Dadasaheb Phalke International film festival awards 2024 : ఫిల్మ్ ఇండస్ట్రీలో జరిగే పురస్కార ప్రదానోత్సవ కార్యక్రమాల్లో దాదా సాహెబ్‌ ఫాల్కే ఇంటర్నేషనల్‌ ఫిల్మ్ ఫెస్టివల్‌ (డీపీఐఎఫ్‌ఎఫ్‌) కూడా ఒకటి. తాజాగా ఈ వేడుక ముంబయిలో ఘనంగా జరిగింది. మంగళవారం రాత్రి జరిగిన ఈ వేడుకలో పలువురు సినీ తారలు విచ్చేసి సందడి చేశారు. అవార్డులను అందుకున్నారు. ఫొటోలకు పోజులిచ్చారు.
ఈ ముగ్గురు స్పెషల్ అట్రాక్షన్గా : గతేడాది డిసెంబర్‌లో రిలీజై బాక్సాఫీస్ వద్ద సెన్సేషనల్ హిట్ అందుకున్న చిత్రం యానిమల్‌. ఈ చిత్రానికి దర్శకత్వం వహించిన సందీప్ వంగాకు ఉత్తమ దర్శకుడిగా పురస్కారం దక్కింది. అలాగే కోలీవుడ్ దర్శకుడు అట్లీ తెరకెక్కించిన జవాన్ చిత్రానికి రికార్డ్ స్థాయిలో వసూళ్లు వచ్చిన సంగతి తెలిసిందే. ఇందులో కథానాయకుడిగా నటించిన షారుక్ ఖాన్ ఉత్తమ నటుడిగా, హీరోయిన్గా నటించిన నయనతారకు ఉత్తమ నటి అవార్డులు దక్కాయి. ఈ ముగ్గురు వేడుకలో ప్రత్యేక ఆకర్షనగా నిలిచారు. ప్రస్తుతం ఈ వేడుకకు సంబంధించిన ఫొటోలు, వీడియోలు నెట్టింట్లో చక్కర్లు కొడుతున్నారు. అభిమానులు, ప్రేక్షకులు వారికి కంగ్రాట్స్ చెబుతున్నారు.
విజేతలు వీరే..
- ఉత్తమ నటుడు - షారుక్ ఖాన్(జవాన్)
- ఉత్తమ నటి - నయనతార(జవాన్)
- ఉత్తమ నటుడు (నెగెటివ్‌ రోల్‌)- బాబీ దేవోల్‌ (యానిమల్‌)
- క్రిటిక్స్‌ ఉత్తమ నటుడు - విక్కీ కౌశల్‌ ( సామ్‌ బహదూర్‌)
- ఉత్తమ గీత రచయిత - జావేద్‌ అక్తర్‌ ( నిక్లే ది కభి హమ్‌ ఘర్‌సే ధున్కీ)
- ఉత్తమ సంగీత దర్శకుడు - అనిరుధ్‌ రవిచందర్‌
- ఉత్తమ ప్లేబ్యాక్‌ సింగర్‌ (Male) - వరుణ్‌ జైన్‌
- ఉత్తమ ప్లేబ్యాక్‌ సింగర్‌ ( Female) - శిల్పా రావు
- ఔట్‌ స్టాండింగ్‌ కంట్రిబ్యూషన్‌ ఇన్‌ మ్యూజిక్‌ ఇండస్ట్రీ - యేసుదాసు
- ఔట్‌ స్టాండింగ్‌ కంట్రిబ్యూషన్‌ ఇన్‌ ఫిల్మ్ ఇండస్ట్రీ - మౌషుమీ ఛటర్జీ
టెలివిజన్‌ విభాగం
- టెలివిజన్‌ సిరీస్‌ ఆఫ్‌ది ఇయర్‌ - ఘమ్‌ హై కిసీకే ప్యార్‌ మెయిన్‌
- ఉత్తమ నటుడు - నెయిల్‌ భట్ (ఘమ్‌ హై కిసీకే ప్యార్‌ మెయిన్‌)
- ఉత్తమ నటి - రూపాలీ గంగూలీ (అనుపమ)
వెబ్‌సిరీస్‌ విభాగం
క్రిటిక్స్‌ ఉత్తమ నటి - కరిష్మా తన్నా (స్కూప్‌)
భయపెడుతున్న తెలుగు హీరోయిన్ హారర్ థ్రిల్లర్ మూవీ! - రిలీజ్ ఎప్పుడంటే?
టాలీవుడ్ స్టార్లకూ రిలీజ్ డేట్ సెంటిమెంట్- 10 మంది హీరోల సినిమాలు ఒకే తేదీనే
