య, సాయిపల్లవి కాంబోలో వ‌స్తోన్న ఈ రెండో చిత్రానికి చందూ మొండేటి తెరకెక్కిస్తున్నారు. గీతా ఆర్ట్స్‌ బ్యానర్పై రూపొందుతోంది. బన్నీ వాస్‌ నిర్మాతగా వ్యవహరిస్తున్నారు. అల్లు అరవింద్‌ సమర్పిస్తున్నారు. దేవిశ్రీప్రసాద్‌ స్వరాలు సమకూరుస్తున్నారు.
య‌థార్థ ఘ‌ట‌న‌ల స్ఫూర్తితో - సముద్రంలో చేప‌ల వేట‌కు వెళ్లిన ఓ యువకుడు(నాగ చైతన్య) అనుకోకుండా దేశ స‌రిహ‌ద్దులు దాటి పాకిస్థాన్ సైన్యానికి బందీగా ఎలా చిక్కాడు? అక్కడి చెరసాల నుంచి త‌ప్పించుకునే క్ర‌మంలో అత‌డికి ఎలాంటి పరిస్థితులు ఎదుర‌య్యాయి? మరి దాయాది దేశానికి చిక్కిన త‌న ప్రియుడిని కాపాడుకోవ‌డానికి ఓ యువ‌తి(సాయిపల్లవి) ఎలాంటి సాహ‌సం చేయడానికి సిద్ధ‌ప‌డింద‌ి అనే కథాంశంతో తండేల్ తెర‌కెక్కుతున్న‌ట్లు సమాచారం అందింది. 2024 డిసెంబ‌ర్ 20న ఈ చిత్రం థియేట‌ర్ల‌లో రిలీజ్ కానుంది.
