Devara Day 1 Collections : గ్లోబల్ స్టార్ ఎన్టీఆర్ లీడ్ రోల్లో తెరకెక్కిన 'దేవర పార్ట్ 1' శుక్రవారం థియేటర్లలో రిలీజైంది. ఈ సినిమాకు ఫస్ట్ షో నుంచే బ్లాక్బస్టర్ రెస్పాన్స్ వస్తోంది. తమ చిత్రాన్ని ఇంతగా ఆదరిస్తున్న ప్రేక్షకులకు మూవీటీమ్ ధన్యావాదాలు తెలిపింది. తాజాగా హైదరాబాద్లో ప్రెస్మీట్లో పాల్గొన్న మూవీటీమ్ పలు ఆసక్తికర అంశాలు షేర్ చేసుకుంది. ఈ క్రమంలో దేవర తొలి రోజు కలెెక్షన్లలో టాప్ 2లో ఉండవచ్చని ప్రముఖ నిర్మాత దిల్రాజు అంచనా వేశారు.
డే 1 కలెక్షన్స్ టాప్ 2లో!
ఈ ప్రెస్మీట్లో పాల్గొన్న నిర్మాత దిల్రాజు 'దేవర' సెకండ్ బిగ్గెస్ట్ ఓపెనింగ్ కానుందని అన్నారు. 'దేవరకు బిగ్గెస్ట్ ఓపెనింగ్స్ వచ్చాయి. డే 1 హైయ్యెస్ట్ గ్రాస్లో దేవర టాప్ 2లో ఉంటుదని అనుకుంటున్నా. రాత్రివరకు కచ్చితమైన నెంబర్లు వస్తాయి. ఇక సినిమాలో ఎన్టీఆర్ నటన అదిరిపోయింది. ప్రస్తుతం తెలుగు సినిమాకు విదేశాల్లో మంచి ఆదరణ లభిస్తోంది. తెలుగు సినిమాకు ఇంతలా గుర్తింరు వచ్చేలా పనిచేస్తున్న డైరెక్టర్లు, హీరోలు, ప్రొడ్యూర్లకు థాంక్స్' అని అన్నారు.
'సినిమా కోసం కష్టపడ్డ కొరటాల శివ, మేకర్స్ అందరికీ థాంక్స్. అలాగే ఆదరిస్తున్న అభిమానులు, సినీ ప్రియలకు ధన్యవాదాలు. ఈ సినిమా కోసం టీమ్‌ ఎంతో కష్టపడి పనిచేసింది. (ఎన్టీఆర్‌ను ఉద్దేశించి) నా తమ్ముడు, మా నాన్న యాక్టింగ్‌తో అదరగొట్టేశాడు. ఇది వన్‌ మ్యాన్‌ షో అని గర్వంగా చెప్పగలను. మాకు ఇలాంటి విజయాన్ని అందించిన టీమ్‌కు థాంక్యూ' అని కల్యాణ్రామ్ అన్నారు.
కెరీర్ బెస్ట్ అంటున్నారు
దేవర తన కెరీర్లో బెస్ట్ ఫిల్మ్ అంటున్నారని డైరెక్టర్ కొరటాల శివ తెలిపారు. 'దాదాపు మూడేళ్ల ప్రయాణమిది. మాకు ఇంత పెద్ద విజయాన్ని ఇచ్చిన తెలుగు ప్రేక్షకులకు ధన్యవాదాలు. రాత్రి నుంచి వరుసగా ఫోన్ కాల్స్‌ వస్తున్నాయి. ఇది నా బెస్ట్ ఫిల్మ్ అని అందరూ మెచ్చుకుంటున్నారు. నటీనటులు, సాంకేతిక నిపుణులు అందరి వల్లే 'దేవర' ఈ స్థాయికి వెళ్లిందని నేను నమ్ముతున్నా. ప్రతి ఒక్కరూ సినిమా కోసం కష్ట పడ్డారు. ఇది అందరి విజయం' అని శివ పేర్కొన్నారు.
కాగా, ఈ సినిమాను కొరటాల శివ రెండు పార్ట్లుగా తెరకెక్కించారు. అందులో భాగంగా నేడు తొలి భాగం రిలీజైంది. బాలీవుడ్ బ్యూటీ జాన్వీ కపూర్ హీరోయిన్గా నటించగా, సైఫ్ అలీ ఖాన్ కీలక పాత్ర పోషించారు. ఇక సీనియర్ నటుడు శ్రీకాంత్, శ్రతి మరాఠే, ప్రకాశ్ రాజ్, అజయ్, మురళీ శర్మ తదితరులు నటించారు.
