Devara Release Date : జూనియర్ ఎన్టీఆర్, కొరటాల శివ కాంబోలో తెరకెక్కుతున్న లేటెస్ట్ మూవీ 'దేవర'. ఫుల్ ఆన్ యాక్షన్ మోడ్లో రూపొందుతున్న ఈ మూవీ ప్రస్తుతం షూటింగ్ మోడ్లో ఉంది. అయితే ఇప్పటికే పలు షెడ్యూల్స్ కంప్లీట్ చేసుకున్న ఈ మూవీ మరో మూడు నెలల్లో ప్రేక్షకుల ముందుకు రావాల్సి ఉంది. అయితే తాజాగా మూవీ లవర్స్కు షాకిచ్చే ఓ వార్త నెట్టింట ట్రెండ్ అవుతోంది. ఈ సినిమా విడుదల వాయిదా పడనుందంటూ రూమర్స్ సోషల్ మీడియాలో హల్చల్ అవుతోంది.
రెండు పార్టులుగా దేవర సినిమా విడుదల కానుండగా ఇప్పటికే తొలి భాగాన్ని ఈ ఏడాది ఏప్రిల్ 5న రిలీజ్ చేస్తామంటూ మేకర్స్ ప్రకటించారు. అయితే షూటింగ్ ఇంకా పూర్తి కాలేదని, వీఎఫ్ఎక్స్ పనులు పూర్తి చేసుకునేందుకు ఇంకాస్త సమయం పడుతుందని తెలుస్తోంది.
మరోవైపు ఈ సినిమాలో విలన్ రోల్ చేస్తున్న సైఫ్ అలీ ఖాన్ ఇటీవలే గాయల పాలయ్యారు. దీంతో ఆయన పూర్తిగా కోలుకుని తిరిగి సెట్స్కు వచ్చేంత వరకు ఈ సినిమా షూటింగ్ కూడా లేట్ కానున్నట్ల సమాచారం. ఇలా పలు కారణాల వల్ల 'దేవర' మూవీ వాయిదా పడనుందని, మేకర్స్ కూడా కొత్త డేట్ను అనౌన్స్ చేసే ఆలోచనలో ఉన్నట్లు సమాచారం. అయితే ఈ విషయంపై అఫీషియల్ అనౌన్స్మెంట్ వచ్చేంతవరకు క్లారిటీ రాదని ఫ్యాన్స్ అభిప్రాయపడుతున్నారు.
- " class="align-text-top noRightClick twitterSection" data="">
ఇక ఏప్రిల్ 5కి సూర్య 'కంగువ', అక్షయ్ కుమార్ 'బడే మియాన్ చోటే మియాన్', అజయ్ దేవగణ్ 'మైదాన్' సినిమాలు విడుదలకు సిద్ధంగా ఉన్నాయి. ఇది కూడా దేవర వాయిదాకు మరో కారణం అని సమాచారం. ఒక వేళ ఈ మూవీ నిజంగానే పోస్ట్పోన్ చేసుకుంటే ఆ డేట్ని లాక్ చేసుకునేందుకు తెలుగులో రెండు సినిమాలు రెడీగా ఉన్నాయి. అందులో ఒకటి సిద్ధు జొన్నలగడ్డ 'టిల్లు స్క్వేర్'. ఇప్పటికే పలు మార్లు రిలీజ్ డేట్ను మార్చుకున్న ఈ సినిమా త్వరలో ప్రేక్షకుల మందుకు వచ్చేందుకు సిద్ధంగా ఉన్నట్లు సమాచారం. దీంతో పాటు విజయ్ దేవరకొండ 'ఫ్యామిలీ స్టార్' కూడా సరైన విడుదల తేదీ కోసం ఎదురుచూస్తోంది. ఈ ఏడాది సంక్రాంతికి రావాల్సిన ఈ చిత్రం పలు కారణాల వల్ల వాయిదా పడింది. ప్రస్తుతం పోస్ట్ ప్రొడక్షన్ పనుల్లో బిజీగా ఉంది, ఒకవేళ 'దేవర' వాయిదా పడితే ఈ సినిమాను ఏప్రిల్ 5కు తీసుకుని రావాలని మేకర్స్ ప్లాన్ చేస్తున్నారు.
