Chiranjeevi Viswambara Movie Heroine : మెగాస్టార్ చిరంజీవి నటిస్తున్న సోషియో ఫాంటసీ 'విశ్వంభర' చిత్రంలో హీరోయిన్ ఎవ‌ర‌నే స‌స్పెన్స్‌కు తెర‌ప‌డింది. ఈ చిత్రంలో త్రిష హీరోయిన్‌గా నటించనుంది. ఈ విష‌యాన్ని సోమ‌వారం ఇన్‌స్టాగ్రామ్ ద్వారా చిరంజీవినే స్వయంగా ఆఫీషియ‌ల్‌ అనౌన్స్మెంట్ చేశారు. త్రిష విశ్వంభర సెట్స్లో అడుగుపెట్టిన వీడియోను ఇన్‌స్టాగ్రామ్‌లో షేర్ చేశారు. ప్రస్తుతం ఈ వీడియో సోష‌ల్ మీడియాలో వైర‌ల్ అవుతోంది.
18ఏళ్ల తర్వాత : ఇకపోతే గ‌తంలో 2006లో స్టాలిన్ సినిమా కోసం చిరంజీవి - త్రిష కలిసి నటించారు. ఈ చిత్రంలో చిరుకు జోడీగా త్రిష ఆడియెన్స్ను ఎంటర్టైన్ చేసింది. మళ్లీ ఇప్పుడు దాదాపు ప‌ద్దెనిమిదేళ్ల గ్యాప్ తర్వాత మ‌రోసారి చిరంజీవితో కలిసి త్రిష నటించనుంది. ప్రస్తుతం విశ్వంభర మూవీ షూటింగ్ హైదరాబాద్‌‌లో ప్రత్యేకంగా వేసిన సెట్స్లో జరుగుతోందట. హై రేంజ్ విజువల్స్తో షూట్ చేస్తున్నారని అంటున్నారు. ఈ నెల 9 నుంచి ఓ సాంగ్ షూట్ చేయబోతున్నారని తెలిసింది. ఈ షెడ్యూల్‌లోనే త్రిష జాయిన్ కానుందని సమాచారం అందింది.
Viswambara Relese Date : విశ్వంభర సినిమాకు బింబిసార ఫేమ్ వ‌శిష్ట మ‌ల్లిడి ద‌ర్శ‌క‌త్వం వ‌హిస్తున్నారు. ఇప్పటికే విడుదలైన సినిమాకు సంబంధించి కాన్సెప్ట్ వీడియో బాగానే ఆకట్టుకుంది. మూవీపై మరింత ఆసక్తిని పెంచింది. సంక్రాంతి కానుక‌గా 2025 జ‌న‌వ‌రి 10 ఈ చిత్రాన్ని రిలీజ్ చేయనున్నారు. ఫాంటసీ యాక్ష‌న్ ఎంట‌ర్‌టైన‌ర్‌గా తెర‌కెక్కుతోన్న ఈ చిత్రాన్ని యూవీ క్రియేష‌న్స్ బ్యానర్పై వంశీ, ప్ర‌మోద్‌, విక్ర‌మ్ నిర్మిస్తున్నారు. ఆస్కార్ అవార్డ్ గ్రహీత కీరవాణి సంగీతం సమకూరుస్తున్నారు.
కాగా, రీఎంట్రీలో వరుస సినిమాలతో అలరిస్తున్నారు చిరంజీవి. అయితే గత ఏడాది కూడా రెండు చిత్రాలను చేయగా మొదటిది 'వాల్తేరు వీరయ్య' సూపర్ హిట్గా నిలిచింది. రెండోది 'భోళాశంకర్' మాత్రం దారుణంగా డిజాస్టర్ టాక్ను మూటగట్టుకుంది. దీంతో ఆచితూచి మరీ విశ్వంభర కథను ఎంచుకున్నారు చిరు. చూడాలి మరి ఈ సినిమా ప్రేక్షకులను ఆకట్టుకుంటో లేదో, వసూళ్లను తెచ్చిపెడుతుందో లేదో.
గ్రామీ విజేతలుగా శంకర్ మహదేవన్, జాకీర్ హుస్సేన్నిమిషానికి కోటిన్నర - 'లాల్ సలామ్' రజనీ రెమ్యునరేషన్ అన్ని కోట్లా?
