Nag Ashwin About Dulquer Salmaan : మలయాళం స్టార్‌ హీరో దుల్కర్ సల్మాన్ వరుస హిట్‌లతో దూసుకుపోతున్నారు. ఇప్పుడు 'లక్కీ భాస్కర్' మూవీతో కూడా సక్సెస్ అందుకున్నారు. దీపావళి సందర్భంగా వచ్చిన ఈ మూవీ బాక్సాఫీస్ వద్ద మంచి కలెక్షన్లు రాబడుతోంది. దీంతో మేకర్లు సక్సెస్ మీట్ నిర్వహించారు. దీనికి స్టార్‌ డైరెక్టర్‌ నాగ్ అశ్విన్ హాజరయ్యారు. 'మహానటి' సినిమా సమయంలో దుల్కర్‌తో జరిగిన ఓ ఆసక్తికర ఘటనను షేర్‌ చేసుకొన్నారు.
నాగ్ అశ్విన్ సూపర్ హిట్‌ మూవీ 'మహానటి'తోనే దుల్కర్ టాలీవుడ్‌లో అరంగేట్రం చేశారు. డబ్బింగ్ సినిమాలతో ఆయన తెలుగు ప్రేక్షకులకు పరిచయమే అయినా, 'మహానటి'తో మొదటి స్ట్రైట్ ఫిల్మ్‌ చేశారు. ఈ సినిమాలో జెమినీ గణేషన్ పాత్రలో మెరిశారు. ఇందులో దుల్కర్ యాక్టింగ్‌కు మంచి మార్కులు పడ్డాయి, సినిమా భారీ కలెకన్లు రాబట్టింది. అయితే నిర్మాత కథ చెప్పకముందే దుల్కర్ ఈ మూవీని రిజెక్ట్ చేశారట. ఈ విషయాన్నే నాగ్ అశ్విన్ స్వయంగా చెప్పారు.
సస్కెస్ మీట్లో మాట్లాడిన నాగ్ అశ్విన్ "చెన్నైలో దుల్కర్‌కు మహానటి కథ చెప్పేందుకు వెళ్లినప్పుడు, తాను తెలుగు సినిమాలు చేయలేనని చెప్పారు.'నేను తెలుగు భాష ఎలా మాట్లాడగలను? ప్రజలు నన్ను చూస్తారా? ఈ కుర్రాడికి భాష కూడా తెలియదని అంటారని' చెప్పారు. కట్‌ చేస్తే ఆరేళ్ల తర్వాత హ్యాట్రిక్ హిట్‌లు అందుకున్నారు. మూడు బ్లాక్‌బస్టర్‌లు అందించారు. ఇప్పుడు ఆయన తెలుగు సూపర్‌స్టార్‌లలో ఒకరు. ఈ రేంజ్‌ సక్సెస్ అందుకున్నందుకు సంతోషం. థాంక్యూ.' అని చెప్పారు.
రూ.100 కోట్ల క్లబ్‌లోకి లక్కీ భాస్కర్?
దీపావళి రోజున విడుదలైన దుల్కర్ సల్మాన్ 'లక్కీ భాస్కర్' సినిమా ప్రేక్షకుల నుంచి మంచి స్పందన అందుకుంది. ఇతర సినిమాల నుంచి బలమైన పోటీ ఉన్నా తెలుగు క్రైమ్ డ్రామా ప్రేక్షకులను కట్టిపడేసింది. తెలుగులో దుల్కర్ స్టార్‌డమ్‌ మరింత పెరిగింది. త్వరలోనే మూవీ బాక్సాఫీస్ వద్ద రూ.100 కోట్ల క్లబ్‌లోకి ప్రవేశించే అవకాశం ఉంది. ఇప్పుడు దుల్కర్ సల్మాన్ 'కాంతా', 'ఆకాశం' సినిమాలు చేస్తున్నారు.
10,000 స్క్రీన్స్‌లో 'కంగువా' భారీ రిలీజ్- సౌత్లో ఎన్ని థియేటర్లంటే?
'అన్స్టాపబుల్'లో కంగువా హీరో! - ఆడియెన్స్ ముందు కంటతడి పెట్టిన సూర్య!
