NTR Devara Movie OTT : 'దేవర'తో ఇన్ని రోజులు ఊరిస్తూ వచ్చిన యంగ్ టైగర్ ఎన్టీఆర్ ఎట్టకేలకు థియేటర్లలో సందడి చేశారు. ఈ చిత్రం తొలి షో నుంచే డీసెంట్ టాక్ అందుకుంది. దీంతో విడుదలకు ముందు ఏ స్థాయిలో అయితే జోరు కనిపించిందో ఇప్పుడు అంతకు రెట్టింపు స్థాయిలో దేవర జోరు నడుస్తోంది.
వాస్తవానికి కోస్టల్ ఏరియాల్ బ్యాక్డ్రాప్‌తో హై రేంజ్ యాక్షన్ ఎంటర్‌టైనర్‌గా తెరకెక్కిన ఈ సినిమాపై మొదటి నుంచి మంచి అంచనాలే ఉన్నాయి. అందుకు ఏమాత్రం తీసిపోని విధంగా దర్శకుడు కొరటాల శివ కూడా తెరకెక్కించి తానేంటో నిరూపించుకున్నారు. దీంతో ఈ ఫుల్ లెంగ్త్ యాక్షన్ ఎంటర్‌టైనర్పై ఫ్యాన్స్ పాజిటివ్, బ్లాక్ బస్టర్ రివ్యూలు(Devara Review) ఇస్తున్నారు. ఆలానే ఈ చిత్రానికి ఓపెనింగ్స్ కూడా భారీగానే వస్తాయని ఆశిస్తున్నారు.
Devara OTT Platform : అయితే ఎంత పెద్ద సినిమా అయినా సరే కొద్ది రోజులకు ఓటీటీ బాట పడుతుందన్న సంగతి తెలిసిందే. అందుకే ఆయా ఓటీటీ సంస్థలు కూడా రిలీజ్కు ముందే సదరు చిత్రాలతో భారీ మొత్తానికి డీల్స్ను కుదుర్చుకుంటున్నాయి. అలా ఇప్పుడు దేవర చిత్రానికి నెట్ఫ్లిక్స్ లాక్ చేసుకున్నట్లు తెలిసింది. టైటిల్ కార్డ్స్లో ఈ విషయాన్ని అఫీషియల్గా తెలిపారు మేకర్స్.
ఈ చిత్రాన్ని థియేటర్ రిలీజ్ అనంతరం 50 రోజులకు ఓటీటీలో స్ట్రీమింగ్ అయ్యేలా ఈ ఒప్పందం చేసుకున్నారని తెలిసింది! అంటే ఈ లెక్కన నవంబర్ మూడో వారంలో ఈ మూవీ ఓటీటీలోకి అందుబాటులోకి రావచ్చు.
కాగా, జనత గ్యారేజ్ లాంటి హిట్ తర్వాత ఎన్టీఆర్ - కొరటాల కాంబోలో వచ్చిన చిత్రమిది. బాలీవుడ్ భామ జాన్వీ కపూర్ హీరోయిన్‌గా తెలుగు తెరకు పరిచయమైంది. బీటౌన్ స్టార్ యాక్టర్ సైఫ్ అలీ ఖాన్ విలన్గా కనిపించి మెప్పించారు. నందమూరి తారక రామారావు ఆర్ట్స్, యువసుధ ఆర్ట్స్ బ్యానర్లు సంయుక్తంగా సినిమాను నిర్మించాయి. అనిరుథ్ అందించిన మ్యూజిక్ సినిమాకే హైలైట్గా నిలిచింది. శ్రీకాంత్, చాకో, అజయ్, ప్రకాశ్ రాజ్ కీలక పాత్రలు పోషించారు.
ఎన్టీఆర్ 'దేవర' మూవీ రివ్యూ - ఎర్ర సముద్రం పోటెత్తింది! - DEVARA MOVIE REVIEW
