Hanuman Movie Varalakshmi Sarathkumar Marriage : సీనియర్ హీరో, నటుడు శరత్ కుమార్ కూతురిగా చిత్ర పరిశ్రమలోకి ఎంట్రి ఇచ్చిన నటి వరలక్ష్మీ శరత్ కుమార్. ఈమె మొదట హీరోయిన్గానే వచ్చినప్పటికీ అనుకున్నంత రేంజ్లో స్టార్ హీరోయిన్ అవ్వలేకపోయింది. ఆ తర్వాత క్యారెక్టర్ ఆర్టిస్ట్గా మాత్రం మంచి పేరు సంపాదించుకుంది. ప్రతినాయికగా, సహాయ నటిగా వైవిధ్యభరితమైన పాత్రలు పోషిస్తూ ఆడియెన్స్ను ఆకట్టుకుంది. ఈ మధ్యే పాన్ ఇండియా బ్లాక్ బస్టర్ హిట్ చిత్రం 'హనుమాన్'లోనూ అంజ‌మ్మ పాత్రలో తన నటనతో మెస్మరైజ్ చేసింది. అయితే తాజాగా ఈమె పెళ్లి గురించి మరోసారి వార్తలు తెరపైకి వచ్చాయి. ఓ స్టార్ హీరోను పెళ్లి చేసుకోనుందని బయట కథనాలు చక్కర్లు కొడుతున్నాయి.
వివరాల్లోకి వెళితే సీనియర్ నటుడు శరత్కుమార్ కుమార్తెగా సినీ రంగంలోకి అడుగుపెట్టిన వరలక్ష్మీ కథానాయకురాలిగా కాకుండా లేడీ విలన్గా మంచి ఆదరణను దక్కించుకుంది. ఈమె నటించిన సర్కార్, పందెం కోడి 2, తెనాలి రామకృష్ణ బీఎల్, క్రాక్ వంటి పలు తమిళ, తెలుగు చిత్రాలు ఆడియెన్స్ను బాగా ఆకట్టుకున్నాయి. వీటిలో ఆమె విలనిజంకు అందరూ ఫిదా అయ్యారు. దీంతో ఆమెకు తెలుగులో మరిన్ని అవకాశాలు వచ్చాయి.
అలా గతేడాది బాలయ్య వీరసింహారెడ్డిలో ఓవైపు చెల్లి పాత్రలో మరోవైపు విలన్ పాత్రలో పవర్ ఫుల్గా నటించి మరింత పాపులారిటినీ సంపాదించుకుంది. రీసెంట్గా 'హనుమాన్'(hanuman Movie) చిత్రంలోనూ హీరో తేజ సజ్జా అక్కగా అంజ‌మ్మ పాత్రలో ప్రేక్షకుల్లో మంచి రెస్పాన్స్ను అందుకుంది. ప్రస్తుతం ఈ సినిమా తో విజయోత్సాహంలో ఉన్న ఈమె తన కొత్త చిత్రాల కోసం రెడీ అవుతోంది. అలా వరుసగా తెలుగు చిత్రాల్లో పవర్ ఫుల్ పాత్రలు చేస్తూ సక్సెస్ అందుకుంటున్న ఈమె 40 ఏళ్లకు దగ్గరపడుతున్నా ఇంకా పెళ్లి మాత్రం చేసుకోలేదు.
అయితే అప్పుడప్పుడు ఈమె పెళ్లి గురించి వార్తలు తెరపైకి వస్తుంటాయి. ఆ మధ్య హీరో విశాల్తో ప్రేమలో ఉన్నట్లు, ఆ తర్వాత విడిపోయినట్లు ప్రచారం సాగింది. ఇప్పుడు మళ్లీ పెళ్లి వార్త తెరపైకి వచ్చింది. తమిళ హీరో శింబుతో పెళ్లికి సిద్ధమైనట్లు వార్తలు వస్తున్నాయి. మరి ఇందులో నిజమెంతో తెలీదు కానీ ప్రస్తుతం ఈ వార్తలు జోరుగా ప్రచారం సాగుతున్నాయి. కానీ ఈ వార్తల్లో ఎలాంటి నిజం లేదని ఇరువురి సన్నిహితులు చెబుతున్నారు.
భర్త హీరో సూర్యతో విడాకులు - క్లారిటీ ఇచ్చిన జ్యోతిక
ఎన్టీఆర్తో 'వార్ 2' షూటింగ్ - సూపర్ హింట్ ఇచ్చిన హృతిక్ రోషన్
