Crime Thriller Series In OTT : ఇండియాలోని పాపులర్ వెబ్సిరీసుల్లో మీర్జాపుర్ ఒకటి. రిలీజైన అన్ని భాషల్లోనూ ఇది సూపర్‌ హిట్‌ టాక్ అందుకుంది. ఇప్పటికే రెండు సీజన్లతో అలరించిన ఈ సిరీస్ ఇప్పుడు 'మీర్జాపుర్' 3గా ప్రేక్షకుల ముందుకొచ్చింది. ప్రముఖ ఓటీటీ సంస్థ అమెజాన్ ప్రైమ్ వేదికగా సక్సెస్ఫుల్గా స్ట్రీమ్ అవుతోంది. అయితే మీరు ఈ మూడు సీజన్లను కంప్లీట్ చేసుంటే నెట్టింట అలాంటి థ్రిల్లింగ్‌, రోలర్‌కోస్టర్‌ రైడ్‌ లాంటి ఫీలింగ్‌ అందించే వెబ్ సిరీస్లు ఉన్నాయి. వాటినీ ఓ లుక్కేయండి మరి.
ఆర్య (డిస్నీ+ హాట్‌స్టార్‌)
ఆర్య సరీన్ అనే మహిళ డ్రగ్స్ వ్యాపారంలోకి బలవంతంగా అడుగుపెడుతుంది. అయితే ఆ తర్వాత అందులో ఆమె సెటిల్ అయిపోతుంది. అయితే తన కుటుంబంతో పాటు తన సామ్రాజ్యాన్ని నాశనం చేయాలనుకునే ఓ కొత్త శత్రువును ఎదుర్కొంటుంది. మరి ఆమె ఆ శత్రువు నుంచి తన కుటుంబాన్ని కాపాడుతుందా? ఈ సమాధానం తెలియాలంటే మీరు ఈ సిరీస్ తప్పక చూడాల్సిందే.
సేకర్డ్ గేమ్స్ (నెట్‌ఫ్లిక్స్)
సమస్యల్లో ఉన్న పోలీసు సర్తాజ్ సింగ్ (సైఫ్ అలీ ఖాన్)కి ముంబయిని రక్షించడానికి 25 రోజుల సమయం మాత్రమే ఉందని ఓ కాల్ వస్తుంది. అయితే తక్కువ టైమ్ తన వద్ద ఉన్నందున అతనికి ఎక్కడి నుంచి పని మొదలు పెట్టాలో అర్థం కాదు. క్రైమ్ బాస్ గణేష్ గైటోండే (నవాజుద్దీన్ సిద్ధిఖీ) గైడెన్స్‌లో చీకటి సామ్రాజ్యంలో గ్యాంగ్‌స్టర్స్‌ని ఏరివేయడాన్ని ప్రారంభిస్తాడు. చివరికి తన మిషన్‌లో సక్సెస్ అయ్యాడా? మధ్యలో ఎలాంటి అవరోధాలు ఎదురయ్యాయి? ఇటువంటివి సిరీస్లో చూసేయండి.
నార్కోస్ (నెట్‌ఫ్లిక్స్)
హింస, ఘోరాలతో నిండి ఉంటుంది ఈ సిరీస్. ముఖ్యంగా అగ్రస్థానం కోసం అందరూ పోరాడటం ఆసక్తి రేపుతుంది. 2015లో విడుదలైన ఈ సిరీస్ ఇప్పటికీ పాపులర్ అవుతూనే ఉంది.
పీకీ బ్లైండర్స్ (నెట్‌ఫ్లిక్స్)
మీర్జాపుర్‌లో లాగే ఈ క్రైమ్ డ్రామా మొత్తం గ్యాంగ్‌స్టర్‌లతో నిండి ఉంటుంది. సిలియన్ మర్ఫీ, టామ్ హార్డీ, అన్యా టేలర్-జాయ్ అనే క్యారక్టెర్ల చుట్టూ ఈ కథ తిరుగుతుంది. 1920ల నాటి బర్మింగ్‌హామ్‌కి టామీ షెల్బీ (మర్ఫీ), అతని సోదరులు, మొదటి ప్రపంచ యుద్ధం నుంచి తిరిగి వస్తారు. 'పీకీ బ్లైండర్స్' గ్యాంగ్‌ను ఏర్పాటు చేస్తారు. వారు చట్టవిరుద్ధంగా నగరాన్ని తమ ఆధీనంలోకి తీసుకుని లండన్‌పై దృష్టి పెడతారు. ఇలా వారు అధికారంలోకి రావడంలో అనేక రక్తపాతాలు జరుగుతాయి.
రంగబాజ్ (జీ5)
1990లలో ఉత్తరప్రదేశ్‌ను భయభ్రాంతులకు గురిచేసిన శ్రీ ప్రకాష్ శుక్లా అనే పవర్‌ఫుల్‌ మాబ్‌స్టెర్‌, కాంట్రాక్ట్ కిల్లర్ రియల్ స్టోరీతో ఈ సిరీస్ రూపొందించారు. ఈ సిరీస్లో అతను సాధారణ విద్యార్థి నుంచి భయంకరమైన మాబ్‌స్టెర్‌గా మారే ప్రయాణం థ్రిల్లింగ్‌గా ఉంటుంది. నమ్మకద్రోహమైన పొత్తులు, ఘోరమైన ప్రత్యర్థులు, తీవ్రమైన వ్యక్తిగత వైరుధ్యాలు క్రైమ్ డ్రామా లవర్స్‌ని కట్టిపడేస్తాయి.
సాస్, బహు ఔర్ ఫ్లెమింగో (డిస్నీ+ హాట్‌స్టార్‌)
కల్పిత రూంజ్ ప్రదేశ్‌లో, పవర్‌ఫుల్‌ ఉమెన్‌ (డింపుల్ కపాడియా) నేతృత్వంలోని కుటుంబం దక్షిణాసియాలో అతిపెద్ద డ్రగ్ కార్టెల్‌ను నడుపుతుంటుంది. వ్యాపారం, రాణి కోఆపరేటివ్, మూలికలు, బొమ్మలను తయారు చేసే ముసుగులో డ్రగ్ ఆపరేషన్లు మహిళలే నిర్వహిస్తుంటారు. ఆ సమయంలో పవర్‌ స్ట్రగుల్స్‌ మొదలవుతాయి. ప్రత్యర్థులతో పోరాటాలు, స్టోరీ మలుపులు ఆకట్టుకుంటాయి.
మీరు గుడ్డూ భయ్యా ఫ్యాన్సా? అయితే ఈ బెస్ట్ మూవీస్ మీ కోసమే! - Ali Fazal Movies
బాక్సాఫీస్కు రానున్న పాన్ఇండియా ఫిల్మ్- OTTలో మరికొన్ని- లిస్ట్ ఇదే! - This Week OTT And Movies
