Devara NTR Vetrimaaran Movie : తెలుగు చిత్ర పరిశ్రమ, తమిళ చిత్ర పరిశ్రమ అని విభజించి చూసే రోజులు 'బాహుబలి' తర్వాత పోయాయని, మనం మాట్లాడే భాషలు వేరు అయినప్పటికీ, మనందరినీ సినిమా ఏకతాటిపై నిలుపుతోందని యంగ్ టైగర్ ఎన్టీఆర్ అన్నారు. దేవర ప్రమోషన్స్లో భాగంగా చెన్నై వెళ్లిన ఆయన అక్కడ ఈ వ్యాఖ్యలు చేశారు.
ఇకపోతే తారక్ కోలీవుడ్ టాప్ దర్శకుడు వెట్రిమారన్తో ఓ సినిమా చేయబోతున్నారని ఆ మధ్య ప్రచారం జోరుగా సాగింది. అదే సమయంలో తన ఫేవరెట్ కోలీవుడ్ డైరెక్టర్ వెట్రిమారన్ అని తారక్ కూడా అన్నారు. అయితే తాజాగా మరోసారి ఎన్టీఆర్ వెట్రిమారన్పై తనకున్న అభిమానాన్ని చూపారు.
'తమిళంలో సినిమా ఎప్పుడు చేయనున్నారు' అని అడిగిన ఓ ప్రశ్నకు తారక్ స్పందిస్తూ "నా ఫేవరెట్ డైరెక్టర్ వెట్రిమారన్. ఆయన ఎప్పుడు నాతో సినిమా తీస్తే అప్పుడు డైరెక్ట్గా తమిళంలో నటిస్తాను" అని చెప్పారు. ప్రస్తుతం ఈ కామెంట్స్ అటు కోలీవుడ్ సినీ ప్రియుల్లో ఇటు తారక్ అభిమానుల్లో వైరల్గా మారాయి. త్వరగా వీరిద్దరి కాంబోలో సినిమా రావాలని అందరూ కామెంట్లు చేస్తున్నారు.
NTR Devara Promotions : ఇక ఎన్టీఆర్ దేవర గురించి మాట్లాడుతూ "నా కెరీర్‌లో నేను బలంగా కోరుకుని చేసిన సినిమా దేవర. డైరెక్టర్ విజన్‌కు టెక్నికల్ టీమ్ మూలస్తంభాలుగా నిలిచింది. జాన్వీ అద్భుతమైన నటి" అని చెప్పుకొచ్చారు. ఈ సినిమా సెప్టెంబర్ 27న రిలీజ్ కానుంది.
ఇకపోతే గతంలో తమిళ కమెడియన్ సూరి ప్రధాన పాత్రలో, మక్కల్ సెల్వన్ విజయ్ సేతుపతి కీలక పాత్రలో వెట్రిమారన్ తీసిన సినిమా 'విడుదల'. ఈ మూవీ ప్రమోషన్స్లో భాగంగా అప్పట్లో వెట్రిమారన్ హైదరాబాద్కు వచ్చారు. అప్పుడు ఎన్టీఆర్తో మూవీ గురించి ఆయనకు ఓ ప్రశ్న ఎదురైంది. అప్పుడు తాను ఎన్టీఆర్ను కలిశానని, కానీ కొన్ని కారణాల వల్ల సినిమా కుదరలేదని వివరించారు. అప్పటి నుంచి వీరిద్దరి కాంబోలో సినిమా గురించి గాసిప్స్ ఎక్కువయ్యాయి.
విడుదలకు ముందే దూసుకెళ్తోన్న 'దేవర' - ఆ రికార్డులన్నీ బ్రేక్! - Devara Movie Records
